قصيدة للشاعر/حبيّب العازمي في مدح شيخ الحفاه

[البرق الخاطف]

قصيده للشاعر العلم / حبيّب العازمي في مدح شيخ شمل قبيلة الحفاه التووم بعد جهده
بالوجه والجاه في عتق رقبة ثلاثة اشخاص ابتليوا بقضيّة قتل ..

سلام الله على زبـن الدخيـل مـورد الهيـاب = عقيـد القـوم قايدهـا ليـا رفـت بيارقـهـا
ليـا شبـت شبايبهـا ودقـت طبلـة الحـراب = حضوره يفرح الصدقـان والعـدوان يشرقهـا
هـذا التـوم مـع الأصـحـاب والأجـنـاب = طلع صيته مثل شمس الضحى من يم مشرقهـا
على وضح النقا بادي ٍ بصيته عالـي المرقـاب = وثيقـة مجـد فالماضـي وفالحاضـر موثقهـا
ليا جات اللزوم الحاضيه حضر فيهـا ماغـاب = ومـن طيبـه ولـو تكثـر مطاليبـه يحققهـا
صليب الراي حلال المشاكل معتـق الأرقـاب = ثلاث أرقاب مرهونه لحـد السيـف وأعتقهـا
بذل ماله وجاهه لين حررهـا مـن الأجنـاب = ونـال الطيبـه والطيـبـه قـدمـه مسبقـهـا
هذا الحصن الحصين لمن جالـه ذرا وحجـاب = بإرادة مـن يفرجهـا علـى العبـد ويضيقهـا
ليا منه بذل جاهـه بجاهـه يـدرك الأسبـاب = ولا ياكـم نــاس ٍ ورا البيـبـان وأطلقـهـا
أحد مبلـي بـلاه الله بدعـوىً مالهـا مجنـاب = تحملهـا وقـام أبهـا وهـو ماهـو بطايقـهـا
وتخلـوا عنـه ربعـه وصـك دونـه بــاب = ودونـه واحـدٍ مـن دونـه البيبـان مغلقهـا
وهو ماله جـدا ألا عضـة الإبـهـام بالأنـيـاب= وقع في مشكلـه والمشكلـه طالـت طرايقهـا
ولولا فزعة اللي فزعتـه يحسبلهـا بحسـاب = خطير أنـه يقضـي العمـر فيهـا مايفارقهـا
لكن الله فرجلـه يـوم جـاه مفكـك الأنشـاب =بعد جـاه الخصيـم اللـي للأخصـام يرهقهـا
وخاصم دونه الأخصام وساند دونهـم بعتـاب = وجابه مـن ورا البيبـان والأخصـام خلقهـا
وأحد مطلوب دين ولا معه مايوفـي الطـلاب = تمادى لان روحه فـي حـلال النـاس وهقهـا
وأحد من قلت الدنيـا وقـل المراجـل شـاب = مغيـر أتصافقـه دنيـاه بالفقـر ويصافقـهـا
وجا الأول مع الثاني لراع الجـود والترحـاب = كريم ٍ فالكـرم لـو يجمـع الأمـوال ينفقهـا
وعطاهم من حلاله عقب ضيفهم ثلاث وجـاب = وكـل ٍ راح ويديـه مـن الخيـرات مغرقهـا
هذا موجز ملخص عن فعول معرب الأنسـاب = فعول ٍ يدري الأدنى والأقصـى عـن حقايقهـا
حقايق والحقايق مثـل نـور ٍ فالدجـا جـذاب = يدل اللـي تضيـع فالـدروب وفـي مفارقهـا
أقوله والعرب تدري عن الصادق من الكـذاب= ونـاس ٍ تدعـي بالـزور ربــي مايوفقـهـا
ضعيفين النفوس اللي يبيعـون الزمـن بتـراب = على شـان اللحايـس فالبلـد شبـوا حرايقهـا
يثيرون الفتـن ويلاحقـون النـار بالمشهـاب =وهـم مامنهـم اللـي كلمتـه بالحـق ينطقهـا
ولا منهم ولا واحد حضر فالماقـف الغصـاب = علايـق والعـرب ماهـم فيهـا ألا علايقـهـا
لكن الروس دايم روس ماتقرن مـع الأذنـاب= وروس العرب تعرف ولـوا ماتقـرا بطايقهـا
ولا ياكم رمي ٍ علـى غيـر السنـع ماصـاب = عوافـي يارمـاةٍ لـو رمـت هطـفٍ بنادقهـا
لكن بعض الدعاوي مالهـا قـاري ولا كتـاب = خطيه والخطيـه تعشـق المخطـي ويعشقهـا
ومن جاب الخطيه على راسه جالها مضـراب = قبل ياصفها على غيـره علـى نفسـه يطبقهـا
سوى أنه من حدا الأقصين ولا من حدا الأقراب = علوم مسيلمه الكذاب مـا أفلـح مـن يصدقهـا

وسلامتكم
منقول

[حافي حائل]

صح لسان الشاعر وسلمت يمينك على النقل يابعد حيي


ورحم الله أميرنا

[البرق الخاطف]

حافي حائل مشكور على مرورك

[المايسترو]

صح لسان حبيّب .. والله يرحم التوم

لاهنت على القصيده

[البرق الخاطف]

المايسترو يعطيك العافيه على المرور

[الجرح الثقيل]

السلام عليكم ورحمة الله وبركاته

صح الله لسانك يالشاعر ________ مشكور على الموضوع يالبرق الخاطف ...الله يرحم الشيخ التوم ووالدي وجميع موتى المسلمين........اللهم صل على محمد وعلى آله وصحبه أجمعين

[نايف بن مزيد]

الله يرحم امواتنا واموات المسلمين
وبيض الله وجهك على النقل
الرائع
............تحياتي........

[Google]

سلمت يمينك على النقل الرائع

وصح السان الشاعر حبيب العازمي

ورحم الله الشيخ التوم

[بن حاافي]

يعطيك العافيه على النقل

ورحم الله الشيخ التوم

[بن كليفيخ الوافي]

مشكور علي النقل
وصح لسان الشاعر حبيب العازمي