قصيدة ( شاعر الوطن ) في صاحب السمو الملكي الأمير (عبد العزيز بن فهد) فرحة الخاطر .

[محمد العتيبي]

السلام عليكم ورحمة الله وبركاته


أعضاء وزوار منتديات شبكة الحفاه الكرام

نعرض لكم قصيدة ( شاعر الوطن )

سعادة اللواء :- خلف بن هذال العتيبي

في مدح صاحب السمو الملكي الأمير :-

عبد العزيز بن فهد بن عبد العزيز آل سعود

فرحة الخاطر

يا فرحة الخاطر يقول ابن هـذال = مبرك صبح و بركها مـن ليالـي
شوفت عريب الجد ومعرب الخـال = شيخ الشبـاب المستقيـم المثالـي
عبدالعزيز اللي عن الحق ما مـال = صميدع عـادل وعـدل وعدالـي
سلامتك يا مرخص الجاه والمـال = عندي وعند الناس بالحيـل غالـي
سلامتك يا طيـب الحـظ والفـال = عالي وحظك يا فتى الجود عالـي
يا مزبن المضيوم يا نايف الجـال = نلوذ بك عـن شمسهـا للضلالـي
كم من هلال هل وهـلال وهـلال = تخسف أهله وانت بـدر الكمالـي
ما ت وراح الهم وانـزاح وانـزال = اليـوم عنـي عنـي الهـم زالـي
ما كل رجال يعوضـك برجـال = في ساعة الشده يا قـل الرجالـي
جربت فيك من المعاني والأمثـال = ما حاز حاتـم وابوزيـد الهلالـي
شيخ توارد فيك عذبـات الأقـوال = الشعر يزهى اصواف قرم العيالي
ما تذوقت النوم ولا ارتاح لي بال = يا راس مالي يا بعـد كـل مالـي
يابن الفهد يابن الذي ربى الأجيـال = ومن لا له أول ماله اليـوم تالـي
يابن الذي داس المخاطر والأهوال = يرسى كما ترسى رواس الجبالـي
يا كبر والله ما ارتكاله وما شـال = هاذي مواقف محتمي كـل جالـي
عينت جابر يوم خانـوه الأنـذال = أمسى الوطن منهوب والجيب خالي
يوم التفت وليا السما نار وانـزال = الأرض مثل الجمر والجو صالـي
عساكر تنهـب وتسلـب وتغتـال = عيب على اللي يلبسـون البدالـي
زبن على اللـي للمهمـات حـلال = فتالهـا حلالهـا مــا يبـالـي
قال استرح لا تشغل الفكر والبـال = وافرش لك الرجعه زهور وزوالي
نفذ تقاريره بـلا شـك وجـدال = رد الصبـاح لحكمهـم والأهالـي
وجه على الظالم صواعق و زلزال = عزمه وتصميمه يفـوق الخيالـي
هذا الذي عنـه المناعيـر تنجـال = مسق العداء السم الذحاح الزلالـي
هذا الذي ما احتال به كل محتـال = حيلي ولا يلعـب عليـه احتيالـي
محنك يضرب على الراس من عال = ما قد تـرك للطامعيـن المجالـي
هذا ذخر لباسـة الجـوخ والشـال = سواقـت البيـرق نهـار القتالـي
خيالهـم ينطـح ثمانيـن خـيـال = يثنون وان صاحن بنـات الدلالـي
وان كان للطامع مقاصيد وأعمـال = لا تتركون أله الرسـن والحبالـي
سوقوا عليه من الفناجيـل فنجـال = فنجال تكرم عنه صفـر الدلالـي
مكيال ما مثله من المـوت مكيـال = يا تاج راسي يا بعد مـن غدالـي
خلك لعمك بأول الرسـل مرسـال = أنت الوالي وأنتـه أقـرب موالـي

صح لسان ( شاعر الوطن )

ويستاهل ( ابن الفهد ) هذه القصيدة

ودمتم في حفظ الرحمن

والسلام عليكم ورحمة الله وبركاته


أخوكم / محمد العتيبي .

[نايف بن مزيد]

صــح لســان ابــو هــذال....
هـــرم الشــعـــر...........

ويستــاهــل صــاحب السمــو الملكـي..عبد العزيز بن فهـد...


لاهنــت يــالغــلا.........

[ناصر بن سعود]

صح لسان شاعر الوطن

وسلمت يمناك اخي محمد

لاهنت

[نوف]

صح لسان شاعرنا
شاعر وطنا ابو هذال

[نايف مطلق بن مصيبيح]

صح السانك يبو هذال

ويستاهل / صاحب السمو الملكي عبدالعزيز بن فهد

وبيض الله وجهك

اخوي محمد العتيبي

[ابن مشيب]

صح لسان ابو هذال


والله يعطيك العافيه

[الــحــافــيــ]

صح لسان الي قيله


الله يعطيك العافيه

[الذابح]

محمد العتيبي..

الله يعطيك الف عافيه..

جهود تشكر عليها..


وصح الله لسان شاعر الوطن...

[القوة الضاربة]

مشكوووور يا الغالي

[ابن الوطن]

يستاهل عبدالعزيز بن فهد

وصح لسان ابو هذال