قصيدة لمرزوق أبوشيبه

[ناصر الحافي]

السلام عليكم ورحمة الله وبركاته

هذه القصيدة كتبها الشاعر مرزوق بن ضيف الله ابوشيبه
بعد صدور قرار تعيين الشيخ /فيحان بن نايف بن نافل الرقاص الحافي رئيسآ لمركز أرطاوي الرقاص ويستاهل ياأبورائد

ياالله يامنشي تصاريـف الأقـدار=الواحـد المعبـود رب البـريـه
تعيش ياشيخآ لـه الفعـل والكـار=طيب وكرم وأخلاق مجد وحميـه
في مجلسه تلقابه أزحول وأخيـار=علمآ يقريـه الـخـوي لخـويـه
بابه مشرع دوم للضيف والجـار=عز الرفاقه فـي الليالـي القويـه
فيحان ياطيبك وشعري بك أحتار=مهما كتبت وقلـت موفيـك شيـه
والله ماشفته على صاحبـه جـار=يوفي مطاليبـه لجـات الدعيـه
رقاقـصـه لاثار بـارود وغـبـار=من ماضي الجدان للحيـن حيـه
يشهد بها ريحان وانطـاق بديـار=علمآ ينومـس بـه ولابـه كنيـه
هم عزوتي ياسعود وافين الأشبـار=عون الضعيف فساعه المكرهيـه
أختر من الأصحاب نشمي وصبار=من باعني بعته لشخـص حليـه
خير الكلام ماقل فهمه ليا صـار=ومجالس أهل العلم وأهل الدريـه
وختامها صلوا على صاحب الغار=عد المطر مـن مزنـه عقربيـه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ


للشاعر / مرزوق بن ضيف الله ابوشيبه الرقاص الحافي

[حطاب]

صح لسانك يابو شيبه .. ويستاهل اكثر من القصيد الشيخ فيحان ..

وماقصرت على نقلك ..


تحيااااتي وتقديرررررري..

[Google]

والله ونعم بالاد حافي

يستاهل الشيخ فحان

وصح السان الشاعر مرزوق

وسلمت يمينك اخوي ناصر

[ناصر الحافي]

يعطيكم العافيه على المرور الكريم

[الباشا الهلالي]

صح لسان شاعرها ولاهنت على الطرح

[ناصر الحافي]

الباشا الهلالي الله لايهينك

[مرزوق الحافي]

صحت أبدانكم جميعآ


ولاهنت أخوي ناصر على النقل الرائع


أتمنى لك وأخواني في هذا الصرح الشامخ


والمتميز التوفيق والنجاح دائمآ



تحياتي لكم وتقديري

[طالب الحور]

تعيش ياشيخآ له الفعـل والكـار
طيب وكرم وأخلاق مجد وحميـه

بلاشكـ

ونعم ويستاهل

[ناصر الحافي]

الشاعر مرزوق ابو شيبه قصيده جزله صح لسانك


مبارك العتيبي شاكر لك تواجدك في متصفحي