رثاء في الشيخ ناصر الشغار

[ناصر الحافي]

بسم الله الرحمن الرحيم


السلام عليكم ورحمة الله وبركاته

اليكم هذه القصيده وهي
رثاء في الشيخ: ناصر بن متعب بن فيصل الشغار- رحمه الله

وقفت بنا الدنيا على حد الأحساس = وصوت النفس سدد سماع الأذاني
أقف على رجلي وكني على الراس = والخاطر من الضيقه اصبح يعاني
شيا جرى واونست فالقلب هوجاس = داخل عروق الكبد مما كواني
اقلب الحيلات ياساً على ياس = اهتزت الصوره وهزت كياني
من عقب قالوا لي عن العلم وانحاس = وامسيت في ضيم الحزن في ثواني
سمعت ثم رحت اضرب اخماس باسداس = والعلم الاقشر في ضميري نصاني
يوم الربوع وعقب مافاضت الناس = عقب العشا فالهاتف العلم جاني
جاني خبر موته كما ضربة الفاس = ناصر ولد متعب بهاك البياني
راع الوفا والطيب وللدين نبراس = رجلاً كريم الكف مامنه ثاني
لاجاه احد طرقي على وضعه الياس = برك له الحيران وسط الصياني
يلقى الشحم كنه مراميس الاطعاس = والعود الازرق معه بن اليماني
اصل الغناه ولا ظهر منه الافلاس = ريف الضعيف للعلوم السماني
تجمع الشيخان عنده وجلاس = في مجلساً فيه العقول الذهاني
كسب المراجل له طبيعه ونوماس = الشامخ الشغموم خطل اليماني
وقت الشدايد والوغا فوقها داس = وكم واحداً عود وعشره ثماني
له صفحة بيضا على قب الافراس = وتاريخاً مسجل بقاصي وداني
خاض الفروسيه و الارياق يباس = مع قايد الدوله عريب المجاني
لحق فتوحاتاً بها الدرع والطاس = نجران تشهد له عزيز الكياني
وكون الرغامه سجل بكل مقياس = يشهد له الميدان رفعه وشاني
شجاعا اشجع من مقاديم جساس = جود حصانه بالرسن والعناني
الفارس المغوار قطاع الارماس= لوكان فالبلدان ولا المواني
تشهد له الصفطان في قوة الباس = امطير مع شمر وكل قحطاني
تشهد بني وايل ويهبون الانجاس = وتشهد قبيلة حرب يشهد لساني
تشهد بني غامد ومن كل الاجناس = يام و بلى تشهد وكل العواني
وسبيع والمره على كل مقباس = يشهد فلان ويشهد اله الفلاني
كل القبايل تفقده فقد الانفاس = وضاقت بهم من فقدته هالمباني
من فقدته والحزن دق لنا الاجراس = وضاعت بنا افكار الشعر والاماني
العين من فرقاه ما تعرف نعاس = يالله تبدل سيته بالحساني
مرحوم يالشغار ياطيب الساس = جعلك بدار الرزق بالخير هاني
يالله تنقي صفحته مابها ادناس= وينعم بحوراً عين وسط الجناني
ياخالق الدنيا ويارب الاخراس = ثبت كلام الحق فالامتحاني
لاجيت باكتب فالرثا فوق قرطاس = تقصر عن الشغار جزل المعاني
شفت الليالي كلها مر الاتعاس = لكن يالله يا الولي تهداني
اعوذ بك يارب من كل وسواس = واعوذ بك يارب في كل شاني
وختامها صلوا عدد كل نسناس = على نبي الله بكل الزماني

ناصر محمد خالد الحافي

.. ..

[نايف مطلق بن مصيبيح]

مرحـوم يالشغـار ياطيـب الـسـاس = جعلـك بـدار الـرزق بالخيـر هانـي
يالله تنقـي صفحتـه مابهـا ادنــاس = وينعم بحـوراً عيـن وسـط الجنانـي
ياخالـق الدنيـا ويـارب الاخــراس = ثبـت كــلام الـحـق فالامتحـانـي

اخوي ناصر
رحم الله الشيخ / ناصر الشغار احد شيوخ قبيلة عتيبه المشهورين والبارزين

صح السانك

كما تعودنا منك الجزاله

لاجيت باكتـب فالرثـا فـوق قرطـاس = تقصر عـن الشغـار جـزل المعانـي

عز الله انك كفيت وفيت ولاقصرة

[ناصر الحافي]

ابو راكان حياك الله واسعدني مرورك

[حافي حائل]

ناصر الحافي
القصيدة جزلة ورحم الله الشيخ ناصر الشغار

[ناصر الحافي]

حافي حائل صح بدنك ولاهنت على المرور

[برفسور ملتمس]

صح لسآنك ياناصر

والله يرحم اموات المسلمين

[المايسترو]

صح لسانك ياناصر

جزل ولايجي منك الا الجزل

[ناصر الحافي]

برفسور - المايسترو

صحت ا بدانكم واسعدني مروركم واطلاعكم


لكم مني جزيل الشكر والتقدير

[الباشا الهلالي]

صــح لسانكـ ناصر الحافي
والله يرحمه ويغفر له

[ناصر الحافي]

الباشا الهلالي


صح بدنك وبيض الله وجهك