يا عد

[بدر الحافي]

السلام عليكم ورحمة الله وبركاته

الاهداء الى والدي حفظه الله
في احد موارد الاجداد القديمة بالقرب من الاشعرية

ياعد ما انت بمثل باق العدودي=حتى ولو ياعد ماعدت مورود
عندي ماتوزن بالذهب والنقودي=مادمت ورث اسلاف ياعد وجدود
ميرادك من الخبت يرقى سنودي=وعلى محيرك سالت جبالك السود
ساواك بالطية مفتل عضودي=عبدن عتق من عقب ماكان مسيود
صم الحجر ساوا كبار الحيودي=يمشيبه الساني لو الحبل معقود
ضاميك ماينشد الي ورودي=وصادرك عن واردك ماهوب منشود
ياما على جالك تقافا الحشودي=بدون يسوقون الغوالي من القود
حم الشعاف الي تداو اللهودي=ام القرا وام الذرا كاملة جود
اول طلايعها بعلم الشهودي=سبعن كسبها راعي الكسب والفود
تسد عين الشمس حزة تقودي=تسعين عفرا ما درج مثلها ذود
دقاقها بنت الفحل والقعودي=واجلالها بان ن عليه الشحم زود
تراعابها خطو العيال الفهودي=الي ليا صاح النذر دونها جنود
قروم الرجال مكملين العهودي=نجدة غريبن من عنا الوقت مضهود
اهل السخا في حاميات الوقودي=اهل الوفا وان لزمت حقوق ووعود
كم طمنوا راسن بشره يزودي=وكم طولوا راسن من الويل مجحود
تامن بهم عذرا عليها الجعودي=ويفرح بهم رمل ومساكين وقعود
مثل العلاج الي يداوي الكبودي=مثل المرض لا صار فالعلم مردود
لا واوجودي يالزمن ياوجودي=على مسير ضعونهم شرق وسنود
وعلى منازلهم بعاد السدودي=من شعر للعبلة ليا عالي الطود
واشمل بها لعروق هاك النفودي=واجنب بهم للنير والضلع ابو حيود
وان لاح وسمي ثقيل الرعودي=واذكر لهم خدن من النو مشهود
ما ريضوا يبغون علمن وكودي=فكوا لها باب ن من العام مردود
ووجدي عليهم كل ماهب نودي=او ماهمل نوا به بروق ورعود
ووجدي عليهم ماتخط الردودي=او مادرج حي ن وما ينبت العود
اقفت بهم دنيا العنا والنكودي=راحوا ضيوف اقبور ياعد والحود
ماكنهم ردوا عليها الوفودي=ولا كنهم ركبوا مسايير ووفود
لو ذكرهم حول الرقاب معقودي=اليوم بس اطلال ورسوم وحدود
جداي اهل الدمع فوق الخدودي= لا جيت منزلهم ولا سولف العود
يالله تكفيهم عذاب اللحودي=ياحي ياقيوم ياخير معبود

بدر الحافي

[ناصر بن سعود]

حجز ملكي رقم ( 1 )

ياسلام ياسلام يابودباس

ماشاء الله

صح لسانك لين ترضى

قصيدة جزلة من شاعر جزل

ابداع لايوصف

كل الود والاحترام لك

[شباب الحافي]

وعليكم السلام ورحمة الله وبركاته
اخوي/ بدر
صح لسانك
وبيض الله وجهك
على القصيدة الجزله

[ابن مشيب]

صح لسانك واعتلا شانك


وتسلم على هالقصيده الجزله

[نايف مطلق بن مصيبيح]

صح السانك ملايين

ابو دباس

ياااااااااااااااااااااااااعد

حركة مافي الضمير

تحياتي واحترامي لك

[ابن مجلبه]

و عليكم السلام و رحمة الله و بركاته

الله يرحم شيباننا الأولين و يسكنهم فسيح الجنان

و يجعل مقابرهم روضة من رياض الجنة




و يطول في عمر شيبانا الحيين و يخليهم لنا و يخلينا لهم




بدر

شهادتي فيكـ مجروحة

صح الله لسانكـ ملايين يا سنايدي


تحيتي لكـ

[بدر الحافي]

الله لايهينكم جميعا

يعطيكم العافية

[ابن الوطن]

بدر

صح لسانك

[عبدالله بن سعود]

ماشاء الله ..

والله اني حاولت اقتبس بيت او بيتين .. لكن كل بيت اطيب من الثاني ..

يالله تكفيهـم عـذاب اللـحـودي

ياحـي ياقيـوم ياخيـر معـبـود

آمين آمين ..

صح لسانك ..وطاب فالك ..

[بعيد المدى]

بدر الحافي اللة يعطيك العافية و قصيدة جزلة من شاعر جزل