رد على قصيدة محمد بن الذيب

[عياد الغربي]

السلام عليكم ورحمة الله وبركاته

هذه القصيدة رد على قصيدة الشاعر محمد بن الذيب

التي قالها في حرب لبنان ويقول في مطلعها

المشكلة ماهي قضية فلسطين=المشكلة لبنان راحت وراها
البيت هذا في ضميري من سنين=يطرق علي مسامعي ويتناها

وهذا ردي على ابن الذيب صوتية وكتابية

يامحمد ابن الذيب وش ذا المضامين= كنـــــك جهلـت البيـر والـي غطــاهـا
كنت احسب انك تعرف الشين والزين= وثارت بواريد العــــدى فـــي اخباهـا
شيع مع الشيعه عسى فالك الشيـن=يمكـن يحطــــونـك سفيـر اسفــراهـا
وان عوشروا عوشر علي شط قزويـن= واخذ الفتاوي مـن كبـار اعلمــــاهـا
والا لحزب الله تسـوق البعـــاريـن= واليا وصلت ارجوك قـل لومراهـا
انقسموا لقسمين صايـب ومخطـيـن= سنه وشيعه والعـرب فـي هــواهـا
واهل الخطى مبط مهو قبل يوميـن=عام الصحابـه والخـوارج بــلاهـا
الدين يابن الذيب مايخلـص الديـن= علم بها الشيعـه وكـل اشــوراهـا
حبيـت ابرهـن للحقيقـه بـــــراهيـن= والخافي اعضم وش تكن بحشاهـا
واللي يضيف الناس تسعه وتسعين= قلـــه بقـــي وحـده ويحصـــل مناهـا
حطــم مقــاييس الخيانه علـي ميـن=وارضـه علـــم رابيـن غطـي ثراهـا
الثعلــب المكـــار يضبـــح للأدنـيـن=لا يحســب انه ذيـب حــــامـي فلاهـا
جيـــده يســـرح فالعبـــاد الضــعيفين=ويبــاري الطـــرقـا على ايش يتباها
والثالثـــه باقـــي لهــابـس بنطــيـن= واتفـــور اللعــبـه ويكشــف خفـاهـا
وحشو الربيع اليا ادهر الوقت بتشين=وعقب المنام العين تجفـي كراهـا
درب العلا يبغي رجالـن شجيعيـن=الي مـن العـدوان تـــــروي قناهـا
تبغى لها رجلن من رجالن مسميـن= يارد حياض الموت ماقـد خشاهـا
ماهي سوالـف لابسـات الفساتيـن= والا الديـون الـي نـدور قضاهـا
يامحمد ابن الذيب وحـده وثنتيـن= غنيت فـي لبنـــان واللـي وطاهـا
لاباس لكـن لاتنـوش السلاطيـن=انتـه ويعـرب كـــــلكـم فـي ذراهـا
وان كان تجهل فالرجـال الكريميـن= اعطيك نبـذه تنفـع اللـي قراهـا
ال السعـود ملحقـيـن المخلـيـن= ذولا عمى عيـن الحسـود وقذاهـا
حكام نجد الياغـدى العلـم علميـن= يقصر مدى الخاين ويطـول مداهـا
لياثارت الهيجـاء سـوات البراكيـن=كـــم خيبـــوا نيـــة رديـن نـــواهـا
ريف الصديق وسقم كـل المعاديـن= بيدينهـم جـرح الكبــــــود ودواهـا
لنصرة المضيـوم والديـن وافيـن=وكم دولتن تعـط العطـى منعطاهـا
اهل الكرم والطيب فالعسـر والليـن=واهل العلوم اللـي يشـرف نباهـا
كفاتهـم ترجـح بكـل المـــــــوازيـن=مثل المزون اللـي يشـوق سناهـا
هذه عن ال سعود بـس العناويـن=مثل القمر بيـن النجـوم بفضاهـا
والله لو اكتب لتملـي الدواويـن=سيرة هـل الوفـات وابهـا اتباهـا
لعيونهم نارد علي المـوت عجليـن= مثل الهبوب اليـا تصافـق هواهـا
واختامها ياللي لك الخلـق داعيـن=تحفـــــظ لنـا حكـــامنـا واتحمـاها

آمل ان ترتقي لذائقتكم

[راكان بن مروي]

صح لسانك ويعطيك عافيه

[ابن مشيب]

صح لسانك يابو غازى واعتلا


شانك قصيده جزله من شاعر جزل

لاهنت والله يعطيك العافيه وبنتظار القادم

[عياد الغربي]

صح بدنك ياراكان

والله يعافيك

اسعدني حضورك هنا

[عياد الغربي]

صح بدنك يابن مشيب

والله يعافيك

وابشر باللي تبي

مرورك شرف

[الـــقـــلـــم الـــحـــر]

مشاء الله عليك وصح السانك

[جريح الصمت]

صح السان الشاعرين

[نايف بن مزيد]

صــح لســانــكــ يــاذيبــان...........

[نايف بن مزيد]

صــح لســانــكــ...........

[شباب الحافي]

صح لسانك
والله يعطيك العافية
ولك تحياتييييييييييييي