سيد الالغاز حله ياذكي

[النايفه]

السلام عليكم

اليوم جايبه لكم هاللغز ودي انكم تحلونه تراه ماهوصعب بس به صعوبه

عدة حريم وكلهن فوق أباهن = وأباهن مخاوين عجوزن خطيره
يضيفهن منهو بحاجة قراهن = وقراهن ببطن العجيز تديره
في جوعها ماينفعن من قناهن = واليا اشبعت صارة عليهن اميره

بس امانه ابي حل منكم مابي تحطون بقوقل اول بيت ويطلع لكم الحل وتجيبونه لي

تراني قلت امانه ابي من فكركم انتم

[ناصر بن سعود]

هلا بالنايفة

وانتي الله يهديك يالنايفة مثل اللي يقول تحصلون حله بقوقل

ذكرتيني بهذا اللغز

اسود ظهر ابيض بطن تراه القدر افهم ياهيس

ههههههههههه

كل الود

[النايفه]

الله يغربل عدوك تدري عاد ياناصر ان حله حول القدر

وبعدين قلت كذا خابره نفسي يوم أسحبه من العم قوقل قلت اكيد

يروحون له و يلقونه عاد هو مشاء الله كريم مايقول لا

حنا عندنا لغز يشبه لغزكم بس نقول

اسود جسمه خلف اسمه ياهبيل القلب ويش اسمه

عاد يبدى هبيل القلب يستعرض اهباله

يقول اسمه محمد ولا علي ولا عبدالله

وهي ماتبي كلام اسمه خلف

[النوبل]

ناصر
النايفه

الله يرجكم ماخليتوني اكمل

حي البنات وحي من جا فوقهن ...وياحي شوف النايفه وهيه تديره

[النايفه]

النوبل هالبيت وشكنه حل ولا استهبال

[النوبل]

المشاركة الأصلية كتبت بواسطة النايفه

النوبل هالبيت وشكنه حل ولا استهبال

وش دعوا

محشومه

تبين الصراحه .. لقطته من قوقل وكنت بأصيغه بحيث مايفهمه الا صاحب اللغز

الله يرجكم على هالصبح
مالي قصد فيه الا الحل
البنات عيون القز والي فوقهن القدر

[فيصل التوم]

سلمتوا يالغالين والله ودنا بالمشاركة لكن مادام الربع حلوه
عاد ما قصروا

[النايفه]

النوبل حلك غلط لانك خالفت الشرط قلت أمانه محد يبحث وبحثت ولانه ليس من عرفك اعتبره غلط

الحل هو


البنات عيون الفرن

ابوهن الفرن

العجوز اسطوانة الغاز

[النايفه]

المشاركة الأصلية كتبت بواسطة فيصل التوم

سلمتوا يالغالين والله ودنا بالمشاركة لكن مادام الربع حلوه
عاد ما قصروا

فيصل التوم يشرفني جدا جدا مرورك ومرور امثالك حتى لو ما حليتوه