مفروض يعطي ثوبه الحرمه ويلبس ثوبها

[نايف بن مزيد]

العمر يفنـى والحيـاة أحـلام والدنيـا متـاع

يا كـمّ نفـسٍ روّحـت مـا حقّقـت مطلوبهـا

يا منخدع في ضحكة الدنيا ترى الضحكة خـداع

لا تأمن الدنيا ولو تضحـك لـك مْـع جنوبهـا

إن ما تغانمت المراجل قبـل ساعـات الـوداع

بَعَد وفاتك ماهي بصوبـك ولا انـت بصوبهـا

والمرجلة ماهيب سلعـة تنشـرى والاّ تبـاع

كم ناسٍ يقومون ويطيحون مـا فرْحـوا بهـا

اللي مولّع بالضياع يـروح لـدروب الضيـاع

واللـي مولّـع بالمراجـل مـا يغـرّ دروبهـا

الطّيب بيِّن ومتعيِّن مـا علـى وجهـه قنـاع

لكن بعض النـاس عميـا والجَهَـل عذروبهـا

والغيب ما يُعلم لكـنّ العقـل سِيـد الإختـراع

ليا اشتغل عقلك عرفت الناس وش فـ"قلوبهـا"

وإن كان ما انته مستفيد من الدّماغ الاّ الصّداع

ما غير حـظ الصّيدليّـة مـا تبـور حبوبهـا

لا صرت ما تتعب على ( والنِّعم ) قدر المستطاع

صدّت ولفّت لك ظهَرهـا واعْطَتِـك عرقوبهـا

وليا تملّكْت الكـرم والحكمـة وطـول الـذراع

لا تشغلك نفسـك تـراك اعطيتهـا ماجوبهـا

والواحد اللي لا كريـم ولا حكيـم ولا شجـاع

مفروض يعطي ثوبه الحرمـة ويلبـس ثوبهـا

[سلمان عزيز]

خطير يالقناص والله خطير

[نايف بن مزيد]

هــلابــكــ يــالحصــان...
عــلومــكمـ مـع هــالعــج..
الله يكــون بعــونــكمــ ...ويــرزكـمـ بــالسيــل..
تحيــاتي..يـــابو راكــان...

[ابن مشيب]

صح لسانك والله


يعطيك العافيه ابو مزيد

[نايف بن مزيد]

ابــن مشيــب...
لاهنــت علــى المــرور........

[ناصر بن سعود]

صح لسان الشاعر

وسلمت يمناك اخي القناص

كل الشكر والتقدير لك

[سهم عتيبه]

كل الشكرلك يالقناص مبدع بكل حالاتك ^^

[شباب الحافي]

ابومزيد
بيض الله وجهك وصح لسانك

[نايف بن مزيد]

لاهـــنتمـ على المــرور........

[hafi511]

...صح لسان قايلها...

...لاهنت على النقل...


...لك اجمل تحياتي...