[ اهداء ] كاس الندم ماهوب حلو المذاقي

[حامد الروقي]

السلام عليكم ورحمة الله وبركاته

صيف عام 1430 هـ هدية الصيفيه

كانك تصد انا بعد عنك صديت = لا عاد يطري لك وترجي تلاقي
اقبلت لين القلب فز وتعديت = ليتك وقفت ولا طمعت بلحاقي
خل الغرور يسايرك دامك اقفيت = اتبع غرورك لين تعرف فراقي
تبي تجرب عزتي عانك اخطيت = نزلت وانا عن تكبرك راقي
تبقى وحيد بحسرتك والتناهيت = خل الدموع لوجنتينك تساقي
ادري بحزنك فتت الكبد تفتيت = وتعيشها هم وقلق واحتراقي
هذي نتايج فعلة منك سويت = باسبابها مشلول ولا معاقي
فعلك بنفسك شفت لعيونك اعميت =وهمك معك والحزن وياك باقي
درس وطلبته شف وش اللي تمنيت= كاس الندم ماهوب حلو المذاقي
خطاي حبيت وزدت وتماديت = وخطاك تعشق لوعتي واشتياقي
لو جيت تستسمح وزدت وترجيت = وابديت اسفك وقلت حل الوثاقي
قدرتها لك عفو كانك تعنيت = وبينت لك طيبي وطيّب عماقي
وان جيتني وتقول لي ويش سويت = بقول تبطي وانت مبعد وشاقي
واعرف مقامك دون عذرك لياجيت =اعرف مقامك من حساب الطراقي
صبرت قلبي في فراقك وعزيت = عزيت نفسي عنك ثنيت ساقي

[نايف بن مزيد]

حجــز ملكــي ((1))

لاهنـــت يــالحصــاان
وصــح لســانكـــ..............

[شباب الحافي]

اخوي/ حامد
صح لسانك
وبيض الله وجهك
على القصيدة الجزله

[ابن الحفاه]

صـح لسانكـ

[ابن الوطن]

حامد

صح لسانكـــ

[بليد الحافي]

حامد الرووووووووقي
صح لساااانك الف
قصيدة رائعه

[حامد الروقي]

صحة ابدانكم

كل الشكر والتقدير على مروركم الكريم


تحياتي.

[ابن مجلبه]

الله الله الله

صح لسانكـ ملالالايييييييييين

يا حامــد

لله الولي دركـ على هذه القصيدة الرائعـــــة

لا هان منطووووقكـ


تحيتي و تقديري لكــــ

[حامد الروقي]

الله يعطيكم العافيه جميعا على المرور الكريم


وصحة ابدانكم

[الـتـوم]

صح لســـانـــك