قصيدة ( شاعر الوطن ) في ملحمة الكويت الوطنية .

[محمد العتيبي]

السلام عليكم ورحمة الله وبركاته

أخواني أعضاء وزوار منتديات الحفاه الكرام

نقدم لكم قصيدة ( شاعر الوطن )

سعادة اللواء :- خلف بن هذال العتيبي

التي ألقاها في ملحمة الكويت الوطنية

سلام الله على شعب وحكومة وامراء وأمير = على جابر وابن عمه سعد والحفل وضيوفه
سلام من الصدور وبالجمهور معطر تعطير = على صحن المحبه مع طلوع الفجر مقطوفه
تقطف من مهانيع الغصون ولا سقتها بير = سقتها الناشيات الممطرات وجات زخروفه
تزخرفها فراشات النبات وحط فيها الطير = على اوتار النشيد يردد الالحان معزوفه
سعودي يعبر عن مشاعر دولته تعبير = من الشعب السعودي جاء يضم الورد بكفوفه
يشارك ليله الذكرى بالاستقلال والتحرير = نحبك يا كويت ولك عروس الشعر مزفوفه
نزف اسمى التهاني والنفوس تعود بالتذكير = تعيد الذاكرة ما تطوي الأيام ونشوفه
تمر الاربعين العام والعشر السنين تسير = موثقة الخطى بالعز والناموس محفوفه
نهنيكم باهل دار بنعمتها ربيت صغير = ولا انساها ولا انسى فضل اخو مريم ومعروفه
صحيح الملح يقنى كل حر ولا يبي تفسير = نروح ونلتفت وقلوبنا بالدار مشغوفه
انا من ناس تقلط ماتهاب وتحسن التدبير = مواقفها ما هوب اليوم قبل سنين معروفه
بطولات نسطرها على وضح النقا تسطير = صفحات الشرف مثل الدلال الصفر مصفوفه
سمعنا بالاذاعة علم طاري والكلام يثير = بعد ما صرح القايد شقيقة نجد مخطوفه
تسابقنا ولبينا الندا واللي يصير يصير = عوايدنا ولو راحت علينا غبن وحسوفه
تجهزنا وجهزنا لباس الحرب والتحضير = شوي بنبرة القوات والاعتاد مصروفه
تقدمنا بعون الله وراس الخيره التبكير = مباشرة الهدف تردع هوى الطماع وشفوفه
طلايع قوةٍ صكت على الجبهة ضحى وعصير = تواليها بوايلها سوى ماهيب منصوفه
فهد فينا وعبد الله مثل عنتر ومثل الزير = الياحل الخطر بحدودهم تطابحو جوفه
فطاحله الملوك اللي تدور المعركه وتدير = رحى التوجيه وتبرمج جهاز الحرب وصنوفه
زعامتنا لها الصدر ولها القدر ولها التأثير = الاصحاب القرار وهم جدار العرب وسقوفه
لنا في الملحمة حق ووجود ومرتبة تقدير = نهار تصبّح الجاره وتفجع كل غطروفه
حشدنا ما قعدنا واتخذنا موجز التقرير = وجازفنا بحكم تعدل الغلطات بسيوفه
دخلناها بضرب النار والتهليل والتكبير = وركزنا بها الرايات والفزعات مشيوفه
صواريخ تساقط بالغضب والطايرات تغير = كرابيس الظلال بسابقات الصوت مقصوفه
حصل رزق النسور وما بقي ياطابها الجنزير = على ارقاب العدا تمشي جيوش الحق مرصوفه
من الجيران والصدقان أمانه ما جرى تقصير = وفوا بالواجبات وخطة العدوان مكشوفه
حماقات تصدرها البشر منها العقول تحير = مهلوس الزعامة بالأذى والشر مكلوفه
من المخرب تخرّب ما اكتمل في نهضة التطوير = وجدنا المنشآت ومعظم الحارات منسوفه
حرايب تشتعل وافعال نكرى مالها تبرير = قريب الظهر قطعة ليل كن الشمس مكسوفه
طبايع تقشعر بها الجلود ومبشع التصوير = تقول ان الكويت بفوهة بركان مقذوفه
طعنّا جارنا من خلف طعنه ما طعنها الغير = يمين لطخة بالخزي والاجرام مندوفه
تنجس من يصافحها واقول انجس من الخنزير = وعن بيض الايادي بالشيال السود ملفوفه
كويت العرب لا ترهب من الانذار والتحذير = وراك البر صامد والسفن في البحر مجدوفه
هبت والله شوارب من غزاك وسبب التدمير = شوارب ما تصون الجار مطليه ومنتوفه
نظام ما يراعي حف جيره طبه التغيير = يجي غيره نظام يستتب الامن بصفوفه
على الكرسي غبي ومكابري ومغامري شرير = ملا راسه بنشوة كبرياه وطق بالطوفه
عمى ما يستشير ولا يشير ولا يطيع مشير = وقع في فخ موت ومات من ذله ومن خوفه
كويت العرب يا بيت العرب ما حركك معصير = صفا جوّك وطاحت ريح اخو مره عاصوفه
تحوّل للعراق وفي سباق الذبح والتهجير = دمر شعبٍ على الله يشتكي بلواه وظروفه
يا كثر الرعب والارهاب في الاحزاب والتطهير = تفرس في الجرايم واصبحت عاده ومألوفه
بساطوره يقطع باللحم متحضنٍ له كير = يشبه طاغيه بغداد في بغداد وضعوفه
كويت ارسي وبنّي واطمئني وانسي التفكير = على شط الخليج مثبته ما انتي بمحذوفه
تواعيده وتهديده يمر بها الهوى وتطير = طموحاته ورغباته بخشم الزند موقوفه
هذا خبلٍ يمرر لعبته من جعبته تمرير = يبي يضحك على العالم وهو صدام بوصوفه
ما عاد الا يجيب المتر ويمتر لنا تمتير = يحسب إن الكويت وخية العشار والكوفه
ما هي شيك يوقع في البنوك وقابل التجيير = بلادٍ عنها الايدي باشهب البارود مكفوفه
عليها خارطه ما تقبل التعديل والتزوير = ثلاث مية سنه من يمسح التاريخ وحروفه
تبي ترقد على اليمنى وبامان ودونها الحجير = على صهوة جواده ناسف رمحه على كتوفه
للراعي ما غدى ناقه ولا ضيّع عقال بعير = عيونه من وراها لو يحوف القوم وجفونه
صباحية وقادتها الصباح قيادة التعمير = بنوها واخدموها خدمة بالفعل مخلوفه
صباحية مبارك خص وعياله احداة العير = شيوخ حصونها وارتمت بالحضن مضفوفه
تتالت بالعهود وتوّجت بالنصر والتيسير = مذللة الصعاب تقودها بالدرب معسوفه
هل العادات اهل دسمان قصر ولا بنوه قصير = تلافاه الركايب من بعيد الدار مردوفه
طوو ساسه وشدوا بالسواعد لبنة التسوير = ورى البيبان سور مزبن اللاجين بكفوفه
كويت المستجير ومن ترعرع في ثراك يجير = عسى الأحداث عنك بقدرة الرحمن مصروفه
على ارضك ترجع الاسرى وتلتم الشمول بخير = فرح طفل يغرد به حمام الورق برفوفه
يسر الام ويعود الولد عاجل بلا تأخير = وتبصر عين كانت من دموع الحزن مكفوفه

صح لسان ( شاعر الوطن ) ومتعه الله بالصحة والعافية

ودمتم في حفظ الرحمن

والسلام عليكم ورحمة الله وبركاته

أخوكم / محمد العتيبي .

[نايف مطلق بن مصيبيح]

محمد العتيبي

سلمت يمينك

وصح الله السان الشاعر الكبير/ خلف بن هذال العتيبي

تقبل تحياتي وتقديري

[ناصر بن سعود]

صح لسان شاعر الوطن

وسلمت يمناك اخوي محمد

لاهنت

[نايف بن مزيد]

محـــــــمد........

سلمت يمنــاكــ..على نقــل قصــائــد..
شـــــــاعـر الوطــن..ابــو هــذال.........

ننتظــر جــديــدكـ

[الـــقـــلـــم الـــحـــر]

الف شكر اخوي محمد على الطرح الراقي والجميل
والله يطول بشاعر الوطن ابو هذال

[الذابح]

صح الله لسان شاعرنا..


شاعر الوطن..


والله لا يهينك يامحمد...

[القوة الضاربة]

مشكوووور يا الغالي

[ابن الوطن]

صح لسان ابو هذال

[بعيد المدى]

محمد يعطيك العافيه

[ابن سمار الحافي]

محمد العتيبي


الله يعطيك العافيه