من قصائد الشاعر بجاد بن مروي الحافي

[المروي]

عداك الرداء يناظرن مايجيـك النـوم=على ناظرن نومه ليـا ضيعـه همـه
عليك وعلى شرواه فوق النجوم نجوم=لها يمة القـادي ولـك غيرهـا يمـه
الى اي حال يصيرك فوق السلوم سلوم=تلومه ملامن يلحـق الوجـه وتذمـه
تلوم الكريم اللي عن الناقصه معصوم=تذم الشجاع وتشعل النـار فـي دمـه
تشب اللهايب لين جاء فالعلوم علـوم=ولين احتزم شره المطاليب فـي كمـه
كفاها وضوح السالفه مثل شمس اليوم=وش اللي تقول لصاحب المعرفه سمـه
تناعق على مبنى سكنها طيور البـوم=ليا طار منها واحدن حام فـوق امـه
لهم مثلها روسن تراوغ بدون اخشـوم=تحت ريشها المشبوه ومرمـد الغمـه
عليّ اليمين الجزم لولا الحيـا واللـوم=على لحيتي وأخـاف لاتلحـق الذمـه
لقول الحقائق حق ومسلسله بالرقـوم=على شان مايظهر على شكلها غمـه
ابو هقوة فيها تسوق الرخوم ارخـوم=على ماتهيا تجتمع لـو علـى الرمـه
متى صافح اليمنى الكريمه وضد القوم=متى عائلن بالخير والعاطفـه ضمـه
متى ساعد المحتاج والا انصف المظيوم=متى ورد الضامي على صافي الجمـه
يعض اليدين البيض لو مابها مطعـوم=حريصن يشوف لمابهن وان ظهر خمه
عسا بعدكم ياهل العقول الضعوف يدوم=دوام الحياه لمن تعلـى علـى القمـه
هي اللي حيات الهون والمقعد المذموم=لكم كلهـا بالخيـر والشـر مالتمـه
تخيرت عنها النايف العالـي المزمـ= خلاوي خلى عن راعي الشين والنمـه

الشاعر بجاد بن محمد الحافي

[نايف مطلق بن مصيبيح]

صح السان الشاعر

بجاد بن مروي

وبيض الله وجهك اخوي

المروى على نقل هذه القصيده

بنتظار اكثر من قصائد الشاعر بجاد بن مروي

[الناصح 999]

صح لسان الشاعر وسلمت المروي

[صقرنجد]

المروي قصيدة رائعة


سلمت على النقل

وصح لسان من قائلها

ولكم تحياتي

[ابن مشيب]

صح لسان الشاعر


وتسلم يمناك على النقل

[شباب الحافي]

صح لسان ابونايق
المروي
بيض الله وجهك
على النقل

[المروي]

شكرا اخواني رواد منتدى الحفاه الراقي على المرور ودمتم

[ღ كف الغـلا ღ]

صح لسانك اخي بجاد المروي وننتظر جديدك

[ناصر بن سعود]

صح لسان الشاعر بجاد الحافي

قصيدة جزلة من شاعر جزل

الله يبيض وجهك يالمروي على نقلها لنا

سلمت يمناك

كل الاحترام والتقدير لك

[نايف بن مزيد]

الله الله

صــح لســان ابــو نــايف...

شــــــــــــاعـــر متمـــــكن...