_____سيد الاسيادي

[بدر الحافي]

حق ياهجس القصيد الي خطفت فوادي=قبل ما يسجد شعوري لك سجدت عبادة
من غدوّك في رواحك همت بي في وادي=والخطا بك في خطا رجلي وحسب العادة
ثار بركان الكلام بدلتي وقنادي=وانتثر هيلي وطارت دلته وقناده
والتفت ابي القدوع وشابن برادي=وخمني مثل الخيال الي ضميري قاده
طرقي امشي ب اجملي ماشلت غير شدادي=والجمل لولا الخطام افتر بي عداده
نوب اقوده بالرسن لكن ماينقادي=اسرع من البارق الي سامرن رعاده
المهم الوضع طبعا ف البداية عادي=لين طاح الرمش والرمش اكرم من السادة
ياخطاي ويا خطاه اتعبتني ف ارقادي =واستحل السهر عينه واستباح ارقاده
ما اختلفنا وش يصير ومن يكون البادي=اختلفنا في عيونن نارها وقادة
ابك يالطرف المجمل فيك كلي غادي=الزعل عند الخليل لمن يود حداده
اصبر اصبر دون حزنك يالخليل افادي=والكفوف لدمع عينك كأنها سجادة
اقبل اقبل والله انك سيّد الاسيادي=لا يهمك زار هرش ن مايطيح قراده
دوك من عمري وانا لمصالحك نشّادي=اشتريك بدم جسم ن ما استراح فواده
كيف وانت ازكى وارق من النسيم الهادي=كيف وانت الطهرساسه وانت راس عماده
يخجل الكنبود والجاوي ومسك الكادي=والذهب والماس والفضة وفيك زياده
من يلوم الروح فيك الا خطاة ربادي=اشهد انك تاج راس ن ما كسوه اسياده
فيك عجلات المشاعر شرفن ورّادي=عرضهن ما يلحقه شامت ولا نقاده
كلها لا اجلك رواية خافقي واسنادي=اعتقد عشرين بيت ومنك تبغا ايشادة
انتقيت ركاب حرفي واسرفن فالمادي=وان لحقهن جاهلن فيهن ثنيت قياده
وصّلني في ربع ساعة وجبت مرادي=والعفو بس الجمل نوّخ واخذت شداده
بس لحظه كود بالله ما احترق برادي =العوض في كيف راسي دلته وقناده

اخوكم بدر الحافي

[ناصر بن سعود]

حجز ملكي رقم (1)

ياسلام ياسلام

مبدع كعادتك اخي بدر

صح لسانك مليون ولايكفون

قصيدة جزلة من شاعر جزل

لاهنت

كل الود والاحترام لك

[بدر الحافي]

المشاركة الأصلية كتبت بواسطة ناصر بن سعود

حجز ملكي رقم (1)

ياسلام ياسلام

مبدع كعادتك اخي بدر

صح لسانك مليون ولايكفون

قصيدة جزلة من شاعر جزل

لاهنت

كل الود والاحترام لك

ابو سعود صح بدنك مليون مرة
الله يعافيك ويحفظك
ويديمك يابعد راسي

[نايف مطلق بن مصيبيح]

عشت يالحصان

اوفيت الله يجمل حالك

ويبيض وجهك

على ماقلت

صح السانك

احترامي

يالامير

[صقرنجد]

الأخ /بدر الحافي


صح لسانك وشكراً

وتقبل تحياتي

[ابن مشيب]

صح لسانك والله يعطيك


العافيه على هالقصيده الجزله

[الوليد الحافي]

فيـك عجـلات المشاعـر شرفـن ورّادي

عرضهن مـا يلحقـه شامـت ولا نقـاده

كلها لا اجلك روايـة خافقـي واسنـادي

اعتقد عشرين بيت ومنـك تبغـا ايشـادة

شي اكيد

ماتبغا ايشاده

صح لسانك

ياذيب

[فيصل التوم]

صح لسانك يالذيب ابدعت وما قصرت
تدوم بخير إن شاء الله

[النايفه]

كيف وانت ازكى وارق من النسيم الهادي =كيف وانت الطهرساسه وانت راس عماده

الله اكبر

صح لسانك يالشاعر بدر الحافي

وبيض الله وجهك قصيده تحمل الجزالة للشموخ

[شباب الحافي]

صح لسانك مليون

وبيض الله وجهك

على القصيدة الجزله