لمحة من خيال عاشق

[بدر الحافي]

للصبابة بيت وابوابها عشرين باب=واوسع الابواب لحظة غلا للعاشقين
تدفع الاحزان رحلة ذهاب بلا اياب=والشقا ما قال للركب جيتوا سالمين
علقه طول البطا والخطا هد الركاب=مايجمل فالسفر لو ظفر داعي حنين
وان تجمل هاجسي ماعلي الا الحساب=والكلام الصدق يكفيه حرف ن من يقين
اول الابواب لحظة غضب فأوّل خطاب=الورق مثل البحر والمجاديف اليدين
يختفي معناه في زرف ويزمه سراب=والطلاسم حللتها قراية سورتين
وثاني الابواب ماهي حساب ولا عتاب=رد باس و قو راس ن يلين او ما يلين
يرمي الصاحي عقاله ويلحقها الثياب=-داين المقتول فيها يحطونه مدين
وثالث الابواب يغشى النظر مثل الضباب=يوم اراجع ما قريت اتعوذ مرتين
ورابع الابواب فرق الضباب عن السحاب =الضباب يذوب والبرق في عيني يبين
وخامس الابواب سيلن طما روس الهضاب=بشروا به لاحقين الضعون الاولين
وسادس الابواب طوّيت دلوي والزهاب=ولا سبقني غير سيفي ورمي المارتين
وسابع الابواب مسّيت قوسي والحراب=وليت جدي حي ما مات من هاك السنين
وثامن الابواب يطري علي الانسحاب=مايجي للتهلكة من عباده مومنين
وتاسع الابواب في عيني الدنيا ذباب=والحجر ف احساس قلبي غدا مثل الطحين
وعاشر الابواب حصلت للحيرة جواب=من ذهب والي يقول الذهب ماهو ثمين
اثرها ريضة سعة ما دخل فيها طلاب=حوّلي ياحربة الدم عن جنب ن متين
واوله بعد العشر تبتدي رحلة عذاب=للهموم قلوب والدمع يجرح موق عين
وثاني الحادي من الشوق اولف لي كتاب=واحفظه في عرش قلبي واله حرزن مكين
وثالث الحادي ماينفعك زادك والشراب=لو من البستان زادك عنب حالي وتين
ورابعه ليلي لشكواي في ساع استجاب=واستحل السهر سلوا عبادن دالهين
وخامسه عويت عوية مجاويع الذياب=والعوا ما زينه غير تنهيت وونين
وسادسه يوم اذكر الرمش واليا امره عجاب=كيف اشوف سيوف ف ايدين قوم مسالمين
وسابعه ربي جعل له على المبسم شهاب=والغريبة كيف ما احرق وجيه السامعين
كيف زاد الجمر قسوة برد غرن عذاب=وليه يبحث خافي الروح ويجيب الكنين
وثامنه فالخد لان كان حالفني صواب=مثل ورد الجور والما يجي من مصدرين
من غمامن خاط نجم الثريا بالتراب=ومن جبالن سود شلالها مافيه طين
وتاسعه ياخذ من الريم طول ن فالرقاب=لقمة البالغ بحلقه تجي في دفعتين
وعاشر الحادي سرقت الوصوف من العقاب=لا اجتمع في سكبتك رمش وحجاج وجبين
يكتمل وصفك ليا طاب فيك الوصف طاب=والشكر ياهاجسن ما جمع غير السمين
والنهاية ليت ما بيني وبينك حجاب=وليتنا جيران لو يم كابل ساكنين

بدر الحافي

[ابن الوطن]

صح لسانك يا بدر

[بدر الحافي]

المشاركة الأصلية كتبت بواسطة ابن الوطن

صح لسانك يا بدر

صح بدنك يالكبيسي

[الذابح]

والنهاية ليت مـا بينـي وبينـك حجـاب

وليتنا جيـران لـو يـم كابـل ساكنيـن

صح الله لسانكـ يابو دباس,,,

وبيض الله وجهكـ,,,

والله يعجز اللسان عن الكلام,,


قصيده رائعه رائعه رائعه,,

كروعة صاحبها,,,

[بدر الحافي]

المشاركة الأصلية كتبت بواسطة الذابح

والنهاية ليت مـا بينـي وبينـك حجـاب

وليتنا جيـران لـو يـم كابـل ساكنيـن

صح الله لسانكـ يابو دباس,,,

وبيض الله وجهكـ,,,

والله يعجز اللسان عن الكلام,,


قصيده رائعه رائعه رائعه,,

كروعة صاحبها,,,

ابو محمد الشرف حضورك هنا والله
لاهنت على كل حال
يابعد راسي

[نايف مطلق بن مصيبيح]

صح السانك

ابودباس

وبيض الله وجهك على القصيده الجزله

[شباب الحافي]

صح لسانك يابودباس
وبيض الله وجهك
على القصيدة الجزله

[باعك ياقلبي]

صح لسانك اخ بدر
يعطيك الف عافيه

[فيصل التوم]

صح لسانك اخوي بدر لا عدمناك وبيض الله وجهك
قصيدة جزلة في معانيها
ونتمنى منك المزيد

[بدر الحافي]

الله يعطيكم العافية على المرور
فردا فردا
لاهنتو
لاهنتوا جميع والله