شارين من لوعة الوقت تعميره

[بدر الحافي]

راكب الي ناقلن شاصه سبيره=من توالي شنطته كانها القارة
فوقها نار صلبين قدح كيره =يقطع الي عروها كانه سوارة
مانزل قبله ولا بعده وغيره=حاجزه هادي قبل وقت مصداره
من دبي مواعدينه بتصديره=ينتظر من قايد الحملة اخباره
ابيضن تتعب لشوفه مداويره=علموا من صر قرشه وديناره

يتوسد كل ليلة دنانيره=ويحسب مصروفها نعنبو داره

وكل يوم يشد عند الورش سيره=والاديتر ما بقا فيه مطارة

ما طرب للي جدادن مواطيره=من الوكالة مامشا الجيب باغباره
ابدع الي صممه من تفاكيره=لو تونى حوّل الجيب طيارة
اكفنا شره ويارب في خيره=وحفظه من عين حاسد وسبارة
منوة الي ماتغلق مشاويره=مثل ابومحمد ليا طال مشواره
ما حلا فوقه لياضاقت الديرة=بالغريب الي تنحى عن ادياره
والهجوس يسوق يمه طوابيره=غارةن فالصدر مع دربها غارة
من الغضب صدره تضايق ب ازاريره=لوهدوا كل العرب ماهدت ناره
شاربن من لوعة الوقت تعميره=وقابلن من ضيف الايام معذاره
ودي اضرب فوقه الدرب واسيره=في سنود الارض والا بمحداره
نتعب الاقدام لو مالنا خيره=لا عسوس ولا طراقي ودوارة
بس ندفع في مشاورينا الحيرة=وضيقة فالصدر للروح جزارة
السفر لمعذب النفس تصبيرة =والهموم لسوق الاقدام جبارة
ما حلا عن ضجة الناس تدويره=والصدود عن العرب حطه شعاره
سبح المولى وكبر بتكبيرة=ولا كشف لقريّب السد باسراره
ويش ابا في لحيةن جالها سيرة=وويش ابا في شارب قل مقداره
كان بعض علوم اصحايبنا عيرة=مانخاوي من هل الحكي عيارة
الرفيق الي كشفنا تصاويره=استوت يمناه ياقوم وايساره
وان ضحك ماغير من قل توقيره=تارة معهم ومع صاحبه تاره
نطعمه من سم الاذواق تبهيرة=لين يمشي السم في الدم بابهاره
يعتبر ماجاه من زود تقصيره= وان تماد فالخطا نفتق استاره
والله ليقفي بضربه وتسطيره =مع طريق ابليس ومولن ادباره
هب يا مخبل زريق وتدابيره=في قزاز ويرجم الناس بحجارة
يحسب ان انه يوم شفّر بتشيفره=ما نعرف كتابة اللاش واسطاره
فاهمينه لو نقرها على زيره=ياعبارة جات في البال بعبارة
الرفاقة حبلها عيب تقصيره=والحيا شعبة من الدين ياجارة

اخوكم بدر الحافي

[نايف مطلق بن مصيبيح]

صح السانك ملايين

ابو دباس

الله يبيض وجهك

[نايف بن مزيد]

ابو دبــاس ..

صح لســانكــ يــالحصــااان.........

[ابن الحفاه]

صح لسـانكـ

[النايفه]

تقبل مروري أخ بدر


النايفه

[بعيد المدى]

ابو دباس صح لسانك مليون ولا يكفون يا الحصان
ولك جزيـــــــــــــــــــــــــــــل التحايا

[ناصر بن سعود]

ياسلام ياسلام ياسلام

ابداع يابو دباس

ولاهو غريب عليك

صح لسانك مليون ولايكفون

كل الود والاحترام لك

[ابن وافي]

صح لسانك يا بدر ...

قصيدة جزله من شاعر ولا يحتاج شهاده

جبتها ع الجرح ...




ابن وافي

[فيصل التوم]

كل ما تقدمه إبداع
صحـ لسانكـ لا عدمناكـ

[ابن مجلبه]

يحسب انه يوم شفر بتشفيره = ما نعرف كتابة اللاش و اسطاره




صح لسانكـ ملاييييييين

يا سنايدي