من قصائد الامير الراحل عبدالمحسن بن غازي التوم

[ذعارالتوم]

	هاض الغرام وعافت النفس نومهـا ونفسي من الفرقـا تزايـد همومهـا والصدر كن موقـد الجمـر داخلـه يصلاه من حـر الوقايـد سمومهـا على الجادل الي نازح البعـد دونهـا قلبـي معاشقهـا ونفسـي ترومهـا

	أرجي مواصلهـا وأغامـر بحبهـا وأسوق ماتملك يـدي فـي لزومهـا أرخص بها حالي ومالي رضا لهـا واللي يغالـي بالثمـن لا يسومهـا نبنوبـه يهتـز للـغـي عـودهـا ولا تعشق الا من نـوادر قرومهـا اللاش ماترضـى تشوفـه بعينهـا لا شافته تغضي وتضفـي هدومهـا وتـقـــول الخـفـــرات لا تقبلـنـه ومن عاشقت مثله عسى الله يلومهـا شومـــن لبـذال النـدا كاســـب الثنـا نفسه على العليـا قـوي عزومهـا قاسي على القاسي وفي مـع الوفـا حلحيل حيـال الاجـت خصومهـا الخصـم لا زاره تكسـر عزايمـه من دون هومات مـن اول يهومهـا يرجع معيف وميس مـن مطامعـه عينه تعاني من رمدهـا اهزومهـا قطاف تصطي مع لسانـه جروحـه ليا عمست الاريا وذلـت رخومهـا ليا امسـت الاريـا بفكـره يدشهـا ويمنـاه تـورد بالمنايـا سهومهـا في ساعة تذهل بها كـل مرضعـه من الحشر فالدنيا ليا شـان يومهـا هذاك عشقت من يبا العز والشـرف لا صار ذا فعلـه ومقـدام قومهـا مقـدم مناعيـر بـرايـه يدلـهـم بحلم على الجاهل وغشـم لغشومهـا واللي يبي منه النصف منصف لـه ويبطش الا شاف الخطا من ظلومها له ميزه يعـرف بهـا قبـل غيـره بحلم وصفح ليـن تاقـف علومهـا والا انقطع حبل السوى مـن قبيلـه ضده جزاها قمعهـا فـي خشومهـا ومع ذا يمينه طبعها الجود والصخـا وعوايـد لاهلـه يبيـن رسومـهـا مبنـاه بنـي قبلـه وزاد ارتفاعـه علـى مبانيهـا وســدد ثلومـهـا عزز قواعدها على شامـخ الصفـا وارست بعد هز المعـادي عقوبهـا الله يستـر علـى هـذاه ومثايـلـه ويقطـع رجـال ماتفاخـر بقومهـا الي يبـا الطولـه هـذي خصايلـه يتعب ويسهر لين يصعـد رجومهـا الحر ماياقع علـى طامـن الوطـا الا ماتعلا الرجـم يصـك حومهـا ينهـض ابجنحـان تشيلـه مناكبـه وريش اليو مابه شهر مع انجومهـا وخـلا حناديهـا تخاشـر غرابهـا وخلا درجها ساكـن عنـد بومهـا يكفيه ضرباتـه بساطـي مخالبـه ورزقه على اللي خالفه من عدومهـا والذل ماينفعك وان صابـك القـدر والنفس له وقـت لهـا ومحتومهـا ومع ذا ترى ماهاض قلبي وضامري الا الرجال الـي تضيـع سلومهـا مثل الغـراب ومشيتـه والحمامـه تبا قسوم الناس واخطـت قسومهـا رجال ماغير بشوت وازوال وافيـه تكمـل مراجلهـا بغفـوة حلومهـا ناس على غفـلات الاجـواد هـذه علـى مجالسهـم تشلـخ الحومهـا اهل النمايـم فعلهـا الهـرج بالقفـا واهل الشجاعه فعلهـا مـع قدومهـا هــذا وياسامعـهـا لا تلومـنـي والبنت فـي معشوقهـا لا تلومهـا واختم كلامي بالصلاة علـى النبـي عـداد ماتمطـر همايـل غيومهـا

[سلمان عزيز]

الله يرحم ابوغازي
اخوي ذعارلاهنت
ويعطيك العافيه

[ابن وافي]

الله يرحمه ويسكنه الجنه


ابو عبدالله


لاهنت علي تزويدنا بقصائد الأمير الراحل ...






ابن وافي

[ذعارالتوم]

ابوراكااااااااااااااااااااان



بيض الله وجهك ورحم الله والديك

[ذعارالتوم]

ابن وافي



انت اللي بيض الله وجهك ماينلحق تاليك دائم متحفنا بما هو رائع وجديد

[ابن مشيب]

الله يرحم ابو غازى ويسكنه فسيح جناته


والله يعطيك العافيه ابو عبدالله


على نقل هالقصيده ودمت


بالف عافيه وتحيتى لك

[ناصر بن سعود]

الله يرحمه ويسكنه الجنه


ابو عبدالله


لاهنت علي تزويدنا بقصائد الأمير الراحل عبدالمحسن التوم

يعطيك الف عافية

كل الود والتقدير لك

[نايف مطلق بن مصيبيح]

ذعار بيض الله وجهك

على تزويدنا بهذه

الدره الثمينه

لشيخ / عبدالمحسن التوم

رحمه الله

تقبل تحياتي

[جريح الصمت]

بيض الله وجهك على الطرح

[ذعارالتوم]

لاهنت يابن مشيب بيض الله وجهك