لاكليب ولا حتى غبن سالم الزير

[عبدالرحمن الحمد]

الصيد قدّمـك يازبـون المخاسيـر = ارمي على صيدك ب/طلقات بارود
ولا تاقف الثورة على هبّت عصيـر = لين الفشق ينحت على ظهر جلمود
هزاع يانسـل الرجـال المناعيـر = ياللي على جزلات الأفعال مولـود
ابيك لاقامـت تطـول المشاويـر = لانك على الأنشاب لك فعل مشهود
وأبو مشاري بالسنيـن المعاسيـر = وقفت رجل مايلحقـة أي منقـود
مهما حكينـا يالوجيـه المسافيـر = يبقى الفخر يالربع ماهوب محـدود
حنا على اللي غير الوضع تغييـر = حاجز يزيد قلوبنا عـزم وصمـود
يوم القلوب صحاح ماياقف الخيـر = ناطا بطيبتنـا علـى كـل نمـرود
شاعر وعنـدي ياجماعـة تفاكيـر = اصبر على الحساد والصبر محمـود
ودّحم بشعري ملحمات الطوابيـر = وأخذ من الجزلات عذقٍ وعنقـود
بالشعـر وإلا بالسيـوف البواتيـر = نبقى على الأخصام ذرعان وعضود
حنا بوسط البحـر مثـل البوابيـر = طاقم أبد مايهزنا حشـد وحشـود
لاكليب ولا حتى غبن سالـم الزيـر = يفتح لنا باب (ن) من الأصل مردود
من الضلوع العوج برسـل تعابيـر = سلام مني عـد ماذعـذع النـود
وسلام (ن)أحلى من حليـب المغاتيـر = على الرفاقه عـد مافاحـت ورود
واللي يشـاور للرفاقـه تشاويـر = ماخاب دامه شاور ذيـاب وفهـود
وصلاة ربي عـد ماهبـت عصيـر = على النبي اعداد مالخيـر موجـود

[ابن الوطن]

اللهم صلى على نبينا محمد


صح لسانك

[ابن الحفاه]

صح لسـانكـ

[ناصر بن سعود]

الله الله

صح لسانك ياعبدالرحمن

قصيدة جزلة من شاعر جزل

الله يحفظك ياغالي

كل الود والاحترام لك

[بعيد المدى]

عبدالرحمن صح لسانك

[الجذع الروقي]

صح إلسانك وتقبل مروري ...

[برق الحيا]

صح إلسانك وتقبل مروري

[ابن سمار الحافي]

عبد الرحمن


صح لسانك