القلب قلبك

[غرام]

القلب قلبك والمشاعر مشاعرك
***** اجرح وعذب يا حبيبي حلالك..


غالي ولوتخطي على القلب عاذرك
***** سو الذي يرضيك واللي في بالك !


خابرني ميت في غرامك وخابرك
***** تموت في حب التملك وانا لك !


ان كنت صاحي مع خيالك اسامرك
***** وان نمت في حلمي يجيني خيالك !


يعني على كيفك وذوقك وخاطرك
***** اجيك انا كلي وكلي فدالك !


اموت في غيضك وعقدة نواظرك
***** واموت في صدك واموت بوصالك


واموت في همسك ليا جيت احاورك
***** وفي دهشتك لاقلت ادور بدالك!


واموت لاشع الضيا بأجمل صورك
***** واغيب معها وألتهي في جمالك!


وتقول وش رايك؟ واقرب واشاورك
***** انت الله اعلم وش نهاية دلالك ..؟!


ياأني بموت وبندفن في محاجرك
***** او يمكن أحيا وانهبل في هبالك!


وتضحك وتفرج بالسعاده سرايرك
***** وانا على ضحكة شفايفك هااالك!


ذوبتني مابين حلاتك وسكرك
***** واهديتني قلبك وروحك وحالك!


أقدر جهودك في حبي وأقدرك
***** وأسكنك بين الحنايا لحاالك!


ومني جزيل الشكر والقلب يشكرك
***** على سموك يالغضي وإكتمالك!


سبحان من كمل وصوفك وصورك
***** وخلا مجالي يندمج في مجالك !


إن غبت عني قمت اهوجس وادورك
***** وأنشد عن ديارك واجي وآعنالك!


وإن جيتني برضاك ماجيت مجبرك
***** يا مرحبا مليون والقلب فز ودعالك !


بس انت تكفى دامني صرت شاعرك
***** إن غاب زولك لا يغيييب إتصاالك

[الــحــافــيــ]

الله يعطيك العافيه

[الذابح]

صح لسان شاعرها..


وسلمت يدين ناقلها...


قصيده رائعه...

مشكور يالغرام.........

[سلطان الحافي]

غرااااااااااااام


لله درك

ذوق جميل

وصح لساان قائلها


مودتي,,

[نايف بن مزيد]

الله الله.........

يــعــطيــكـ العــافيــه..........

[سهم عتيبه]

يسلمووووووووووووووووووغرام يعطيك الف عافية

[ابن مشيب]

صح لسان قايلها وتسلم


يمناك على النقل ودمت بود