قصيدة النصيحة للشاعر سعد بن عماش بن خرصان الحافي العتيبي

[شباب الحافي]

هذه نصيحة للشاعر سعد بن عماش بن خرصان الحافي العتيبي رحمه الله/
المتوفى عام 1397هـ

بديت باسم الله على كـل مـا بـدا=علام ما تخفي العرب في صدورهـا
سامع دبيب النمل فـي ليلـة الدجـا=وعلام ما في برهـا مـع بحورهـا
يقول بن خرصـان فـي رأس قنـه=فـي قنـة عـدى بعالـي وكورهـا
فـي قنـة عـدى بعالـي حجاهـا=لعـل ودان السـحـاب يـزورهـا
فكـرت بالدنيـا و أفكـرت بأهلهـا=وكم عاقل يشكي العطب من خطورها
همي ما هوب القبر والموت والفنـا=همـي لهيـب كايـدات أمـورهـا
لا زينو قبـري وعصبـت بالكفـن=فـي حفـرة كـل العبـاد تزورهـا
مشيت في الدنيـا ولـد ثـم شايـب=وأعرف معادي بومها مع صقورهـا
أوصي لبيب القلب وأوصي عيالـي=وألا ترى الدنيـا قريـب عبورهـا
أوصـي بتقـوى الله وسنـة نبـيـه=والناس بتقوى الله يشرح صدورهـا
والعلم يرفع مستوى الرجـل للعـلا=وفي كل يوم تاجـد العيـن نورهـا
ثم عقبها يا حـظ مـن بـر والـده=قـدم المنايـا يطرحـن سبـورهـا
أوصيك يا ابني لا تضيـع وصاتـي=من واحد شـاف الليالـي وجورهـا
حاذور من ولـد البخيـل ومنسبـه=لو كان بنته يجحد الشمـس نورهـا
يجـي ولدهـا مثـل جـده وخالـه=ضنوة فلس وش عاد يبري حرورها
لا تأخـذ ألا بنـت قـرم مجـرب=تعينك على عسر الليالـي بزورهـا
ولا تصاحب ألا كل رجل صميـدع=وشيخ يقود أسودهـا مـع نمورهـا
ليا جاك نكبه فـي زمانـك يسـرك=وألا الثعالب مـا تعـدى جحورهـا
ومن أبداك في سده احـذر تخونـه=لو ضربته بعضاك تشكي كسورهـا
تضحك معه وفي الغيب تكشف خفيه=يا شينها في السلم يا كبـر عورهـا
السـد لـلأجـواد رأس الأمـانـة=لو جاتك الأنـذال ترمـي بشورهـا
ترى الهـزالا فعلهـا مثـل رأيهـا=يوم المراجل مع خمايـس نقورهـا
وترى الدجاجة لو يطـول جناحهـا=قريـب ميقاعهـا مـن طيـورهـا
وترى النشاما فعلهم حـزة الكـرب=ليا صر جندبها وحامـت نسورهـا
وبعض النشاوي حلية الوادي الفحـل=ترتع به العربان وترعـى نشورهـا
وبعض النشاوي نشوتـه مـا تفيـده=مثـل عجـوز ناقصـات أمورهـا
وبعض النشاوي ما يفيد ألا الـردى=سوات كلـب القـوم دون جزورهـا
وليا وليت الخصـم حـاذور تافـره=خيار المعاني كيهـا فـي نحورهـا
تراه لو يـا لاك طـوا بـك الوطـأ=ونكبك نكبـه مـا تحسـب نذورهـا
ألا ليـا زاروك ربــع عــوارف=على طريق الصلح وكفة شرورهـا
اتبع طريق الصلح وتكسـب جميلـه=ليا راحت الأجواد تبـدي سرورهـا
ومن خاف من ربه رقيبـه يحاسبـه=فالجنـة العليـا وينعـم بحـورهـا
هذا اقتراحي فـي زمانـي نظمتـه=تجارب الدنيا بعـد شفـت دورهـا
يا سامعين القيل صلوا علـى النبـي=شفيع الورى يوم البعث مع نشورهـا

[بعيد المدى]

ابو مشعل اللة يرحم الشاعر ابن خرصان واللة لايهينك على النقل ياغالي

[جارالله الشمري]

الله يرحم الشاعر بن خرصان .


والله يعطيك العافية يابو مشعل على النقل الموفق بإذن الله



تــــــــــــقــــــــــــبـــــــــل مروري ومودتي وتقديري)

[شباب الحافي]

المشاركة الأصلية كتبت بواسطة بعيد المدى

ابو مشعل اللة يرحم الشاعر ابن خرصان واللة لايهينك على النقل ياغالي

بعيد المدي
مشكور على المرور

[شباب الحافي]

المشاركة الأصلية كتبت بواسطة جارالله الشمري

الله يرحم الشاعر بن خرصان .


والله يعطيك العافية يابو مشعل على النقل الموفق بإذن الله



تــــــــــــقــــــــــــبـــــــــل مروري ومودتي وتقديري)

جار الله المشري
الله يعافيك
مشكور على المرور

[الناصح 999]

يعطيك العافيه ابومشعل

[فهد مزيد الحافي]

سلمت ابو مشعل................ وقصيده مليئه بالحكمه رحم الله الشاعر

[شباب الحافي]

المشاركة الأصلية كتبت بواسطة الناصح 999

يعطيك العافيه ابومشعل

الناصح999
الله يعافيك

[شباب الحافي]

المشاركة الأصلية كتبت بواسطة فهد مزيد الحافي

سلمت ابو مشعل................ وقصيده مليئه بالحكمه رحم الله الشاعر

ابومزيد

مشكور على المرور

[القوة الضاربة]

أوصيك يا ابني لا تضيـع وصاتـي=من واحد شـاف الليالـي وجورهـا

نعم هذا البيت من تجربه شعريه لشاعر ونتمنالكم التوفيق