[ ترحيب ] تــرحيب حافي بحـافي

[راكان بن مروي]

السلام عليكم ورحمـة الله وبركــاتة

هذه قصيدة ارتجاليه قالها والدي الشاعر سلمان عزيز الحافي

بمناسبة زيارة الاخوان

عبدالقادر الحافي ][ ابن وافي ][

سلطان الحافي

ناصر بن سعود

بدر الحافي

للأطمئنان على صحة الوالد

والذين تكبدوا عناء السفر لمدينة عرعر

ومانقول الا بيض الله وجيههم وماقصروا

يامرحبا بالبدر واخوه سلطان=وناصر سعود ومرحبا يابن وافي
ترحيبة اللي للمواليف شفقان=والا بعد ترحيب حافي بحافي
اقولها من قلب وبمنطق السان=والله يعلم ماتكن الخوافي
انشهد اني يالمطانيخ فرحان=بوجودكم فرحان والرمز كافي
بوجودكم ماعادسلمان مرضان=بوجودكم من كل شرمتعافي
يامرحباباسمي وقلها ياراكان=رحب بربعك طيبين الملافي
من خاطر(ن)ناصح ومن قلب وايمان=مانيب مستغرب وفا كل وافي
ياكبرشانك نجد ديرة هل الشان=ان مت في حبك مماتي عوافي

الشاعر سلمان بن عزيز الحافي

[سهم المنايا]

الله الله ياراكان على ابداع ابوراكان وعوايده الطيب واللي زاروه بيض الله وجيهم(((((مانيب مستغرب وفا كل وافي))))))))))))))

اسمحولي يالحفاه رايح انزلها فالصحافه في اقرب فرصه لان هذا علم طيب وعلم الطيب كلن يشوشله

سهم المنايا((السبيعي)))م دغ م

[راكان بن مروي]

لاهنت يالسبيعي ويعطيك عافيه

[ابن مجلبه]

وعليكم السلام ورحمة الله وبركاته

صح لسان ابو راكان

و قصيدة جزلة من شاعر جزل

ان شاء الله تقوم سالم متعافي


:::::::::::::::::::::::::::::::::::::::::::::::::: ::::

بيض الله وجيهكم سلطان , ناصر , بدر , عبد القادر على زيارة شاعرنا الكبير ابو راكان

و ابو راكاااااااااااااااان يستاهل من عينا له


:::::::::::::::::::::::::::::::::::::::::::::::::: ::::

راكان

بيض الله وجهكـ

الله يعطيكـ العافية


تحيتي و سلامي لكـ و لوالدكـ

[الجرح الثقيل]

يستاهلون الاخوان هذا التقدير من ابو راكان
وهذا الشعور الرائع غير مستغرب منك ياشاعرنا الكبير

[راكان بن مروي]

ابن مجلبه صح بدنك ويعطيك العافيه

[راكان بن مروي]

الجرح الثقيل تستاهل الجنه ويعطيك العافيه

[ابن مشيب]

صح لسان ابو راكان والله يقومه بالسلامه

ولها الحق فى الزياره والعيال ماقصرورا

ولا هى غريبه عليهم العلم الطيب وتسلم

ياراكان على النقل.. وسلم على الوالد وتحمدلله على السلامه

[راكان بن مروي]

بن مشيب الله لايهينك ويسلمك وسلامك ياصل ويعطيك العافيه

[نايف مطلق بن مصيبيح]

صح الله السانك

وبيض الله وجهك

يبوراكان

وزيارتك حق واجب

وبيض الله وجيه النشاما اللى قامو بالواجب

وبيض الله وجهك ياراكان

وسلم على ابوك

والله يقومه لك بسلامه