من قصائد الشاعر بجاد بن مروي

[المروي]

يانفوسن تشيل الشين مجاء مجالـه=الرجال بحياهـا والـرداء ماولفهـا
الرداء مانشيله لو ابـو زيـد شالـه= والصخاء مانكبه لـو يدينـا نزفهـا
نعتبر كل شينه مـن وفانـا محالـه= كيف لو كل عاقل في حياتـه عرفهـا
ماوزنت القصيده لجـل لالـه يالالـه= لاولجلن صعبات الحـروف نعسفهـا
كل بيتن كتبته خابـرن طيـب فالـه= من بيوتن جزيله منصفن من وصفها
منصفن من وصفها بالوفا والجزالـه= والبحور الغزيـره تمتلـي ونغرفهـا
القصيد القصيد اللي على حـل حالـه= فيه جل المعانـي وارداتـن هدفهـا
قصة في قديم الحيـن فيهـا جمالـه= وش بلاها تقول اليوم تبكـي سلفهـا
ماحسبها علينا من نصبهـا جهالـه= لين ضيع سنعها وعثرة في صدفهـا
قصـة ماكتبـت النصهـا فالرسالـه= والكلام ان بغيت ابديه فيهـا زلفهـا
من كلامن تزهل فيه عمـه وخالـه= وانحصر في علومن ينسدى في طرفها
ماء انثلم في فناها غير راس العداله= يوم هزة قناه وعـز فيهـا شرفهـا
جنبت من حياته واتركت كـل مالـه= واحلفت لـو بيدهـا لقمـة لتحذفهـا
ثمنت للكرامه وعزفـت عـن دلالـه= نعنبو من دلالن كل خضـراء نزفهـا
صورة من خبرها شافها في عيالـه= قالته يوم راحت وانصحت من خلفهـا
عقبهـا درهميبـه ياذلولـه لحالـه= وان ركب في ظهرها وأنرقد في كنفها
واقطعي ياعيونه من دجاءالليل اماله = واصبحي في بيوتن معتماتن غرفهـا
يشتكي من بناهنـه لغالـي حلالـه = نظرته من قصاها واضحن فيها اسفها

الشاعر :بجاد محمد الحافي

--------------------------------------------------------------------------------

[شباب الحافي]

صح لسان / ابونايف
المروي
بيض الله وجهك على النقل

[المروي]

شكرا ابو مشعل على مرورك

[ابن الوطن]

صح لسان الشاعر

ويعطيك العافيه على النقل

[ابن مشيب]

صح لسان الشاعر بجاد


وتسلم يمناك على النقل

[القوة الضاربة]

مشكوووور يالغالي

[الجذع الروقي]

صح إلسانك وتقبل مروري

[ابن سمار الحافي]

صح لسان ابو نايف


الله يعطيك العافيه

[كاكا الحافي]

صح لسان / ابونايف
المروي
بيض الله وجهك على النقل

[غريب ابن سمار]

صـــــ لــســـانـــكـ ـــــــح