حبيب العازمي وزيد العضيلة (المعني في تركي وشقة الروضة

[سلطان المقعار]

الليله جايب لكم طاروق من محاورة الدوادمي الاخيره بين حبيب ومستور وحمدان وزيد .

طاروق هو الاميز في الحفله ولو ان الحفله كلها مميزه


الطاروق نقاش عن قضية تركي 2000 الاخيره في شقة الروضه

حبيب العازمي :
هلا مرحبا والله يمسيك بالخير *** يازيد العضيله يالسفير المحامي
وانا خابرك رجال وتمثل مطير*** وهذا السنه مري تقص الحرامي

زيد العضيله:
يدوم البقا بك عد ماغرد الطير*** وانا ما احتزم بحزام ماهو حزامي
انا عن لزومي ما اعتذر بالمعاذير*** ومن يترك الواجب عليه الملامي


حبيب العازمي:
على شجرة الزقوم عشرة عصافير *** ولا رشها البارود من غير رامي
ماندري الضيوف ضيوف ولا مسايير ***لكن الكرامه من طبوع الكرامي


زيد العضيله:
تكبر علوم الناس من دون تاثير *** بطل حلمكم يامفسرين الحلامي
ماغار صوت وراده قطينن على بير*** وهداج دائم يارده كل ضامي

حبيب العازمي:
يارجال مابه حلم يحتاج تفسير *** يحوم الذباب وطاح وسط الطعامي
من اول بغا هتلر يقود الطوابير *** ولكن اثر هتلر عليه الكلامي

زيد العضيله:
ياراعي الحروف اللي عليها دوواوير*** ترا كل خدن بان فيها الوشامي
تسولف بهتلر ناسين سالم الزير*** ولن قلت وشبك قلت ما ادري علامي


حبيب العازمي:
مريكا يصبون الذهب فالقوارير *** وحنا نصب الدم والرمي حامي
من اول تجيب بعير وتودي بعير *** وذا الحين صيدك فالجراد التهامي


زيد العضيله:
مريكا من اللي ياكلون الخنازير *** ولو فرقول وشهو حلال وحرامي
من اول زمانك غير واليوم في غير *** ولاعاد به خشمن يجيبه عرامي

حبيب العازمي:
وخاشرهم اللي له سنونن مناشير*** ياحظ الجعاره باللحم والعظامي
ابا امزح معك من باب صحبه وتذكير *** وبكره عسا العذراء تطش اللثامي

زيد العضيله:
الا ياحبيب غيروا فالتعابير*** ويالله فالرحمه وحسن الختامي

[ابن مشيب]

صح السنت الشاعرين


وتسلم يمناك اخوى وتحيتى لك

[شباب الحافي]

صح لسان الشاعرين
اخوي/ سلطان
الله يعطيك العافيه
على النقل

[فيصل التوم]

سلمت على النقل الرائع
وصح لسنان الشاعرين
دمت بود

[ناصر بن سعود]

صح لسان كل واحد فيهم

ولاهنت اخوي سلطان

كل الود والاحترام

[سلطان الحافي]

ارحب

يالسمي

وصح لسان

عملاقة الشعر

حبيب وزيد

فعلا

طاروق متميززز

بماتعنيه الكلمه

لا هنت وابيض وجه

واشكرك على ذائقتك الرفيعه

مودتي,,,,

[بعيد المدى]

صح لسان الشاعرين ودمت اخوي سلطان علي النقل الرايع الجميل

[ابن الوطن]

سلطان

يعطيك العافيه

[غريب ابن سمار]

يعطيك العافيه

[ابن ملحق]

لاهنت ع النقل