ردية بين ( شاعر الوطن ) وسمو الشيخ ( محمد بن راشد آل مكتوم ) .

[محمد العتيبي]

السلام عليكم ورحمة الله وبركاته


أعضاء وزوار منتديات شبكة الحفاه الكرام

دأب سمو الشيخ :- محمد بن راشد آل مكتوم

على تحريك ما سكن في الساحة الشعرية الخليجية

فما هدأت هبوبها إلا وبث فيها من روح شعره

وهبت عليها من روائعه نسمة نديةّ

وما هدأ موجها إلا وألقى في زرقتها مركباً شراعه العزم

وحمولته الشعر ووجهته الإبداع

فهذه قصيدة موجهة منه إلى ( شاعر الوطن )

سعادة اللواء :- خلف بن هذال العتيبي

بعنوان :- يـا قـلـب

يا قلب يا الّلي مولع ٍبالمودّهْ = يا ليت عندي قلب خالي ولا أنت
كم من غزالٍٍ يخجل البدر خَدّهْ = لى قرَّبْ إحْساس المشاعرْ تمكّنْت
دخلت في "الأحسا" و"سوده" و "جدّهْ" = وبأرض "الريّاض" أمسيت فيها وعَنْوَنْت
عنوان ما يخْفِيْه جَزْره ومَدّهْ = مشهور للّي يبغي الوصل بيّنْت
أدخل خمايل وَرْدْهُمْ واسْتمِدّهْ = وياكمّ من وَرْدٍ قَطفْتهْ تمعّنْت
غِصْت البحور وصَادفْ الحيل شِدّه = على المخاوف والخطَرْ ما تهَاونْت
عَدّيتْ طيري لين حَزَّة مهَدّهْ = عليه باسْياج المواثيق صوَّنْت
جَسْر ٍولو كثرْ العطا ما يسِدّهْ = ولا فالْ عنْه اللي على الفال عيّنْت
شفْتْ الغروس وبينها كلّ جعدهْ = تنثِرْ جدايلها وانا ما تبيّنْت
غرايس ٍصعْبات وتثير جهدهْ = ما يعطنْ الطَّاعهْ ولو أنتْ تزيّنْت
وِورُوْدْ حُمْر ٍكلّما شفْت وَرْدهْ = من حسنها بنْت ولاهيهْ بالبنْت
وبابٍ وسيعٍ ما حَد رامْ سَدّهْ = للجودْ واهْل الجود أنْصاهْ لى حِنْت
حريم ورْجالْ الكَرَمْ ما تحِدّهْ = فيهم ومن جاهم فلا يشتكي عنْت
تبذل عِشاها بالكَرَمْ مسْتعدّهْ = بالطّيْب وأهل الطْيْبْ والخير عيّنْت
خيلٍ بليّا سْرُوجْها والأشدّهْ = ظْهُورْها صلْفاتْ لو كنت من كنْت
يا كمّ نَجْديٍّ ومعزول قدّه = له بالمحبّهْ والمشاعر تمنّنْت
لكن صادفني بصدّهْ وخدّه = وأنا بصدّه مغرمْ الشوق ومْحنْت
متعذِّبْ بحبّهْ وفي ( نجد ) عندهْ = قلبي وليت إنّي بوصْله تطمّنْت
أضرب مثل واللّي من الأمثال وِرْده = خبر وتجاريبٍ لها دوم ثمّنْت
الضَّبْع يبقى ضبعْ لو طار جلده = والسّبْع دومه سبْع ما يْخوْن لوخنت
والسّبْع له على خاين العهد رَدّهْ = ويْْصُوْنكْ إن كانكْ...على عهد الوفا صنْت
وذِيْب سرى يومٍ شكى الخلّ بعْدهْ = مْغَزر ٍنابه وله بالوفا عِنْت
بَيَّحْتْ له سدّي ولي باحْ سدّه = وسألْتْ عن معنى له بْعرْف دَوَّنْت
عن صَاحبْ بْوجهين ضدٍّ وضدّهْ = فيه الشِّرا والبيع إن هانْ بك هنْت
مْسوِّدٍ وجْهه ولكنْ تودّهْ = على سوادْ الوجهْ لى فيه ماشنْت
معنى بعثته للّذي نسْتعدّه = إلى ( خَلَفْ ) من اللى لعرفه تطمنت
نَهدي لِـ"بن هَذّال" معنى يْردّهْ = يا من لمعنَانا بفهْمِهْ تعَاوَنْت
لى ما تحلّهْ أنت ما يْحلّ عقْدهْ = وعلى الّذي تَدْعِيْه يا كمّ أمّنْت

ورد ( شاعر الوطن )

على قصيدة الشيخ :- محمد بن راشد آل مكتوم


بقصيدة بعنوان ( سلطان عـز ) على قصيدة ( يا قـلـب )

آحِدّ جفني وِيْحداني واحِدّه = عن السَّهَر واطعت له غصب واذعَنْت
لابِدّ ما تسهَر عيوني لابدّه = ولْيا سمعت ملحِّنْ الورق لَحَّنْت
تحت السما واثني ذراعي وامِدّه = أرعى نجوم مْسَيِّر الكون وامنت
أبني خيالي من خيالي واهِدّه = ياما خلطت بدمع عيني وْلَبَّنْت
القلب بين اخْذِه وهاته ووَدّه = من ذا الزمان ومجرياته تجنَّنت!
عندي خبر بامسه ويومه… وْغَدّه = ما أعْلَمْ عَنِهْ عن ما خفى ما تكهَّنت
للعِرْف تجريبه وللثوب جِدّه = تجاربٍ مَرَّتْ عَلَيّ وتمرّنت
طبيعتي ما اتْبَعْ بروق ٍمصدّه = ما اندان لي من صَدّ عنّي ولا اندنت
البِلْ تجمّعْ عند صوت المودّه = والناس تجمعها المحبّه ليا احسنت
الله يخون الحب والله يلدّه = شَرَوا وبِعْت ببَيْعَة الغبن واغبنت
وقت مضى ما لي عن الريم صَدّه = واجزلت عن طرد الجوازي وهوَّنت
وان نام عابد غرفته والمخَدّه = ورّكت باكوار الركايب ورَكْبَنْت
دِرْت الصحاري بالعنا والمكدّه = وخضت المحيط وعمت وابْحَرْت واسْفَنْت
وطيت خَدٍ ما وطَتْ رِجْل خَدّه = إلاّ قدَمْ رجلي بعدما تكوَّنت
رويت من دَرّ اللبون المجِدّه = قبل السنون وخلفتي عقب سنَّنت
شِعْر بناه الشيخ صَعْبٍ مشدّه = أجهدت بالبنيان يا شيخ واتقنت
فكرك نظيف وخطّتك مجرهدّه = إلى رسمت أفكار ِشعْرك تفنّنت
قريت مضمونك وجَهَّّزت رَدّه = ما أنت مْتيَاسِر يا ابن راشد تيامَنْت
عندك تهون وتنتهي كل شِدّه = وقت القسا لو الجبل لان ما لنت
تاردْ وتطوي للمواريد عِدّه = بالعِرف والمعروف ِزنْت وتوازنت
( حاتم ) عطيته يَدْك واخذت يَدّه = على المكارم يا فتى الجود هَيْمَنْت
ذكرك يسِرّ الروح ويفوح نَدّه = سلطان عِزّك فوق عرشه تسلطنت
ما يْزبِّنْ إلاّ طيّبٍ فيه سَدّه = وانت الذي في ساعة الضيق زَبَّنت
قولٍ مثِل نقد الدراهم نِعِدّه = رصدت له غالي حلالي وْعَرْبَنْت
ما حاك في خاطرْك يا شيخ بَدّه = عن كل ضبع بْجاه رَبّي تحصَّنْت
وان كان جاع الذيب عََشّه وغَدّه = يمناك تحري بالشَّحَمْ حيثما كنت
والسبع لو شَدَّيت عشرين شَدّه = يضوي ولو للسيف الارخم تبطّنْت
وبعض الرياح العاتيه مستبدّه = ما تنحصر بالميل والمتر والسِّنْت
واليا نزَلتْ بْروضةٍ مستجدّه = بالعشب أبو نوّار واطنت واطنت
طيرك ليا منّه طَلَعْ لا تردّه = شِل بِرْقعه واخذ الرَهن كان راهنت
دوّرت أبو وجهين وازريت أشدّه = صرّحت عَنْه بكل الأوطان واعلنت
فِلّ الكتاب وصاحبك لا تِضدّه = والظاهر إنّي عن معانيك بَرْهنْت

وعندما وجّه سموه قصيدة "يا قلب" إلى ( شاعر الوطن )

سعادة اللواء :- خلف بن هذال العتيبي

تداولتها الأيدي وتناقلتها الركبان واختلفت فيها التفاسير

حتى ذهبت كل مذهب "وهل آفة الأخبار إلا رواتها".

جاء رد سموه بقصيدة "وضوح الشمس"

لتكون توضيحاً لمقاصد شاعر ٍقال عن نفسه وصدق :

أصوغ من حسن المعاني عبرها = بأحلى من الوان الجواهر صداها
اختارها واقولها واختبرها = وادرى خطاها لاجل من هو قراها

قصيدة وضــوح الشمــس :-

أوضَحْ من الشّمسْ شِعْري يوم اغَنِّي بِهْ = تبْهرْ مَعَانِيهْ مَسْموعهْ ومكتوبهْ
لا ما أعِيْبِهْ ولا ارضى حَدٍ يْعِيبهْ = أسْهَرْ عليه الليالي أَنْفِي عْيوبهْ
من عادتي في الشِّعر أنّي أحَلِّي بهْ = مجالسٍ عن صغارْ النّاس مَحْجوبهْ
ما اغمِزْ ولا المِز ولا اجْرَحْ بهْ ولا اْذي به = ثوبي وكل شاعر ٍلِهْ في الشّعِر ثوبه
واللّي تظِنّهْ وبَعْضْ الظَِّنّ والرِّيبهْ = إثمٍ ومن ظَنّ يسْتغْفِرْ عن ذْنوبهْ
إذا سْألكْ حَدّ عن شي ٍما تدري بهْ = إقرا على أذنهْ بداية سُورةْ التوبهْ

وفي تصريح لسمو الشيخ :- محمد بن راشد آل مكتوم قال فيه :

"خلف بن هذال شاعر متمكن"
جاء رد الشاعر المعروف خلف بن هذال العتيبي على القصيدة التي بعثناها إليه تقديراً لمنزلته الشعرية ، وقد امتلأت أبياته بما عرفناه فيه من حكمة وبعد نظر . وقد تأنّى الشاعر المعروف في رده وأخذ وقته ، وتلك هي عادة الشعراء الكبار الذين يردون ولو بعد انتظار…

ولم أكن أقصد اختبار قدرة شاعرنا المبدع كما اعتقد البعض ، فأنا أعرف مستواه وأقدّره ، ولكن كان هناك من الشعراء عندنا وفي المملكة العربية السعودية الشقيقة من يدعي أن خلف بن هذال ليس إلا ( شاعر مناسبات ) وفي ذلك ظلم لهذا الشاعر الذي له مكانته ، فأحببت أن أثبت للإخوة الشعراء خطأهم فيما ذهبوا إليه ، وجاءت القصيدة الرد لتدافع عن صاحبها ، فقد توصل إلى الحلول الصحيحة التي عجز عنها الكثيرون ، فما قاله هو فعلاً صحيح .

فالخيل بدون أشدّه وأعنّة هي ( القوافي ) .
والروضة المستجدة المزهرة بالنوّار والورد والمعشبة الغنية بالصيد جاءت أيضاً إجابة شافية .
أما الصاحب ذو الوجهين فهو ( الكتاب ) … وذلك حل موفق أيضا .
وكذلك ( الأحساء ) فهي منابع الماء .
وبالفعل يا بن هذال قد تمكنت من فهم المعاني بنفس درجة تمكنك من الرد عليها … و "صح الله لسانك" يا شاعرنا … وإنني أتمنى أن نلتقي معاً في مناسبات وحوارات شعرية يكون القصد منها الارتقاء بالمعاني إلى حيث نتمنى أن يصل إليه شعرنا النبطي الذي استمر لأجيال ، وهو ركيزة أساسية من ركائز أدبنا العربي ، وعلينا أن نتعاون في المحافظة عليه . وهنا وهناك جمهور كبير متعطش إلى الجيد من الشعر ، ومن الواجب أن نقدم له المستوى اللائق بحجم امتداد هذا الجمهور ، وعلى الصحافة أن تساهم بواجبها في هذا المضمار فتقدم القصيدة الجيدة بغض النظر عن الأسماء والألقاب . وأخيراً أكرر شكري للشاعر الكبير خلف بن هذال العتيبي ولجميع الشعراء الذين اهتموا وتابعوا . وإلى لقاءات شعرية أخرى قريبة إن شاء الله .
محمد بن راشد آل مكتوم

...........................................

صح لسان ( شاعر الوطن )

ولسان الشيخ ( محمد بن راشد آل مكتوم ) على هذه القصائد الجزلة

ودمتم في حفظ الرحمن

والسلام عليكم ورحمة الله وبركاته


أخوكم / محمد العتيبي .

[نايف مطلق بن مصيبيح]

محمد العتيبي

سلمت يمينك وبارك الله فيك

وصح السان الشيخ / محمد بن راشد

والسان شاعر الوطن / الواء خلف بن هذال العتيبي

اشكرك

تقبل تحياتي

[ناصر بن سعود]

صح لسان الشيخ محمد بن راشد

ولسان شاعر الوطن اللواء خلف بن هذال الحافي

بيض الله وجهك يامحمد على هذه الردية الجزلة

يعطيك العافية

[نايف بن مزيد]

محمــــد..........

بيــض الله وجــهــكـ ...

عــز الله اطــريتنــا....

وصــح لســان الشيــخ..محمــد بن راشــد...
وصــح لســان اللؤاء خــلف بن هــذال....

ونتتظــر جــديــدكـ

[ابن مشيب]

صح لسان ابو هذال


ولسان الشيخ محمد


وتسلم يمناك على النقل

[الذابح]

طرح اكثر من رائع..


لك مني جزيل الشكر والامتنان..


وصح الله لسان شاعر الوطن وسمو الامير محمد بن راشد...

[القوة الضاربة]

مشكوووور يا الغالي

[ابن الوطن]

محمد

يعطيك العافيه

[بعيد المدى]

محمد يعطيك اعافيه

[ابن سمار الحافي]

محمد العتيبي

لا هنت والله يعطيك العافيه