.،. الله خلقني غير عن باقي الناس .،.

[الباشا الهلالي]

السلام عليكم ورحمة الله وبركاته....



عندما تعشق شخصاً انت على ثقة انك مختلف عن الآخرين .. بحبك له ..



أنـــــا وحبيبي .... غــــــيــــر



الله خلقني غير ... عن باقي الناس

والله خلق في داخلي لك حنيني



مني لك الإحساس والقلب حساس

يعرف غلاتك من يشوفك بعيني



متربع مابين دمي والأنفـــــــاس

دقات قلبي تنطق حروف فيني



وصفك يزيد الشعر من نور نبراس

حتى المدايح تنقصك لو تزيني



أسرح بطيفك وأنتخي بة على ساس

أرسل غرامي والمحبة تبيني



ياللي سكنت القلب وأصبحت وسواس

ارحم جنوني واستره لو تجيني



دمي من أشواقه رفض حل وقياس

هاجر عروقي والسبايب ظنيني



تثمين قلبي أنت ... أغلى من الماس

قدرك كبــــيـر وتستمده سنيني



أشتاق لك وأشتاق ولو شوق لاباس

شوقٍ يزيد النار يشتد فيني



غيرك ترى ما دق ذكراه أجراس

ولاني حسبت حساب لو جن فيني



سبحان ربٍ وفق الراس للراس

وبيّـن ملامح هالغلا بعد حيني



ما همني لو صار قصري بحراس

ولو هي ترى كل البشر بتحكيني


أنا وحبيبي غير ... وأحط أقواس

(بكل شيٍ غيــر) وأحلف يميني





عنتر وعبلة فرقوهم با لأجناس

والحب أبقى من سبايب تديني





منهاجنا بالحب مايعرف الياس

نبحث ورى الخافي نعرفه ثميني





نجمٍ تلالى بالسماء عالي الباس

عالي على العالين .. لو هو دفيني





وردٍ تفتح والندى شكله الماس

من عانقه فجرٍ تبسم فطيـني





راهن على هالروح وبسهم جساس

لو في الخلايق ، من يساويه .. عيني





هذا أنا من صغرتي وأغلب ( كلاس )

وأروي عطش ثكلى تناخى بليني





وأحن وأشفق ،ميـر خليّ ولا باس

لو البعاد يطول ، مني وفيني



عندي قناعة غير عن كل هالناس

الله خلقني غير .... يكفي حنيني



تــــحـــياتي

[ناصر الحافي]

يعطيك العافيه على الطرح يالباشا

[الباشا الهلالي]

الله يعافيكـ ....ياناصر الحافي ..على الرد السريع

[المايسترو]

صح لسآنك ولسآن شاعرها

ولاهنت يالبآشا

[الباشا الهلالي]

المايسترو ...لاعدمناكـ على المرور

[متعب اليابس]

كلام حلو و جميل
الف شكري لك

[الباشا الهلالي]

متعب ...مشكور على المرور