سويلم وسلمان000000000000000

[راكان بن مروي]

هذهي قصيده للشاعر سويلم بن عرنان الخراص العطاوي موجهه للشاعر سلمان بن عزيز الحافي

ياالنادره ماني بليد الاحاسيس=فاهمك لكن صدتي بأعتمادي

أخذ الحذرفي مجتمعكم جواسيس=يامنوتي ياجعلهم لنفادي

اهل الحكي بالحكي ماهرهم أبليس=لاتحسبن الوضع يازين عادي

واناتراني من حرارن قرانيس =أحسب حساب المهزله والنقادي

اقفل مجال الذبذبه للهداريس=الوضع مايضبط يكود انفرادي

حتى تهيض اصدورنا اللي محابيس=لينتها مبديت يأبدأ فؤادي

وننسى زمان الوسوسه والهواجيس=ويطيب جرجن مانفع به ضمادي

يأم العيون الفاتنات النواعيس=خل الملامه وانت غاية مرادي

اسهوم حبك فالضماير مغاريس=والنوم والله مهتني بالرقادي

اهيم بفكاري لوقت الغطاليس=واخشى نهاية حبنا بالنكادي

اكبر مثل لهل الهواء فالهواء قيس=خل وخليل و راح كلن بوادي

وان صارفي عشقي وعشقك عواكيس=وتقفلت كل المخارج وكادي
ولاعاد تنفع كلمت ابليز مع ييس=وجهتها للي يحكم الزنادي
نخيت اناالنشمي بعيدالمراميس=الحر الاشقر في وسوم الهدادي

كساب قولة نعم وابوالنواميس=ابوعزيز ذيب ليل الهجادي

من لابتن تبقى على عز تأسيس=ويطي سقيم اللي لقومه معادي

أرماحهم فاضدادهم مالها قيس=أحفاه قومن يتعبون الجوادي

تمت وصلو عد نجمن مقابيس = تال الشهروالجوكله سوادي
واعداد مايحمس بوسط المحاميس=بن اليمن بعد انكفو بالحصادي

على الذي شريعته خير تدريس=محمد شفيع الخلق للخلق هادي

هذا ردسلمان على اخوه الشاعر///سويلم بن عرنان الخراص العطاوي

البارحه نومي هموم ووساويس=اجاهد هموم الليالي جهادي
يامرحبا ترحيبةٍ مالها قيس=ترحيبةٍ من خاطري بالمنادي
لوكان ينخاني بعد ذكربلقيس=بعض العلوم تمرماهي بعادي
وان كان ياسويلم بجوك غطاليس=اعرف طريقك لاتصير امتحادي
وابعدشبوحك يابعيد المراميس=ترى بياض العلم عكس السوادي
موجز وتفصيل الخبربالقراطيس=يوم استوى الطاروق والجو هادي
شفت الدلال الصّفّر عقب المحاميس=من كّيفها قّنْدتّ راسي قنادي
وكتبت مالا يكتبون المفاليس=واسرجت لعيون المنادي جوادي
لو الامر ماهوبمحتاج فّرّيس=الامر عادي ناخذه بالمبادي
مامن خطرحتى ندق النواقيس=ونشب نار الحرب والأ00 أنفادي
الامرهيّن واستعن والعن بليس=الله يقدينا لدرب الرشادي
من لايدوس الراي من قبل لاديس=قد قالها بن حميدوين انت غادي
وُصّفْ ديار ام العيون النواعيس=اللي خذت عقلك وقلبك وكادي
وابشر بفزعة جاه وارخاية الكيس=قولاً شهوده فعل ماهو دوادي
كلام واثق ياصدوق الاحاسيس=ماهوخرابيط الكذوب الربادي
اللي علومه كلبوها دنافيس=تّكرمْ عنه لحيتك واعرف مرادي
ناسٍ تخبا من خلاف الكواليس=ثوب الصديق اصبح لباس المعادي
واسلم ودم يابن الحرار القرانيس=اللي ينومس طلعها بالهدادي

[شباب الحافي]

صح لسان الشاعر / سويلم
وصح لسان الشاعر / سلمان
راكان
بيض الله وجهك على النقل

[راكان بن مروي]

يعطيك العافيه السكب

[الناصح 999]

صح لسان الاعرين الكبيرين وسلمت راكان

[نايف بن مزيد]

صـــح لســااان الجميــع..

ولاهنـــت على النقـــل............

[ابن مشيب]

صح لسان الشاعرين


وتسلم وتحيتى لك

[M Z]

إبـداع بمـعنى الكــلمة , ,

صـح لسـآنكـ يآ سـويلم وصـح لسـآنكـ يآ شآعرنا الكبير أبو راكـآن

لاهآن غآليكـ على النقل أخـوي راكـآن

تقــبلني فديتكـ , ,

[ابن مجلبه]

الله الله الله

صح لسانكـ الشاعر سويلم

و صح لسان الشاعر سلمان

ابيات جزلة من شعار جزلين



راكان

الله يعطيكـ العافيــة

لكـ الشكر على نقل القصيدة

لاهنت



تحيتي و تقديري لكــــــ

[راكان بن مروي]

المشاركة الأصلية كتبت بواسطة ابن مجلبه

الله الله الله

صح لسانكـ الشاعر سويلم

و صح لسان الشاعر سلمان

ابيات جزلة من شعار جزلين



راكان

الله يعطيكـ العافيــة

لكـ الشكر على نقل القصيدة

لاهنت



تحيتي و تقديري لكــــــ

يعطيك العافيه

[سهو الكرشمي]

كلام
كلام
ياسويلم وياسلمان

ابشربفزعة جاه وارخاية الكيس كفو والله ونعم يابن مروي قول وفعل يابوراكان