قصيدة :: شاعر الوطن :: غصبن بلا طوعي .

[محمد العتيبي]

السلام عليكم ورحمة الله وبركاته

أعضاء وزوار منتديات شبكة الحفاه الكرام

نعرض لكم قصيدة ( شاعر الوطن ) سعادة اللواء :- خلف بن هذال العتيبي

غصبن بلا طوعي

:: كتابية ::

جبرني هوى المجمـول غصبـن بـلا طوعـي = وذوقـنـي الـمــر الـحـمـر مـخـطـرن حـامــي
عـذابـي لطـيـف الجـسـم والـعـود مربـوعـي = إلــى مـرنـي يـاطـى عـلـى روس الاقـدامــي
مضى لي زمان(ن) أحيان نومي على كوعي = تـوذيــت مـــن عــــد الـلـيـالـي والايــامــي
أكـيـل الـروابـع واسـقــي الـخــد بـدمـوعـي = ولـو هـي علـى نقـع الصفـا صـدر الضـامـي
خطيـرن علـى قلـبـي ولــو دونــه ضلـوعـي = وخـايـف يـثــور وتـسـعـر الـنــار بعـظـامـي
طمعـت الهـوى وانـا لـهـا الـيـوم مطمـوعـي = وصــار الـرمـي والـحـذف خلـفـي وقـدامــي
علـى واحـدن مـن دونـه الــدرب مقطـوعـي = صعيب(ن) ورا ناس(ن ) يقصـون الالغامـي
زمـان مضـى فرسـان(ن )الخيـل ودروعــي = يخضـون أطـراف اليـمـن واسـفـل الشـامـي
أبشكـي لهـم جفـن(ن ) مـن النـوم ممنوعـي = يحـرس النجـوم وتتطـلـع الشـمـس مانـامـي

صح لسان ( شاعر الوطن ) مدد بلا عدد

ودمتم في حفظ الرحمن

والسلام عليكم ورحمة الله وبركاته

أخوكم / محمد العتيبي

[فيصل التوم]

مبدع يبو هذال كعادتك
وأشكرك أخ محمد على هذا النقل الرائع

[الـتـوم]

مبدع ابوهذال دائماً
سلمت يمينك على النقل

[بعيد المدى]

محمد العتيبي اللة يعطيك العافية على النقل وصح لسان الشا عر خلف

[القوة الضاربة]

الله يعطيك الف عافيه

[محمد العتيبي]

المشاركة الأصلية كتبت بواسطة فيصل التوم

مبدع يبو هذال كعادتك
وأشكرك أخ محمد على هذا النقل الرائع

العفو أخوي / فيصل التوم

وشاكر لك مرورك الجميل لمتصفحي

[ابن سمار الحافي]

محمد العتيبي

يعطيك العافيه