قصيدة العتيبي بشمر

[جارالله الشمري]

هذه القصيده للشاعربندر ابن محيا العتيبي

من لايخاوي شمر الجود غلطـان
من غير نقص في جميـع القبايـل

خويهـم والله مايبلـش بالأحـزان
اليا نخاهـم يصبـح الهـم زايـل

خويهم يحظـى بتقديـر واحسـان
مع حشمه وتقديـر للفخـر نايـل

شمر هل الطولات لاقيل فرسـان
وقت السيوف المرهفه والأصايـل

شمر طنايا يوم زيغـات الأذهـان
عدوهم شـاف النجـوم الهوايـل

شمر اليا قلنا هل السيف شجعـان
قالوا : نعم صادق اشيوخ الحمايل

شمر لهم تاريخ في ماضي الأزما
نفيه أطيب العربان تضرب مثايـل

وبوقتنا الحاضر بهم بوش بلشـان
وروا علوجـه فالعـراق الهوايـل

شمر هل النوماس في وقت الأكوان
اللـي يـردون الملايـل غلايـل

الابه اللي ذكرهـم للعـرب بـان
ياكـم ثنـوا لاصيحـن الحلايـل

شمر مقر الجود للجـود عنـوان
لايابعد حي العرب ياهـل حايـل

شمر سناعيس على الضد بركـان
يشهد لهم فعـل السنيـن الأوايـل

بنوا اشعار الجود في طي بنيـان
لو زالت الضلعان ماهـو بزايـل

شمر لمن يشكي من الضيم مزبان
لاصارت الحيلات عنـده قلايـل

والله لايرجع بعد الأحزان فرحـان
ينزاح حمله بعـد ماكـان مايـل

قول على حق ودلايـل وبرهـان
يشهد له التاريـخ والشـك زايـل

مهما كتبت بشمـر الجـود قيفـان
ماني ملحق ذكر كـل الخصايـل

ماقلت غير الحق والحق سلطـان
قلت ومعي حجـه وكـل الدلايـل

وأنا من الهيلا هلا الطيب عتبـان
زبن الدخيل وعوق مخطي وعايل

في ساعة فيها يتسـاون الأثنـان
المـوت والا نكستـي بالجمايـل

ـــــــــــــــــــــــــــــــــــــ

وقام ابن العم الشاعر نهير نمش الشمري بالرد عليه قائلا

هات القلم واكتـب جديـدات الأوزان
واكتب سلامي فـي جديـد المسايـل

وصل سلامـي والتحايـا لحـوران
حـر تعلـى فـوق كـل الطوايـل

نايف ولـد بنـدر سلايـل كحيـلان
ابـن محيـا ياعـريـب السـلايـل

البيت مايبنى علـى غيـر سيسـان
للعـلـم نـقـال وللـقـول قـايـل

وانا دليلـي ياهـل العـرف مليـان
مليـان بعلـوم الصخـا والشكايـل

عليـك بالعتبـان ياصـرت بحـلان
لاسكـرت دونـك جميـع الوسايـل
عتبـان ياقلنـا كــلام بحسـبـان

عتبـان ستـر منقضـات الجدايـل
عتبان لاصـارت عجـاج ودخـان

يردون علم المـوت علـم صمايـل
عتبان لاصار الحكي شيـئ وكـدان

عز الخوي لاشـاف حـر الملايـل
عتبان لاعدوا هل الطيـب والشـان

مـع اول العربـان قـول وفعـايـل
عتيبه كمـا سيـل محاديـر جيـلان

لاساقـه المولـى كريـم السبـايـل
أهل النقا والجود فـي كـل ميـدان
أهـلا الحميـا والعلـوم الجـزايـل

للخايف المضهـود عـزوه وخـلان
وللخايف المـوت الحمـر والغلايـل

وماسب انا العـرب ظلـم وبهتـان
كـل القبايـل لـه فعـول ثقـايـل

وحنا الطنايا ماكـر الجـود يافـلان
لاعـودت للسيـف قـدح وفتـايـل

الذيـب عشينـاه حيـل وخـرفـان
للطيـب نتعـب ومانـدور بـدايـل

وهذا مـردي فيـه شكـر وعرفـان
للابـه اللـي كـل فعولـه جلايـل
لروق مـع برقـا شبـاب وشيبـان

من غير خص في فـروع العوايـل
والمعذره وان كان كان بالقاف نقصان

منـك السموحـه يارفيـع النزايـل
تم الكـلام وزبـده الهـرج نيشـان

ورد الجمايـل حـق لأهـل النفايـل
وصـلاة ربـي عـد مـاهـل ودان
على الرسول اعداد عشب الخمايـل

[نايف مطلق بن مصيبيح]

صح السان الشاعرين

وبيض الله وجيههم

وشمر يستاهلون

المدح

رجال الكرم وهل الفعول الطيبه

جار الله الشمري

كل التحيا لك

[جارالله الشمري]

ماعليك زود يابوراكان.
شاكر مرورك والعذر كان قصرنا بشي.
بدايات لي في المنتدى وارجوا المعذرة تجهلنا بعض الامور.

[ناصر بن سعود]

صح لسان كل واحد فيهم

قصائد جزلة

انا اشهد ان بندر المحيا صادق بكل كلمة قالها

ولاله داعي العذر يابوعزام ماحصل منك قصور

الله يبيض وجهك

كل الود والاحترام لك

[جارالله الشمري]

ياهلا يابوسعود.
وماعليك زود.

[القوة الضاربة]

مشكور اخوي على القصيده الطيبه

[فهد مزيد الحافي]

صح لسان الشاعرين........................... وشمر هل الطيب

[ابن مشيب]

صح لسان الشاعرين


ونعم والله بشمر ولاهنت


يابو عزام وتسلم يمناك

[الناصح 999]

صح لسان الشاعرين وسلمت جارالله

[جارالله الشمري]

ماعليكم زود ياذباحة الحائل لطامة العائل.
شكراً لكل من مر على الموضوع
وارجوا منكم العذر إذاحصل اي تقصير.