منوعات شعريه مدعمه بصور

[نايف مطلق بن مصيبيح]

السلام عليكم ورحمة الله وبركاته

صور اللابل









والبل يداوي شوفها كل علـــــــه
ودوا من السكر وضغط الشرايين
والبل لها تاريخ جا في سجلـــــه
من خلقت الدنيا مـــــــــع الأوليين
والبل يلا جات الشحايح مملــــه
وعند أهلها يشرونها بالملاييــــن
ومن ترك البل ذاك كبه وخلـــــه
ولا تعشقنه يالبنــــــات المزايين
ماتركوها ألا رجال المذلــــــــــه
باقي شرفها مع ملوك وصلاطين
ون شفتها في الغر لرفح مظلــه
طالع نباته مثل وصف البساتين
والبدوا بنوا في جديد المحلـــــه
متخالطه عيدانها تفتــــح العين
بين النشاما هرجهم ماتملــــــه
ونسوانهم متصادقات على الدين
ياتيك برادن ويقفاه دلـــــــــــه
ويندار من بين الرجال المسمين
ولاش مسوى حرمته في محله
يتروح الضيفه يــــدور لها وين
والنوم قسمه كل فرض يزلــــه
ماقام تالي الليل سعف المصلين
هذاك من لنذال خله بغلــــــــه
ضعيف عقله مايعرف القوانين
ون خيروني منزلن ينتزلـــــه
ودي بشوف البر في عافي الطين
ولا لي بمنزال العماره وفلـــه
ومغلقه لبواب كنهـــــم مساجين
ومشاهد القصه وشوف المجله
أخير لي منها هديـــــر البعارين
وفرقت غنم وأبلن أصايل وقله
عند الزكاه أعداد خمس وثلاثين
ويالله يلي كل يابس يبلـــــــه
أرحم بلادك والضعوف المساكين
بالساري الودان يمسي يهلـــه
ويصبح مهجل بعد ماسال سيلين
على القعيميات يمطر يعلــــه
اٌمين يارب الحجيـــــــج الملبين
وعلى الأخاشيم أدلهم ساريله
برقه ينوض وينزل الماء على الطين
ويالله يا مامر مكاييل ياللـــه
اٌمر لنا بالخير وحنا مطيعيـــن
وأحنا على نهج النبي مانزلـه
محمد حبيب الله خيــــــر النبيين

**************

صور الصقور









يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه
صارم وجارح باللقا كنه الزير=له هدتن عند الرجال امعشوقه
مخالبه صلبه سواة المسامير=طير الحباري مايعيزه لحوقه
لو انها عن موتها ودها اطير=يجيبها الجارح ولوهي سبوقه
فعله وزينه زاد قدره عن الغير=غلاه في قلبي سكن في عروقه
حنا على شانه مشينا مداوير=والعين لاجله نومها ماتذوقه
جبنا الزريق امع الشبك دون تقصير=وجبنا له البرقع وجبنا سبوقه
ماودنا الا شوفته حزة اعصير=ويسوقه الله في شبكنا يسوقه
واحنا لنا بالصيد خبره وتفكير=نحرص عليه ولا يجي فيه عوقه
والريش نحرص مايجي فيه تكسير=خوفن عليه ايقل سعره بسوقه
وفيه انتباشر بعد كل المخاسير=بشرى السحاب اللي تلامع بروقه
عبرت ما بالقلب ياناس تعبير=يازين شوف الوكر والطير فوقه

********************

صور بيوت الشعر








وجودي على بيت الشعر عقب بيت الطين
وجودي علـى شـوف المغاتيـر منثـرّه
وجودي على خوّة هل الموتـر المقفيـن
وجودي على شوف السهل من ورى الحرّه
اليا حلوّا العربان وصـاروا علـى بيتيـن
ومن كان له خـلٍ مـعَ ذاك مـا غـرّه

************
صور الدله وضوها














قم سو فنجال ونظف أدلاله
ريحه لراعي الكيف يجلي اعماسه
اشعل ولونه مثل دم الغزاله
لاذاقه الراقد يحارب انعاسه
في مجلس تدله الى جاء مجاله
اللي عن اللجات يقصر حساسه
والا ترا بعض المجالس عذاله
لا معشر طيب ولا فيه اناسه

************************

مواتر لها قيمه عند أهلها










ياحن قلبي حن ماكٍ مـع الطلعـات
لا عشقّـه بالعايـدي والدبـل جـرّه
جرمه ثقيل وحملّـوا فوقـه البيبـات
ويدعس عليـه أبنزينـه ولا سـرّه
أنا دمع عيني بالدقايق وبالساعـات
ولاهي على فرقا المحبيـن مستـرّه
هواجيس قلبي كل ما أقول راحت جات
تخالف علي باليوم خمسة عشر مرّه


م . ن

تقبلو تحياتي

[ناصر بن سعود]

من تميز في تميز

صح كلك

ابداع منقطع النظير يابوراكان

الله يبيض وجهك ولايهينك

كل الود والتقدير لك

[شباب الحافي]

ابوراكان
صح لسانك يامبدع
مشكوووووور والله يعطيك الف عافيه

[سلطان الحافي]

ابو راكان

بيض الله وجهك

وصح لسانك

وسلم بنانك

يالذيب

مودتي,,,

[ابن مشيب]

الله يعطيك العافيه


ابو راكان على هالطرح


والابداع وتسلم يمناك تحيتى لك

[نايف بن مزيد]

وجودي على بيت الشعر عقب بيت الطين
وجودي علـى شـوف المغاتيـر منثـرّه
وجودي على خوّة هل الموتـر المقفيـن
وجودي على شوف السهل من ورى الحرّه
اليا حلوّا العربان وصـاروا علـى بيتيـن
ومن كان له خـلٍ مـعَ ذاك مـا غـرّه



لله دركـ يــابو راكـان..
والله انكـ مطنـــوخ..

[ابن وافي]

ابو راكان

تسلم يالغالي .. بصراحه عدة مواضيع في موضوع ...



تقبل مروري


ابن وافي