الفتيله

[تركي الثبيتي]

آه من قلبي اللي فيه مثل المليله
...................................ماتطفي لهايبها مزون الخيالي

ولّعت يوم ناش الزند خشم الفتيله
..................................كل ماجيت أطفيها تزيد اشتعالي

من تّقلّب عليه الوقت ماله وسيله
...............................لو صفق كفه اليمنا بكف الشمالي

صكو الباب مالي في المقادير حيله
........................ضاق صدري ولا احدٍٍ حس باللي جرالي

أنتظر والصبر ماباقي إلآ قليله
.............................وأتوجد وأنا مشغول فكري وبآلي

أحسبني كما أول لي ربوع وقبيله
...........................سآعة الضيق والشدّه تبآن الرجالي

يوم عيني تشوف وكل برقٍ تخيله
.............................ما علّيه لو أسري في ظلام الليالي

أتحمل لو ألطرقه عليه طويله
...............................ولآتجزّع لو إني شلت فوق إحتمالي

كلّ شي تغير بين يومٍ وليله
.................................وأكثر الناس في عاداتهم مايقالي

من تردى نصيبه بينهم عزتيله
.................................يتركونه بدون إلباس في كل حالي

ماعلى الله ليا منّه نوى مستحيله
................................يبسط الرزق لعباده عزيز الجلآلي

أقبلت يوم برآق الحيا سال سيله
...............................الرخا عم بأمر الله كريم السبالي

أسفرت وأنورت وإنتص فار النثيله
............................بعدما كان مسداحه في روس النثالي

منّة الله ولا مدّ اليدين البخيله
................................شجرةٍ من زبنها مايلاقي ظلالي

ليت الأيام تدفن كل نفسٍ ثقيله
..............................تكتم أنفاسها وإتذوب تحت الرمالي

الله أنه يجملني مع أهل الجميله
..............................قبل الأقدار تخطفني وأشد الرحالي

غيرهم ماعليه إحسوف بنّه وهيله
...............................لو يدق النجر و النار تحت الدلالي

راعي الطيب لامن راح يصعب بديله
.............................ما ذكر مثله وشرواه لو جا مجالي

ماتو أهل الوفا والجود وأهل الفضيله
.............................سنة الله في خلقه وأخرتها الزوالي

مابقى إلا ضعوفٍٍ حملها ماتشيله
....................................لو تعدل لها يومين ستين مالي


((( تركي الثبيتي ))

[الناصح 999]

يعطيك العافيه

[ابن مشيب]

صح لسانك واعتلا شانك


والله يعطيك العافيه

[ناصر بن سعود]

الله الله ابداع ياتركي

صح لسانك

قصيدة جزلة من شاعر جزل

كل الاحترام والتقدير لك

[شباب الحافي]

اخوي/ تركي
صح السانك
وبيض الله وجهك
على القصيدة

[ابن مجلبه]

الله الله الله

صح لسانكـ

تركي

واعتلاء شانكـ

قصيدة جزلة من شاعر كفو و جزل


لكـ الشكر على هالقصيدة

لاهنت


تحيتي و تقديري لكـ

[نايف بن مزيد]

صــح لســانكـ مليــون........

يعطيــكـ العــافيــه.........

[سلطان الحافي]

الله

الله

ياتركي

صح لسااانك ملااااايين

ولله درك

مودتي,,,

[بعيد المدى]

يعطيك العافيه
وصح لسانك

[الجذع الروقي]

صح إلسانك وتقبل مروري ...