وين النشاما

[Google]

بسم الله الرحمن الرحيم

يعيال العم

السلام عليكم ورحمة الله وبركاته

علومكم وماهي استعداداتكم هذه الايام خصوصا والبرد بدا يعم الاجواء السعوديه وتو تزين شبت النار والرحلات البريه وكما تعلمون البرد شباب نار ويزين المرق خصوصا اذا صرت انت وزملاء او الاخوان على تيس لاباني وشابن النار والدلال والجو بارد جدا ونتم في خيمه تسمعون اصوات الهواء في اراويق الخيمه
يالله ماهو الشعور الذي ينتابكم في هذه الحاله نعم حاله فريده جدا وشعور لايوصف بنسبه لى اما انتم نسمع رايكم في الردود

ولكم هذه الابيات تتحدث عن الربيع

ياماحـــلا والنار يضـــوي لهبها ,, في فيضــة فيها الحيا مابعد شــيف

في خــــــيمة منصوبة في خببها ,, ودلال صـــفر ماشريته من الســيف

في مجلس فيه النشامى وأدبها ,, قصـــــــــيد ينقونه ولاهوب تصفــيف

وســـوالف رجال معادن ذهبها ,, مع قهوة تطرب هل الراس والكــيف

والجيب والعدة وباقي زهبهـــا ,, وســـمان ماطـبت شــــبوك وتعــــليف

2007 والسست ماسـحبها ,, شــــد البـــلد نقـــد ولاهوب تســـــليف

منـــوة هل البران غاية طلبها ,, مطــوع العسرات نقــــرة مع الســيف

له شــــهرة ياما عقول سلبها ,, (باترول) مايحتاج مـــــــدح وتعريف

وذود شعاع الشمس عنا حجبها ,, جانــــا حـــــليبه دون خــلط وتغـليف

وشحنة سمر وإرطا من أرضه حطبها ,, النار عنوانه كروكي وتوصيف

وذبيــــــحة للضــيف لاجـــا ســـــحبها ,, ماحسب حسابه ولابه تحاسيف

وطــــباخ له خــبرة قديــــم كســــــبها ,, ماحاقه الهندي ولاسالم الشيف

هــذي منـــاتي لابطــايف ولا أبهـــــــا ,, وأيضا ولالندن وباريس وجنيف

هذا عـــــلاج النفس ســــاعة عطـبها ,, مابي المدينة بين عادم وتكييف

وصـــلاة ربي عــد ســــيل بشـــــعبها ,, وعداد مانبت الحيا وأزهر الريف

على النبي الهاشـــمي من عـــــربها ,, اللي صدع من دون كذب وتزييف



هذه الصوره هديه لكم



وهذه الصور عشان تشتاقون للمكشات



خلونا من الصور وتعالو للمفيد خلونا نعقد طبعا بقيادة العالم قوقل
على رحله خميس وجمعه خصوصا هذه الايام بمرقيبه

طبعا الرحله على حسابي

نجي توزيع المهام

مجموعه منكم حسب اختياركم يقومون بتكلفة المخيم

المجموعه الثانيه عليهم المصاريف

الموجموعه الثالثه عليهم الذبايح وعدة العزبه

ونا مهمتي طبعا الاصعب بينكم وهي اني سوفا اختار الموقع لكم الى تخيمون فيه

قولو تم يعيال العم

ارجو ان نوفق في هذه الرحله على بركة الله انطلقو

بس شوفو هناك شرط اي واحد يبي يشارك لازم يجيب صوره عن الربيع او عن المطر ويوصف الرحله معنا كيفها وعسى ماقصرنا بشي والسموحه ان حصل قصور

[حافي حائل]

صح لسانك قوقل

[Google]

حافي حايل

قايل ابي وصف شامل عن الرحله معنا

مدعوم بصور

مشكور على المرور

[سوالف]

صح للسانك


وشوقتنااا يا ولد للبر وللمكشات


بيض الله وجهك يا قوقل

[المايسترو]

والله يا هالصور تهيض اللي ماينتهيض

بس والله ماحولك لا إم رقيبه ولاهم يحزنون

ماحنا بحولكم

لكن إن شاء الله لنا لقاء

[عبدالرحمن الحمد]

صح لسانك يا جوجيل
بالجو هذا ياما حلى طلعت البر
اشكرك على الموضوع الرائع
تقبل مني خالص الشكر والتقدير
مع التحيه

[Google]

ياربع الله يعافيكم

جميعا على المرور والمشاره

الرحله كلها في المنتدي يعني الى يمر لازم يجيب صوره للبر ويجيب انطباعه عن الرحله

ونشكر جميع من شارك معنا

تحياتي لكم جميعا

[Google]

ياربع الله يعافيكم

جميعا على المرور والمشاره

الرحله كلها في المنتدي يعني الى يمر لازم يجيب صوره للبر ويجيب انطباعه عن الرحله

ونشكر جميع من شارك معنا

تحياتي لكم جميعا