سعود سالم - تحذير.. تحذير

[ناصر الحافي]

السلام عليكم ورحمة الله وبركاته

قصيدة للشاعر سعود بن سالم معزي الحافي

عنوانها

تحذير .. تحذير.. تحذير

الليل عسعس بالنجوم المدابير=واقفى يحث الركب مابين الاقطاب
والخيط الأبيض صبح الليل بالخير=والشمس شعت فالفضا والقمر غاب
والطير غنا والهوا واصل السير=والورد فاحت ريحته والندا ذاب
وفي ملتقى الهيلا للاحلام تفسير=وللمجد صرح وللوفا سيف ونصاب
ماهوب بس مزاين نياق وبعير=دين وتراث وشعر وعلوم واداب
والشعر روضه والنوايا نواوير=وصدق المشاعر وبل والبرق جذاب
وقصيدةً فيها مشاعر وتعبير=فرصه ثمينه سانحه مالها حساب
مضمونها تحذير .. تحذير.. تحذير=تحذير واضح من مغبات الارهاب
وتنديد واسنكار من دون تاخير = باللي يخون العهد ويبوق الاصحاب
وإن وصلت الدعوى حدود الازارير= ولبس الخطر مع هجعة الناس جلباب
دون الوطن تنهار كل المعاذير = وتبنى خيام الموت وتشد الاطناب
ودونه شجاعة عنتر وسالم الزير = وشلفا كليب ورمح ابو زيد وذياب
في ساير الاوطان هذا الوطن غير = مكه وطيبه في مزبان وحجاب
تحمى حدوده بالسيوف البواتير = والتضحيه لاجل الوطن حظها طاب
هذا الجهاد الحق والصاير يصير = من مات فالجنه ومن عاش ماخاب
ماهو عمل شبه انتقامي وتفجير = وتخريب عشوائي وتهديد كذاب
وتخويف وازهاق وتعدي وتدمير = لبيوت مأهوله ومسجد ومحراب
والغام مزروعة وعدة فواتير = اليتم يدفها وتشريد الاحباب
كم صرخة هزت مشاعر جماهير = وكم دمعتينً فارقن سود الأهداب
ياقوم.. يالأرهاب حذفتك في بير= والحذف فالجمه ولو صاب ماصاب
في غبة الما مالها أي تأثير= حذفه وفي غبه ومن شخص مرتاب
عليك تهليل جهوري وتكبير = ومهما كثرت فيك الأسامي والألقاب
تبقى جميع الأنظمه والمعايير= تحاربك جيش وسرايا وكتاب
وياعقدةً السحر الخفي خير ياطير= لابالله الأشر ياعوج الأرقاب
عقولكم تحتاج بالفعل تكرير= وافكاركم عدة جمل مالها اعراب
بنى عليها مثل مايبني الجير= جهل وخرافات وفتاوى ورى الباب
القتل فالإسلام ما فيه تبرير = والعين فيها العين والناب بالناب
والنفس معصومه وفالشرع تقرير= يرفض هلاك النفس ويلوم الاسباب
وترى التطرف والغلو فيه تغيير= وهذا بلا الدين وبلا ابوك يا عقاب
والدار سدره والخلايق عصافير= والعاقبه للمتقين اهل الالباب

..

[الباشا الهلالي]

اخوي ناصر لاهنت على النقل
وسعود شاعر معروف ...ولاعدمناكـ

[ناصر الحافي]

الباشا يامرحبا

اسعدني مرورك الكريم

[نايف مطلق بن مصيبيح]

ناصر

تسلم يمينك

وصح السان الشاعر

سعود سالم الشاعر المتميز

[سلطان الحافي]

الله الله

الله

حجز

( 1 )

ناصر

بيض الله وجهك على النقل المتميز

وصح لسان سعود

مدد بلا عدد

اشهد بالله انه جزل

قصيده اجبرتني على قرائتها اكثر من مره

لله درك يابو سالم


مودتي

[ناصر الحافي]

ابو راكان


سلطان الحافي


يعطيكم العافيه على تواجدكم واطلاعكم

[حطاب]

صح لسانه .. شاعر مبدع وشهادتي فيه مجروحه ..
ولاهنت ياناصر على نقلها ..


تحيااااتي وتقديرررري..

[ناصر الحافي]

الاخ / حطاب حياك الله ويامرحبا بك

[ابو محمد الحافي]

ناصر الحافي
لك جزيل الشكر على نقل
هذه القصيده الجزلة
وصح لسان قائلها الشاعر
سعود امد الله في عمره
وأعماركم يالغالين

[المايسترو]

صصصصصصصصصح لسان سعود ولاهنت ياناصر

واقترح على الإدارة فتح ديوان للشاعر سعود .. وإن لم يكن حاضراً