فيصل خلف بن هذال الحافي قصائد صوتية + كتابية + فيديو

[ناصر بن سعود]

السلام عليكم ورحمة الله وبركاته

أسعد الله جميع أوقاتكم بكل خير

يسعدني ان اطرح بين ايديكم قصائد متنوعة للشاعر الكبير / فيصل بن خلف الحافي


بداية مع القصائد الكتابية

ياهاجر القلب

يا هاجر القلب من هجرك دنا موتي=حفرت بيديك يانور الملا قبري
قلبي تحمل جفاك بكل مااوتي=والارض ضاقت وصارت شبر في شبري
اخفي جروح الفراق وطول اسكوتي=واجبرت روحي على درب الشقاء جبري
يالول عمري يامرجاني ويا قوتي=يااطيب قلوب البشر كانك على خبري
العمر يمضي سدى وايامي تفوتي=ليتك تحن وتروف بحالي المبري
تعال سرك بوسط الجوف مكبوتي=الهجر طول وطول الصبر ما يبري
مليت انادي ومل الكون من صوتي=ومليت اجامل ومل الصبر من صبري
حبك تغذى على شربي ومن قوتي=واسمك نقشته حروف ودمي الحبري

........................

غريب امر بعض الشاعرات وجرأتهم على شعار لهم وزنهم ان كان ماهو بشعرهم
فبقبائلهم وسمعتهم بين الناس-هذي قصيده ملغومه وفيها خبث
وكيف لا وهي من انثى-ان كيدهن عظيم وهي
شاعره من الشاعرات المتواجدات الان في الساحه الشعبيه اسمها ساره ارسلت للشاعر فيصل بن خلف بن هذال الحافي هذه القصيدة

ابد بذكر الله معظم الدين تعظيم = الهي اللي له في قلبي مخافه
فيصل ولو ما احتاج للشعر تعليم = لكن زل بكلمه واحسافـــــــــــه
ودي افهم فيصل العلم تفهيـــــم = بنت تشرف شعرها في عفافه
في الصيف قلي وين حضرتك تقيم = مثلك بساجر يا بدوي مصيافه
ما تعرف ديار كساها الغيــــــــــم = ومركبك وسط النيل ماحد شافه
ترجي وراء ما قلت بالشعر تنجيم = (هلا)و(هيلا)كلمه شفافـــــــه
فمك يبي يابن خلف ترميـــــــــم= انته ومثلك للتطورات افــــــــــــه
لو يسالونك ما تعرف ال (name)= نصيحتي لا تبلشون الصحافــــه
انته على بير الفقر مقيــــــــم =(plase) (مسيو) خل عنك اللقافه

فرد عليها شاعرنا فيصل بن خلف هذه الأبيات الجزلة

قلتي وقولك فيه يابنت توهيم =وبعض البيوت اثبوت فيها طرافه
حنا لنا في صفحة المجد تبصيم =ولنا مع الجوزاء غرام وولافه
على البداوه والشقاوه مفاطيم = فينا من البيئه قساوة صلافه
نرعى الحقوق ونكره الظلم والضيم = ونصبر على جور الزمن واختلافه
متثقفين وفي وطنا محاشيم = حنا جذور العز واصل الثقافه
والفقر ما عاب الرجال الشغاميم = اهل الشجاعه والكرم والضيافه
من وقت ابونا ادم وبعده براهيم =ووقت الرسول ووقت عهد الخلافه
واهل المرودن والصيوف الصواريم = رمز الرجوله والشرف والحصافه
عاشوا ولا معهم من المال مليم = والكل منهم سقف بيته لحافه
صبيان دين الله وفوا باالملازيم =وقادوا جيوش المسلمين بحرافه
تكبيرهم مثل الرعود المرازيم = والحر يقدم ما تطلع خلافه
قوم تصدى للجيوش المناضيم = وان حدها الموت الحمر ما تعافه
تحملوا ضيم السنين اللواهيم =وقت مثل حد السيوف الرهافه
ومصيافنا في نجد عند المجاهيم = ابرك من النيل العريق وضفافه
ولندن وكانو والديار المواثيم = ياللي سفركم للسياحه سخافه
متبرجين ومخلفين المفاهيم =وحياتكم فيه غرور وكلافه
مانعرف برستيجكم ياالمهازيم = يااهل االتخلف والردى والضعافه
نعرف كتاب فيه( طه) (وحم ) = ونخشى غضب رب العباد ونخافه
امحرمين الجخ والبذخ تحريم = نحيا عزاز ولا حياة الكسافه
وان كان رحنا فالشهور المقاديم =رحنا لبيت عظم الله مطافه
وطفنا ولبينا وجينا بتكريم = من عند رب فيه رحمه ورافه

.................................

قصيدة في قمة الروعة بعنوان ( بدوية )

حبيبتي تتبع تقاليد الاسلام=تحفظ كتاب الله وسنه نبيه
ما بدلت لبسة هل الدين بلثام =ولا طالعت صوب الدروب الرديه
ولا قلدت لهجة هل الغرب والشام =تفخر بلهجة شعب نجد العذيــــــه
ماتعرف الـ(ok) والـ(dad) والـ(mam) =تبقى رغم غزو الشعوب ابدويــه
تكره عباة الكتف وجنوز الافلام =عاشت حشيمه فــ الحياه ونقيه
ستر وعفاف وميز وادراك والمام=حبيبتي نسل الرجال الوفيـــــــــه
نسل الشيوخ محطمه رجس الاصنام=ناس تخاف حساب رب البريـــه
وان جا نهار فيه سطوات وزحــــام =تقدم على حوض الدرك والمنيـــــه
شجعان فـــ اللقوات وعزاز وكرام =ونفوسهم من فضل ربي غنيـــــــه

...........................

ليه الدموع

ليه الدموع وليه كثر الونيني=ليه الغظب ليه العتب والمشاريه
ليه الكلام الي يبيح كنيني=شين يزيد ألام الأيام مابيه
تكفين كفي دمعتك وارحميني=قلبي من اسبابك يكفيه مافيه
يكفيني الى بثه البعد فيني=بين الرجا والياس وقتي مقضيه
قلبي حزين ودمعتي تكتسيني=وش عاد باقي في يديني واسويه
خليت لجلك كل قاسي يليني=وصادمت روسن لجلك الموت تشريه
وان عاش راسي واسعفتني سنيني=لروي ظمأ قلبي بقربك واهنيه
لو يزرعون الغام بينك وبيني=نذرن عليه لمشي الدرب واطويه
واشيل روحي فوق راحة يميني=وابيع عمري لجل شوفتك واشريه
واجيك لو دونك سياجن متيني=دامك رجا قلبن بعطفك غمرتيه
حبك زرعته وسط قلبي وعيني=واسقيته بدمعي ودمي يغذيه

....................

قلبي على الفرقاء عصاني

أنا قلبي على الفرقاء عصاني=يحبك ما يحب انسان ثاني
تولع فيك في يوم وليله=وربي يا حبييبه بك بلاني
احبك لو يرمى بصحراء=غدت بنيان وبحور ومواني
احبك حب لو يرمى بغابه=نزل بوحوشها عطف وحناني
احبك حب ما يخطر في بالك=ويعجز عن تواصيفه لساني
احبك حب طول العمر كله=فداك العمر دام العمر فاني
حبيبي بعد عرفك مات همي=وعاش القلب بافرح وتهاني
انا لك وانت لي والله يشهد=اموت ولاعشقت انسان ثاني

القصائد الصوتية والفيديو

هذه قصيدة بعنوان ( ليه الدموع ) للشاعر فيصل بن خلف الحافي وقام بآدائها على الربابة الشاعر ناصر السيحاني




نور عيني




اسرف بصده




وضح النقاء




وين ألقاك




الصبر طال



رمز الحب




خلو عيوني تهل الدمع لرضاها




صويب المحبة




سر فرقاي




غابت




على شيخة




وشلون أخون العيون اللي تراعيني



الحجاز




قصيدة بعنوان ( سمران ) القاها في ملتقى قبيلة الهيلا بمخيم قبيلة الحفاة



على شيخة



وفي الختام تقبلوا منا أصدق الود والأحترام

بحث وتقديم

شبكة منتديات الحفاة

[نايف مطلق بن مصيبيح]

ونعم بالشاعر

فيصل بن خلف

وصح السانه

شاعر غني عن التعريف

بيض الله وجهك

اخوي

ناصر

على ماقدمته

لنا من شاعرنا القدير


تقبل تحياتي

[ناصر بن سعود]

ووجهك أبيض ابوراكان

أسعدني حضورك المميز

لاهنت

[بعيد المدى]

ابو سعود الله يعطيك العافية
وبيض الله وجهك على ها الطرح الشيق
وكل الود والتقدير لك

[فيصل التوم]

الله الله الله
على هذا التميز سلمت يالذيب على هالترتيب الجميل
ما قصرت بيض الله وجهك يبو سعود
وصح لسان الشاعر الكبير / فيصل خلف
دمت بود

[لافي]

الله يعطيك الصحه والعافيه
أخوي ناصر
فيصل بن خلف ، شاعر غني عن التعرف ويكفي بأنه أبن شاعر الوطن والخليج العربي خلف بن هذال الحافي ، الشبل من ذاك الأسد، أبونائف شاعر متمكن أتمنى له التوفيق ،

ملاحظه :

أخوي ناصر سبق وان طلبت منكم في موضوع سابق ،أخذ لقاء مع فيصل بن خلف مثل بقيه شعراء الحفاه ،

[فهد مزيد الحافي]

سلمت ابو سعود

والشاعر فيصل خلف

شاعر جزل ومبدع

وله قاعدة جماهيرية ومحبين كثر

نتمنا له التوفيق

[ناصر بن سعود]

بعيد المدى

لاشكر على واجب

أسعدني تواجدك العطر

لاهنت

كل الود

[ناصر بن سعود]

فيصل التوم

الله يعافيك

والتميز مصدره انت ياكحيلان

كل الود

[ابن مشيب]

صح لسان الشاعر فيصل ابن خلف


والله يعطيك العافيه ابو سعود وتسلم يمناك