لعـــبــــــة الـــتـــصـــويــــت

[تركي البقمي]

بسم الله الرحمن الرحيم

اسعدالله صباحكم بكل خير اخواني اداريين ومشرفين واعظاء منتدى الحفاه
انه لشرف لي ان انظم بينكم في هذا الصرح الشامخ اللذي يظم الكثير والكثير من المبدعين ...............

وبهذه المناسبه اقدم امامكم قصيدة( لعبة التصويت) التي قلتها عندما تم استبعاد الشاعر المبدع سعود سالم الحافي واعطاءه درجه اقل من قبل لجنة تحكيم شاعر المليون ولكن الكبير يبقى كبير وانا للامانه لااعرف سعود الحافي لامن بعيد ولامن قريب وانما شعرت بالظلم وذلك لانه دافع عن حقوق المرأه الشرعيه اللتي لاتريدهالجنة شاعر المليون ومن على شاكلتهم من المنفتحين.....اسف على الاطاله واليكم النص واتمنى ان يرتقي الى ذائقتكم ودمتم بكل الود..............................

(لــعـبــة التــصـــويـــت)

ياجماعة خير من عين سعود الحافي=العديم اللي صعد بالمجد حتى طافه
شاعر(ن) مبدع ويسبح في محيط(ن) صافي=وهاجسه عن كل مختلٍه يدير كتافه
صيرفي(ن) يصرف المصروف للصرافي=مثل صرف العمله الصعبه من الصرافه
قاد باخرته وقطعها الخليج الطافي=بالامل والتجربه والموهبه مجدافه
لين رست في بلد زايد بجهد(ن)كافي=تحت تخطيطه وتنفيذه وتحت اشرافه
لبس الشعر الحقيقي باللباس الظافي=ومثل بلاده بنهج(ن)مثل نهج اسلافه
حطله بصمه تميز وضعه الجغرافي=تستمدمن البداوه معدنه واوصافه
انت يالحافي وطن مترامي الاطرافي=وانت للبرنامج اكبر فايده وايضافه
ولعبة التصويت للشعار شر(ن) خافي=ومن يدير البوصله وسط الخفا من شافه
شقوا ستار الشعر والشق ماله رافي=والهدف كله لجمع المال واستنزافه
سق ركابك يابو سالم ماعليك خلافي=لايردك عن طريقك كل نقد(ن)تافه
اطمر الجرف الهدام ولاتلد خلافي=وعادة الذيب المسرح مايلد خلافه
وخل لجنة شاعر المليون تشرب كافي=وتلتحق في رحلة الكشاف والكشافه

وسلامتكم اخوكم:::::تركي المرزوقي البقمي

[الــحــافــيــ]

الله يعطيك العافيه

[ناصر بن سعود]

تركي البقمي

ياهلا ومرحبا

حياك الله في منتداك

حللت اهلا ونزلت سهلا

حيااااااااااااااااااااااااك

وصح لسانك مليون ولايكفون

الله يعطيك الف عافية

ولايهينك

تحيتي وتقديري لك

[برق الحيا]

صح لسانك
الله يعطيك العافيه

[راكان بن مروي]

يعطيك العافيه

[ابن مشيب]

الله يحيك بين ربعك واخوانك


وصح لسانك على هالقصيده

[سلطان الحافي]

ارحب

ياتركي

ملايين

وشرفتنا

وصح بدنك

مبدع لاعدمتك

مودتي,,,

[بن كليفيخ الوافي]

هلاوغلا
تركي

حياك الله بالمنتدى

وصح لساااانك مليون

بيض الله وجهك

[hafi511]

صح الله لسانك..