شاعر الوطن وعتيبه ....!!

[حطاب]

السلام عليكم ورحمة الله وبركاته

لكم مني أجمل وأرق التحايا عبر نسيم هذا المنتدى وسيجملها ويعطرها ... قصيده من أجمل قصا ئد النبط للشاعر الكبير والكبر لله ...... خلف هذال الحافي .......

ياخي ما شفته مع السوق ياخي=ولا ذكر لك لو دونه مسافه
الله يبلى من بلاني وانا حي=بالغصب طوعني بليّا عسافه
يا طي قلبي طي طيٍ على طي =طي الجرايد في مطابع صحافه
عليك يا جافل من الريح يا ظبي=يا شين قلبك ما بقلبك مرافه
كويت قلبي كيتينٍ على كي=بصياخ نار وكلفتني كلافه
جرحٍ نجيض وجرح توه حدث ني=ومامن نيات الجرح غير الكسافه
وما يشكي المسكين يا كود من شي=اما مرض ولا محبة ولافه
والولف مثل الشمس تلحق على الفي=وكم عاشقٍ نثيل قبره لحافه
ومن ناقل الاقوال جاني خبر سي=قالوا: قمر عشرين باكر زفافه
وخذت لي مده وانا حن وابكي=عليك يا سر الشرف والنظافه
قالوا: علامك بك بلى ؟ قلت : وش بي!=بلاي من عذرى عليها الحسافه
وهي الحسوفه قالوا : الناس من هي ؟=ثم قلت : ما منكم ولا شخص شافه
نوى يغيب ونية الخير تنوي=وعفت الوطن يوم ادعج العين عافه
وغاب وسكن شرقي جبل حاتم الطي=ذاك الجبل قدمه وسلمه خلافه
يوم إن بابور المحبه مرسي=الله من بحرٍ تعابه وطافه
واليوم بطن البحر خالي ومصفي=ومستوصف العاشق يطوّل اسعافه
انت الذي تهدم غرامك وانا ابني=بنيت قصرٍ كبر قصر الضيافه
قصرٍ يسجل فيه اسمك مع اسمي=ياللي درست المعرفه والثقافه

تحيااااتي وتقديرررري...

[ناصر الحافي]

صح لسان شاعر الوطن / خلف بن هذال الحافي


ولاهنت ياحطاب

[حطاب]

شرفتنا يا ناصررر..



تحيااااتي وتقديررررري..

[المايسترو]

صح لسان ابو هذال
وصح لسانك يا حطآب

[حطاب]

المشاركة الأصلية كتبت بواسطة المايسترو

صح لسان ابو هذال
وصح لسانك يا حطآب

لاهنت على مرورك ...


تحياااااتي وتقديررررري...

[Google]

خلف العتيبي

ابو هذال شاعر الوطن

احد اكبر مشاهير الشعر في الجزيره العربيه

مشكور اخوي على النقل وبيض الله وجهك

[حطاب]

ماقلت الا الصحيح يا الذيب ..

ولاهنت على المرور ..

تحيااااااااتي وتقديررررري..

[سوالف]

صح اللسان ابو هذال


وتسلم يدك ياا حطااب



سوالف.....

[البرق الخاطف]

صح لسانك ولسان شاعر الوطن خلف بن هذال

[حطاب]

المشاركة الأصلية كتبت بواسطة سوالف

صح اللسان ابو هذال


وتسلم يدك ياا حطااب



سوالف.....

مرحبا بك ..شرفتنا بمرورك ..


تحياااااااااااايي وتقديرررررررري...