من قصائد الشاعر مطلق الثبيتي

[ناصر الحافي]

السلام عليكم ورحمة الله وبركاتة


هذي مقتطفات اخترتها لكم وهي من قصائد الشاعر الكبير / مطلق بن حميد بن أحمد الثبيتي
رحمه الله وغفر له

القصيدة هذي قالها رحمه الله في صاحب السمو الملكي الأمير / نايف بن عبدالعزيز آل سعود
وزير الداخلية

ماكل نايف يلبس البشت نايف=نايف ولد عبدالعزيز المجرب
خاض الجزيرة وامنت كل خايف=حث القدم فيها وشرق وغرب
وخلا كل اهل المشاكل ولايف=والكل منهم من رفيقة تقرب
اللي نفاهم ماعليهم حسايف=واللي تقرب مثل سيفاً مذرب

وهذي القصيدة قالها رحمه الله في صاحب السمو الملكي الأمير / سلمان بن عبدالعزيز آل سعود
أمير الرياض

يامرحبا بك عد مبدى الهلالا=واعداد ماتدرج نجوم المجرا
واعداد ماتنثر حقوق الخيالا=عليك ياشيخاً على العدل قرا
سلمان ورد كايدات المنالا=شيخاً تحت ضلة شيوخاً تذرا
الله عطاه ولامشى باختيالا=واليا نوى له درب كلاً تحرا
واليا حضر يمه بروقاً تلالا=مثل الصدوق اليا اشتعل ثم سرا
ويصير في صف الرجال اختلالا=واللي ورا الصفين والناس برا
واليا خطب يملى صدور الرجالا=ولا احدٍ فتر عزمه ولا احدٍ تجرا
هيبة ملك سبحان رب الجلالا=حرٍ على **ب المعالي مضرا
هذا كلام الصدق والكذب لا لا = يالايمي في جابتي وش تورا؟

وهذي القصيدة قالها رحمه الله في سمو الأمير / فهد العبد الله آل سعود

جبت القصايد كلبوهن من الراك=واحتار فكري بين هذي وهاذيك
واليا الشعر ياطيب الذكر مااوفاك=حقك ويكذب كل من قال يوفيك
الشعر كله من تصانيف نماك=واللي يرد الطيب بالشعر نميك
عيني بصيرة والطويلة بيمناك=يقطعك ياوقتٍ عن الطيب يثنيك
مالي جدى غير اني اشهر سجاياك=للناس واخير واحدٍ جاهلٍ فيك
انته فهد والصدق والعرف مبداك=نسل الحرار اللي مع الناس تفديك
جعل المنايا يابو فيصل تعداك=وتسعدبك ايامك وتسعد لياليك

وهذي القصيدة قالها رحمه الله في صاحب السمو الملكي الأمير محمد بن نايف بن عبدالعزيز
مساعد وزير الداخلية

يامرحبا يانور يامنبع النور=ياللي شمل نورك فروع الوزارة
من جيتك وأيامنا افراح وسرور=ورفعتنا بين الملا فـالصدارة
اللي بنت يمناك في عدة شهور=صعبٍ على غيرك يسير مساره
ياراعي العليا ويامحكم الشور=الوقت ليله فات واقبل نهاره
رفعك من قمه لقمه ومشكور=العاهل المحبوب تاج الحضارة
محمد بحسن الراي والعقل مشهور=نفذ مهماته وطور ديارة
من روس حكامً لهم فالعلا دور=بالسيف والمنطق وصدق العبارة
ياشيخ وانته للمهمات مذخور=متوشحٍ تاج الشرف والأمارة
الساس عز البيت والبيت معمور=ماتلحق الصدة دخيله وجارة

الشاعر / مطلق بن حميد بن أحمد الثبيتي رحمه الله
توفي عام 1940-1996

بحث واعداد / ناصر الحافي


يرجى من ناقل الموضوع ذكر المصدر

[المايسترو]

مقتطفات مميزه لشاعر مميز
وامتداد لتميز ناصر الحافي


مشكووووور وماقصرت

[ناصر الحافي]

المايسترو


لاهان مرورك الكريم

[القوة الضاربة]

مشكووور يالغالي..,,

[ابن سمار الحافي]

الله يرحم مطلق الثبيتي

[بعيد المدى]

ناصر يعطيك العافيه

[العمدة]

مشكووووور وماقصرت

[الجذع الروقي]

صح إلسان الشاعر العلم وشكراً اك ...