قصيدتين لشاعر شقير بن عقيل الجذع العتيبي

[عاشق الديره]

السلام عليكم ورحمة الله وبركاته


هذه القصيدتين للشاعر الكبير شقير بن عقيل الجذع العتيبي

القصيدة الاولى غزلية ويقول فيها ...

واصاحبي دونه من الشـط غبّـه=غبّات وأمـواج ٍ تكيـد السفينـه
دونه محيـطٍ كوّنـه حكـم ربـه=ما حدّدو طول المـدى غايصينـه
كم قـاربٍ هـاز العبـور وقلبـه=وكم ضاع به من صافيات المكينه
دارٍ عسـى صـم القنابـل تدبـه=تحرق علو أرضه وتظهـر دفينـه
دار الهنود اللـي مبـاه ولاحبـه=حيث الشريف اللي يجيهـا تهينـه
فيها يعيش اللي نسي خوف ربـه=خطو البهيم اللـي تهـاون بدينـه
نذل ٍ لقى الحوض الحرام وشربـه=قطع اليديـن ولا حيـاة الغبينـه
يمشي على راسه من العيب قبـه=تبّاع عبّـاد البقـر فـي عرينـه
متـى بـراي الله نـروح ونكبـه=وأشوف من عيني تبي شوف عينه
لو هو بعيد الـدار قلبـي يحبـه=وروحي عليه من المحبه حزينـه
خشفٍ سلب قلبي غـلاه ولعبـه=لعبة سلوك الوتر مـع لاعبينـه
زند الغـلا فيّـه قدحبـه وشبـه=وطحن ودقـق بالمحبـه طحينـه
بعده مرض قلبـي ولامـاه طبـه=وعليه قلبي بـاح خافـي كنينـه
وجدي عليهم وجد من ماه صبـه=علـى بـذور ٍ مشتراهـا بدينـه
في خانة المليـون سمـه وحبـه=غير النقود ومـا تحوشـه يدينـه
وبعد استتم الزرع وهـوه تعبـه=خيّل عليه اللـي حقـاقٍ غشينـه
وأخذ عليه السيـل ربعـه وغبـه=لين اختلط حبـه وتبنـه وطينـه
وعوّد وحظّه فالمجالـس يسبـه=يطـق كـف بكـف لمعذليـنـه
على الذي حـي ٍ وميـت بحبـه=الوصف كامل والمذاهب حصينـه
لا عاري ٍ عـوده ولاهـوب دبـه=معـزلٍ تزهـا البناجـر يديـنـه
مناحرة صـدر ومحاجـر ولبـه=وليا عرض خصر ٍ يهلّـك جنينـه
خشفٍ عذا نجـد العذيـه مربـه=غربٍ من الدمام شـرق المدينـه
فـي قريـةٍ مابيـن وادي وتَبَّـه=أربع حروف الاسم يـا عارفينـه
للي قـرا بـأي الكتـاب وكتبـه=اسمه بحرف من اسم هاك المدينه

والقصيدة الثانية .. قصيدة غزلية يوجهها للشاعر

غازي بن جري ..

الله مـن حـبٍ تكنـه ضلـوعـي=حتـى تـوزع فالشراييـن توزيـع
عليك يـا زاهـي ثـلاث الردوعـي=أعوي عوا ذيب ٍ وقفله علـى ريـع
ذيب ٍ يجر الصوت من عقب جوعـي=وياخذ مع البيـدا هذيـب ومذاويـع
جايع ولا حوله من النـزل دوعـي=ويجر له صوت ٍ يشيـب المراضيـع
وعليك من بين الحواجـب دموعـي=هجّـال وسمـيٍ امزونـه مصاليـع
قطعـت فيّـه يالغـزال القطوعـي=أشريك وأنت تبيعني بأرخص البيـع
وعذبت قلبي يا حسيـن الطبوعـي=وحبك شربته مع نسيـم الذعاذيـع
ما ارخي لهرج الناس دونك سموعي=لو عذّلوني عنك لااسمع ولا اطيـع
ليا غاب عنّـي ليلـة ٍ بالسبوعـي=كنّه تمـزّع بشـرة القلـب تمزيـع
ما عاد أفـرّق سبتهـا والربوعـي=يصيبني سجّه عن الـدرب وأضيـع
خشف ٍ معي ياللهوا طـار شوعـي=وخلاّ لذيـذ النـوم عنـدي تقاطيـع
إليـا ذكرتـه والخلايـق هجوعـي=أفـز فـزّة غافـيٍ عقـب ترويـع
للبيض نوع ولشقر الـراس نوعـي=زين الوصوف وكامـلات التطابيـع
من جفّـل الغـزلان فيهـا ربوعـي=وفيها وصوف من الحرار المواقيـع
لا هو متيـن ولا قصيـر الدروعـي=ولا هي من الحدب الطوال النعانيـع
ولا هو نحيف ولا بمشيـه يتوعـي=عليه وصـف مجـدّلات المصاريـع
يابن جري قلبي معه صـار طوعـي=له أبواب الهوا الخمس تشريع
واحد منه قلبـي تقـول مخلوعـي=كنّه ينشعنـي مـن الخمـر تنشيـع
وثاني بقى نومي على راس كوعـي=أفتـح مشاريـع ٍ وأقفـل مشاريـع
في غبة ٍ تغـرق طويـل البتوعـي=يصعب على من طب فيها المطاليـع
وثالث بديت وعنه صعب ٍ رجوعـي=يابن جري تصعب علـيّ المراجيـع
ورابع بقى وقتي نـزول وطلوعـي=يضرب بي الهاجس وساع المخاويع
وخامس ملك ما يملكنّـه ضلوعـي=لا هوب لا سلفه ولا هـوب توديـع
ولا هوب غصب ولا رضايه وطوعي=الحـب قسمـه والمناهـج تناويـع
هذا الخبـر والله عليـه السنوعـي=وأبغى الحلول من الرجـال البواتيـع
اللي على الصعبات مثـل الدروعـي=رحامة ٍ وقـت القطاعـة قواطيـع
اللـي مواقفهـم سـواة الرجوعـي=مودع هشيم القاع خضـر ٍ مهانيـع
وأخص فيها اللي له العسر طوعـي=غازي له العسرات دايـم مطاويـع
رفيقي اللـي فـيّ دايـم جزوعـي=ياجب لي أشرحله جميع المواضيـع
عسـاه يلقـا حـل بأيـات نوعـي=وألاّ يقنعنـي عـن الحـب تقنـيـع

منقول


وتقبلو تحياتي

[سهم عتيبه]

يعطيك الف عافية واشكرك على الذوق لأختيارك قصائد للشاعر الرائع شقيرالجذع
قصايدجدا رائعة
‏^تقبل مروري^





‏^‏^بكيت لأني وفيت^^

[ابن مشيب]

صح لسان الشاعر


وتسلم يمناك على النقل

[عاشق الديره]

المشاركة الأصلية كتبت بواسطة بكيت لأني وفيت

يعطيك الف عافية واشكرك على الذوق لأختيارك قصائد للشاعر الرائع شقيرالجذع
قصايدجدا رائعة
‏^تقبل مروري^





‏^‏^بكيت لأني وفيت^^

الله يعافيك
ومشكوور على اللمرروررر

[عاشق الديره]

المشاركة الأصلية كتبت بواسطة ابن مشيب

صح لسان الشاعر


وتسلم يمناك على النقل

سلمت يابو مشيب
ومشكورر على الامرور

[سلطان الحافي]

عاشق الديره

بيض الله وجهك

والله يعطيك العافيه

وصح لسان الجذع

مودتي,,,

[نايف بن مزيد]

يعطيــكـ العــافيــه...
ولاهنـــت على النقــل.......

[عاشق الديره]

المشاركة الأصلية كتبت بواسطة سلطان الحافي

عاشق الديره

بيض الله وجهك

والله يعطيك العافيه

وصح لسان الجذع

مودتي,,,

أهلا سلطان
ومشكورر على المررور

[عاشق الديره]

المشاركة الأصلية كتبت بواسطة القناص

يعطيــكـ العــافيــه...
ولاهنـــت على النقــل.......

القناص
الله يعافيك
ومشكورر على المرررور

[ناصر بن سعود]

صح لسان الشاعر العلم شقير الجذع

وسلمت يمناك اخي عاشق

جميل ماطرحت

تحيتي وتقديري لك