من قصائد الشيخ سلطان الشغار

[ناصر الحافي]

بسم الله الرحمن الرحيم



السلام عليكم ورحمة الله وبركاته


نبذه عن الشيخ / سلطان بن ناصر بن متعب الشغار:
ولد الشيخ (سلطان) عام 1367هـ ، في عريفجان وهو الان يعمل رئيس لمركز (خريمان الشغار) الواقع جنوبي غربي مدينة (المذنب) ويتصف بحسن الخلق وبالكرم وهو شاعر كبير ومعروف وأغلب قصائده المشهوره في مجال الغزل وله عدة مساجلات ويكنى أبا فواز .



هذه مساجله
بين الشيخ / سلطان الشغار وبين الشاعر قاعد بن قعدان الوهاب


حيث ابتدا بها الشاعر/ قاعد بن قعدان الوهاب ويقول :

كيف حالك يوم صبحك الجناحـي=بالخطوط اللي من السرك ارسلوها
احتدوك مطيرصبيـان الفلاحـي=والهنـوف اللـي تباهاحجروهـا
يالاميرارتاح واللـي راح راحـي=والـشـرايـا لام خالد نـزلـوهـا
آخذ ن يومين ماذقـت المراحـي=من حفـرروق العلـوه حدروهـا

رد : الشيخ / سلطان الشغار

راكب اللـي وان عطاخـط ٍبراحـي=سبق خرشاً طلعة الشمس اطلقوهـا
جمس حوض ومشتريه من الجماحي=دافعـيـن ٍقيمـتـه ماقصـدوهـا
لامشايسبـق ذعاذيـع الريـاحـي=والـدروب مفتـحـه ماسكـروهـا
علموقاعدعلامـه مـا استـراحـي=كــل ماقلناتـهـوّن ولـعـوهـا
مااستمعنافـي مكثـرة السفـاحـي=ماتـهـم هروجـهـم لوكثـروهـا
مال بعض الناس في هرجه صلاحي=يامطـولـة المثـايـل قصـروهـا
ماعلي خلاف دام الـراس صاحـي=بنت ابن جبرين تقعد عنـد ابوهـا
العوض بنت ٍكما النجـم الصباحـي=كـم طــروش ٍقدمناماحصلـوهـا
بنت من يروي مراهيـف الرماحـي=كـم رماحـن فالهييشـه كسّروهـا
النسب ماهـوب هـرج ٍبالسباحـي=رفقـة ٍماهـي صحيحـه تركوهـا
مايفيدالكسـب مـن صيدالمراحـي=تعب الجمسات مـع مـن تعبوهـا

ومن قصائد الشيخ سلطان الشغار:

ياهـل المواترمبـعـدات المعـاشـي=اللـي عليهنـه عـيـال ٍمداغـيـش
بالله لثولـي تــرى الصدرجـاشـي=غاد ٍكمـاراد ٍ دخـل فيـه تشويـش
اباحتسي الطرقه وابااطـوي فراشـي=ان كـان مسـرى ليـل والامغابيـش
اباالحق اللـي نـاش قلبـي نواشـي=خلا ً كلامـه ينعـش الحـال تنعيـش
حلواً كلامـه مثـل نقـع الرشاشـي=علـى كبـود الهالكيـن المعاطيـش
والعين عين اللـي بـدت بالرقاشـي=الله جعلهاسلطـة ٍلـبـرق الـريـش
بين الدخول وبيـن هـاك الحشاشـي=شافتلهاجـولا ً تـدارج بعـد حيـش
حاشه من اطراف الدبش صوت حاشي=مع اطراف اهل وضح القطيع القناطيش
والخـدبـراق ٍسـرالـه تـواشــي=ندراً سرت من عقب ديـم ورشاريـش
تنسف خفيفات الحصـى والقشاشـي=ويزيد سيله عـن مجاريـه ويطيـش
ويصبح بعدها العشب فوق الدشاشـي=تـقـول زل ٍبصـطـوه الفـراريـش
اماعطـونـي عـلـم والابـلاشــي=نويت اروح وباقـي الشغـل حتيـش
دقيـت سلـف مجهـز ٍ بالقـراشـي=صنعـة يهـود ٍلابسيـن الطرابيـش
اليامشـى ياطاالسهـل والعكـاشـي=ويفزمـن لمسـة ابنصـه ليانـيـش
الياطرالـي صـاب قلبـي خـراشـي=اسمع كثيرالهـرج واقـول اناويـش

ومن قصائده:

الاواعذابي كـل يـوم ٍ واناطـراش=جديـد المواتربيـدنـه مطاريـشـي
ادوروليف ٍحروته مع ذوي حربـاش=نحوبه بعيـد ولاتنوشـه مناويشـي
ابولبة ٍبيضاتغالـط بيـاض الشـاش=على لبته يضفي حسين العكاريشـي
الاياعيون اللي كشف برقعه عمـاش=تعلى على درب الوسيق اشقر الريشي
اله عادة ٍفي طرحة الهارب المنحاش=ولحقوا على الساقه عيال ٍمداغيشـي
الاياحلـي اللـي تذيرمـن الادبـاش=سمعله ونس وازداد ذيره وتوحيشـي
ولوشافهاالوهاب قاعد يجيه خـراش=خطيراً على عقله يجيه فيه تشويشي
من المحتمل ياخذزمانيـن مايعتـاش=عليه الخطرلوعالجـوه النشانيشـي

ومن قصائده:

ملكني وليفي بالهوى لي ثمان شهور=مضالي ثمان شهوربامـره وتصريفـه
على رغبته ورضاه لاوامـره مجبـور=اشوفه على كيفي وابا امشي على كيفه
ابا اتبع رضاه ولا استمع للمعذل شور=ابا اعطيه سرالقلب وافتح مضاريفـه
اباعطيه سر ٍ في صميم الحشامحصور=تبـادل شعـور ٍللقلـوب المواليـفـه
عشقته لحاله مامعه فالهواء مخشـور=كمنه عن الخفرات تفـرق تواصيفـه
فرق بالعيون السودومجـدل ٍمنشـور=على نابي الارداف يضفـن اطاريفـه
ابو لبة ٍبيصا تشـادي شعـاع النـور=عليه منه ياهل الهـواء بالهواءخيفـه
انامااتغيرعنك ياللـي شبيـه الحـور=على ماذكرربـي بالايـات توصيفـه
الياجاءمجاله قمت اسولف بدون شعور=ماغيراتنخـيـل واتذكرسوالـيـفـه
انااقول لوشافه منو خ و شاف سرور=وكثيـرِ ٍمـن الشعارتحـرج مواقيفـه
تباتخلف الرجـال لوماعليـه قصـور=يبايلمـخ فكـره وينسـى مواليـفـه
زعيمه جمال البيض فالمجتمع مشهور=ياليته على الخفـرات يومربتوظيفـه
تقول العقيداللي مشى بـاول الطابـور=امام الملوك ويحترم في يـده سيفـه
هذا اللي نعده يابن نادروجـاك الـدور=ترى نايـف البـراك قلـت محاريفـه

**يرجى من الاخوان في حال نقل الموضوع ذكر المصدر**

بحث واعداد : ناصر بن محمد بن خالد الحافي









...

[حافي حائل]

شكراً لك على هذا البحث الطيب من رجل طيب مثلك وشرواك ياناصر

[ناصر الحافي]

حافي حائل اشكر لك هذا المرور وشرفت المتصفح


اخوك / ناصر الحافي

[رياح الشوووق]

مشكوووووووووووووور اخوي ناصر الحافي

على مجهودك الرائع و المتميز ولا هو مستغرب عليك فعل الطيب

وصح لسانك ولسان سلطان الشغار و قاعد الوهاب


تحية لك معطرة بالمسك والكادي

[اليابس]

اخي ناصر الحافي


الشيخ سلطان الشغار علم من اعلام الشعر .

تميز بالحمكمة والكرم .

الشكرموصول لشخصك الكريم على هذا البحث الرائع.


لك كل الشكر والتقدير

ولا تحرمنا جديدك

[ناصر الحافي]

المشاركة الأصلية كتبت بواسطة رياح الشوووق

مشكوووووووووووووور اخوي ناصر الحافي

على مجهودك الرائع و المتميز ولا هو مستغرب عليك فعل الطيب

وصح لسانك ولسان سلطان الشغار و قاعد الوهاب


تحية لك معطرة بالمسك والكادي

رياح الشوووق

ياهلا ويامرحبا بك وبيض الله وجهك على حسن ردك

[ناصر الحافي]

المشاركة الأصلية كتبت بواسطة اليابس

اخي ناصر الحافي


الشيخ سلطان الشغار علم من اعلام الشعر .

تميز بالحكمة والكرم .

الشكرموصول لشخصك الكريم على هذا البحث الرائع.


لك كل الشكر والتقدير

ولا تحرمنا جديدك

اليابس

العفو وياهلا ويامرحبا مرورك وسام الله لايهينك

[المايسترو]

موضوع مميز ومجهود تشكر عليه

بيض الله وجهك ياناصر وعافاك الله

[ناصر الحافي]

المايسترو

وجهك ابيض واسعدني مرورك الكريم

[طالب الحور]

الشغار غني عن التعريف

مشكور ناصر على النقل