يامل قلب يسج وفية دولاجة

[رياح الشوووق]

قصيدة مشهورة واصبح لها صدى بين مسامعنا
وهي قصيدة للشاعر المعروف

عبدالله بن عون


يامل قلب يسج وفية دولاجـــــة
من هاجس بالضماير قام يدرجها

في معزل عن جميع الخلق وازعاجه
مااسمع من الناس لو تكثر لجالجها

ماغير اهوجس تقول مضيع حاجة
واخذ واسند على روحي واهرجها

وادوج لو كن ما رجلي بدواجة
ادله النفس لين الله يفــرجهــا

يالله ياللي بيدك الضيق وافراجه
ياخالق الخلق ياقاضي حوايجها

ابرج لعين الياغضة بسوهاجــــه
تجهز عليه الطوارئ لين تزعجها

بالصدر ضيق ونوم العين هملاجه
عينٍ من العام والسهر امتولجها

نوب سهرها شديد ونوب كن منهاجه
مرا تكن الدموع ومــــر تزعجـــــــها

عليك ياللي بقلبي كــن وهاجـــه
وهاج نار هواء الغربي يـ..ـسارجها

راعي ثمان تشادي اللؤلؤ لعاجـــة
كن البرد يوم يضحك في مفالجها

ياروح روحي وجرح القلب وعلاجه
الطف بحال عليك الهم ساهجها

قلب يناجيك بسلوب الهواء ناجه
يشكي لك الحال داخلها وخارجها

اما التفت له وتم الوصول بمواجه
ولا بلاعــــــــشرة هاذي نتايجها

وش ينفعك من حنين القلب وخلاجه
واجـــــروح اسبابها انت ولاتعــــالجها


تحياتي لكم

[الباشا الهلالي]

مشكور اخوي رياح مبدع كعادتك وبيض الله وجهك على المجهود

[المايسترو]

بن عون شاعر جزل .. وقصيده مميز

وبيض الله وجهك ولاهنت

[ناصر الحافي]

صح لسان الشاعر الكبير عبدالله بن عون

كان امير الشعراء محمد الاحمد السديري رحمه الله

يتمنى البيت :

يامل قلبً يسج وفيه دولاجه = من هاجس بالضماير قام يدرجها

يعطيك العافيه يارياح الشوووق

[كوبرا]

صح لسان الشاعر الكبير عبدالله بن عون


مشكور اخوي وماقصرت على هالموضوع الرائـع

لاتحرمنا جديدك المميز والمبدع دائـــمــاُُ

[عبدالرحمن المتعب]

يعطيك العافية رياح الشووق
أتمنى لك المزيد من الإبداع

[رياح الشوووق]

المشاركة الأصلية كتبت بواسطة الباشا الهلالي

مشكور اخوي رياح مبدع كعادتك وبيض الله وجهك على المجهود

مشكوررررررر اخوي الباشا على مرورك الكريم
تحياتي لك

[رياح الشوووق]

المشاركة الأصلية كتبت بواسطة المايسترو

بن عون شاعر جزل .. وقصيده مميز

وبيض الله وجهك ولاهنت

ووجهك ابيض يابن العم
تحياتي لك

[رياح الشوووق]

المشاركة الأصلية كتبت بواسطة ناصر الحافي

صح لسان الشاعر الكبير عبدالله بن عون

كان امير الشعراء محمد الاحمد السديري رحمه الله

يتمنى البيت :

يامل قلبً يسج وفيه دولاجه = من هاجس بالضماير قام يدرجها

يعطيك العافيه يارياح الشوووق

يعافيك ربي ياناصر
سررت بمرورك الكريم
تحياتي لك

[رياح الشوووق]

المشاركة الأصلية كتبت بواسطة كوبرا

صح لسان الشاعر الكبير عبدالله بن عون


مشكور اخوي وماقصرت على هالموضوع الرائـع

لاتحرمنا جديدك المميز والمبدع دائـــمــاُُ

يسلمووووووووو على المرور
والجديد في الطريق
تحياتي لك