طريقة صنع (تصميم) الثيمات بدون برنامج وبأسهل الطرق

[خالد بن عايض]

السلام عليكـم ...

اليـوم حبيت اشرح لكم اخـواني الاعضاء طريقـة تصميم ثيمات الجـوالات

الطريقه سهله مره ويساعدنا فيها اشياء كثيـره

خصـوصا ان التصميم رايح يكـون عن طريق مـوقع

اول شي نفتح الرابط هذا

اضغـط هنا

هذا موقع عالمي يقدم خدمة تصميم الثيمات مجـانا

اولا يتوجب علينا التسجيل

نروح في الاعلى اذا اكنت اللغه غير العربيه نختار العربيه من هنا



بعدين اذا خلصنا من اللغه

نختار التسجيل



ونعبي البيانات مثل كذا



طبعا الحين رايح ينقلنا لصفحه تعديل ملفك الشخصي الي يبي يضيف شي او ندخل في موضوعنا الي نبي نشرحه وهو طريقة التصميم

بشرح خصايص الصفحه الرئيسيه عشان نعرف نستفيد منها



اول خيار
تعليقات الاعضاء تقدر تدخل منتدى الموقع وتشوف ردود الاعضاء
الثاني top100 افضل مية تصميم
الثالث المجتمع هذولي الاعضاء تقدر تشوفهم من هنا
الرابع انشاء موضوع وهذا تبدا من هنا التصميم
االخامس الموضوعات من هنا تقدر تشوف التصاميم حسب تقسيماتها واقسامها
السادس وهي الصفحه الي انت فيها الحين
السابع من خيارات الموقع

اسفل منها ثلاث اقسام

موضوعاتي وهي تصاميمك يعني لو بغيت تشوف تصاميمك تقدر من هنا

ملفي الشخصي هي صفحتك في الموقع

رسائلي لو احد ارسلك تقدر تشوفها من هنا

======================

نضغط على انشاء موضوع

طبعا بتنتقل فيك الصفحه لصفحة وش نوع الجهاز الي تبي تصمم له ثيم

طبعا اجهزه كثيره بعضها نزل في سوقنا وبعضها مانزلت للحين

بحدد اشهر شي اللي هي اجهزة نوكيا



طبعا نختار نوع الجهاز الي نبي برقم الموديل (( رقم الموديل خلف البطاريه ))

الحين ننتقل لصفحه ثانيه الصفحه هذي بيكون فيها اختيار صورة الواجهه الرئيسيه للثيم يعني واجهة الجهاز الرئيسيه



نشوف القياسات ونعدل الصوره الي عندنا على حسب القياسات بالفوتوشوب او بالرسام
او نضيفها ونقدر نعدل عليها هنا

نختار الصوره بعدين نضغط على تحميل بتفتح صفحه منها نضبط اعدادات الصوره



الصوره داخل المربع المنقط يعني تمام وفيه على الجنب خيارين

الاول استعراض وفيه تقدر تشوف الصوره في التصميم
وتم اي اكمال العمليه واتمام تحميل الصوره

الحين رايح تفتح لنا نفس الصفحه
بس هالمره نلاحظ فوق مكتوب صفحة القائمه وهي قائمة الجهاز نختار لها صوره



مثل منتم شايفين نفس الاعدادات بس هذي للقائمه ونطبق معها نفس الي فوق بعد مانختار الصوره

الحين بعد مانضغط على تم في المره الثانيه رايح ينقلنا للخطوه الثالثه

وهي الاعدادات المتقدمه او صنع الثيم كذا بسسس
طبعا انا رايح اواصل ونشوف الاعدادات المتقدمه



بشرحها خطوه خطوه وادري ثقلت عليكم بس ابيكم تفهمونها والشرح للمبتدئ والفاهم

اول قائمه



من هالقائمه نقدر نعدل في الوان الصور اللي اضفناهم يعني نخليهم شفافات او نعتمهم اكثر

القائمة الثانيه

شكل الساعه طبعا اذا تبي شكل جمالي وجاهز تحدد فتح المعرض ونضغط عليه



اذا فتح لنا المعرض بتطلع لنا اشكال كثيره بس نضغط على الشكل اللي نبي طبعا فيه صفحات كثيره واشكال كثيره



وبيعتمدها في الثيم

القائمة الثالثه

وهي قائمة تعديل شكل ابراج الجوال والبطاريه ونفس الطريقه نفتح المعرض ونختار الشكل اللي نبي




القائمة الرابعه
ومنها نقدر نعدل قائمة الايقونات والايقونات هي الي تجي تحت كل مسمى مثل الرسايل يجي فوقها ايقونه وكذا



لو اخترنا تغيير الايقونات رايح ينقلنا لصفحه تكـون فيها جميع الايقونات



نضغط على فتح المعرض

بعدين بتطلع خيارات الايقونات فيها خيارات كثير



الحين من اليمين لليسار نختار الاشكال الي نبي ثاني زر هذا

هذا ملئ جميع مربعات الايقونات بصور من نفس النوع هذا بشكل عشوائي لجميع الايقونات اللي ماخترنا لها شي

والثالث هذا بعد ملئ عشوائي ولكن لجميع الايقونات

بعدين اضا اخترنا رايح يرجعنا للصفحه الي قبل وننزل تحت ونختار تم الانتهاء بيرجعنا للصفحة الرئيسيه

القائمه الخامسه
تغيير صور قوائم مشغل الموسيقى وغيرها



نضغط على تغيير

طبعا الحين بتطلع لنا القوائم الي نبي نضيف لها صور

مايمنع تحط لكل قائمه صوره
كل قائمه مكتوب اسمها ومقاس الصوره الي تجي فيها



انا حددت المقاسات عشان تصير واضحه لكم

مثلا اول مربع مقاساته 240 يعني عرض × 320 طوول
اي صوره نختارها نضغط على استعراض بعدين تحميل

وكذا لين نخلص القوائم كلها
طبعا انا اخترت صوره وحده لكل القوائم
بس غيرت مقاساتها


نضغط على تم الانتهاء
وبيرجعنا للصفحه الرئيسيه

الحين القائمة الي بعدها

ومنها نبي نغير صور قائمة المتصل وخلفية الاختيار وغيرها



بتطلع لنا قائمه نفس اللي قبل نضبط مقاسات الصور ونرفعها



وبتصير كذا معنا



بعدها نضغط تم الانتهاء

الحين اخر خياراتنا وهي تعديل الوان الخطوط

نختار كل الخطوط اللي نبي ونشوفها من الصندوقين اللي في اليمين



الحين نضغط على زر انشئ موضوعي الان



وبننتقل لصفحة كتابة اسم الموضوع

في الصفحه هذي نكتب اسم الثيم ووصفه وقسمه .. الخ
الشرح على الصور





طبعا اذا خلصنا وضغطنا حفظ الثيم

بتفتح الصفحه هذي
نضغط على موضوعاتي اللي محددها انا



بتطلع لنا صفحة الثيمات اللي مصممينها طبعا الحين ماعندنا الا ثيم واحد
نروح ونضغط على صورة الثيم


ننتقل لصفحة اختيار نوع جوالك



وطبعا فيه كود هذا اذا بغيت تحطه لاي شخص يحمل الثيم

ضغطنا على زر تحميل

كود التأكد من مصداقية التحميل




الحين اخر صفحه

وركزوا في الكلام الاحمر عشان يشتغل ويثبت اليم في جهازكم

لازم تضبطون الاعدادات هذي


وتضغط احفظ الموضوع

ورايح ينحفظ معنا نرسله بالبلوتوث للجوال ومبروك علينا الثيم

طبعا انا صممت الثيم للشرح
اللي يبي يحمله

مــن هــنــا التحميـل


وان شالله عن قريب نبي نفتح موضوع طلبات تصميم ثيمات للأعضاء

اخيـرا وليس اخــر

تحيــاتي للجميع

[كوبرا]

الله يعطيك العافيه اخوي وماقصرت

موضوع كاااافي واااافي يالغلا

تسلم يمينك ..


لاتحرمنا من هيك مواضيع لاهنت

[ناصر الحافي]

يعطيك العافيه على الموضوع المتميز

[المايسترو]

موضوع راااائع جداً ومميز

يثبت !!

[الباشا الهلالي]

موضوع رائع وماقصرت

[خالد بن عايض]

تسلمون على مروركم الاكثر من رائع ياغالين

ربي يعطيكم الف عافيه

مع التحايا لكم

[طالب الحور]

تسلم خالد

ننتظر جديدكـ المفيد

[بن كليفيخ الوافي]

تسلم ياخاالد علي الموضوع الحلوو

وبصراحه ماقصرت في الشرح

والموقع هذا كنت مسجل فيه اول وكان مااقدر ارسل الثيم إلا عن طريق
رابط يرسلونه علي رقم جواالي وواحمله عن طريق الجوال
لكن الحين مدام فيه بلوتوث وحركات صار احسن من اول

وبيض االله وجهك علي الشررح الكااافي


اخوك

بن كليفيخ

[نايف بن مزيد]

مشكور على الابداع.............
والى الامااااااااااااااام......

[مضادّ حيوي]

الله يعطيك العافيه ياغالي