قصيدة في عبدالمحسن التوم

[ناصر الحافي]

السلام عليكم ورحمة الله وبركاته

من الارشيف القديم

قصيدة مدح في الأمير / عبد المحسن بن غازي التوم رحمه الله

للشاعر / بندر بن تركي بن هليل الشيباني

ياعلي قرب منك صافي الحديدي=وشيك على زيته وشيك على ماه
لو كان توه من بلاده جديدي=افحص عليه وكمل اللي توراه
نريد والله يقضي اللي يريدي=نزور ابو غازي ونسمع حكاياه
شيخ الطلوح اللي طموحه بعيدي=اللي كسبها في شبابه بيمناه
اللي بنا للعز بيتن جديدي=مشيدا بالعز ساسه ومبناه
ماسكر ابوابه بقفل الحديدي=نمشي على الموتر من الباب لقصاه
لو الشباب اللي مضاله يعيدي=والله لندفع كل شين ملكناه
هذا الكلام اللي من القلب اكيدي=والشاهد اللي عالمن في خفاياه
له موقفن يفرحبه المستفيدي=واللي تغرب هاربن من خطاياه
في غربته خايف وخوفه شديدي=دايم تخالف في مصيره حضاياه
جالن عن احبابه وخصمه عنيدي=مايرحمه لو ينتخي ويترجاه
ويصبح بعد خوفه وهمه سعيدي=وتفرح عيونن باكيه بعد فرقاه
وتصير كل اوقاته افراح عيدي=وكلن يقدم من سروره هداياه
موقف فريد ومن وقف به فريدي=من غير ابو غازي يسوي سواياه
يفداه من قضا حياته وحيدي=لو كان اله شهره وفالناس اله جاه
دوبه غناته منه مانستفيدي=خسران من زاره من البعد يبغاه
يطق بابه لين ضغطه يزيدي=وقالوا بعد بكره مع العصر تلقاه
قال افتحو طرقي وداري بعيدي=ابتريث عندكم واتحراه
قالوا هذا مجنون ولا بليدي=يقول هرجن عمرنا ماعرفناه
وعود من الاحزان مايستزيدي=يبكي ومن شافه مع الدرب بكاه
من غير ابو غازي لحزنه يفيدي=ويفتح له ابوابه ويسمع حكاياه
لو كان كلن يزعم انه عميدي=لكن صعبات المشاكل تحداه
ويالله ياغافر ذنوب العبيدي=اللي جميع الخلق ترجي عطاياه
تامر لبو غازي بعمرن مديدي=وعسى ليا جينا نبا البيت نلقاه

[احمد بن مسفر التوم]

بيض الله وجهك وصح لسان الشاعر

[الباشا الهلالي]

صح لسان شاعرها ولاهنت على الطرح اخووي

[نايف مطلق بن مصيبيح]

بيض الله وجهك اخوي ناصر

والشيخ / عبدالمحسن التوم الله يرحمه يستاهل المدح

المعروف عنه والسايد مع اغلب القبايل وسمعناه منهم انهم يلقبون معتق الرقاب

رحم الله الشيخ / عبدالمحسن التوم وبيض الله وجهك ماقصرة اخوي ناصر

[ناصر الحافي]

حياكم الله وبيض الله وجيهكم جميع

[حطاب]

صح لسان ابن مشيب .. وتستاهل المقصود واكثر
ولاهنت يا الذيب على نقلها ..


تحياااااتي وتقديرررررري..

[ناصر الحافي]

حياك الله ياحطاب

[المايسترو]

صح لسان شاعرها .. والله يرحم ابو غازي

ومشكور ياناصر على القصيدهـ

[ناصر الحافي]

المايسترو


حياك الله ويعطيك العافيه

[عبدالرحمن المتعب]

ناصر الحافي
بيض الله وجهك واتمنى لك التوفيق