شموخ شمر

[النايفه]

السلام عليكم ورحمة الله وبركاته

حابه اذكر سبب القصيده قبل أبدا بها سببها ان احد النساء سألتني من اي القبايل قلت شمريه قالت شمر تنقسم قسمين شمر

أصيله وشمر غير أصيله فقلت اتقي الله في سؤالك وشمر قبيله وحده عريقه اصيله فهاضت قريحتي بهذ القصيده

ان شاء الله تنال اعجابكم ---

بسم الله الرحمن الرحيم

ياعديم الراي يالورع المعنا = لاتجي من خلف وتذبحلك شجاع
كلمتك مردودة (ن) مابه مثنا = لاتجيب الشاة في وادي السباع
ماشين من كيف ولا تمتحنا = والله أنك مخطي (ن) والعقل ضاع
شمر(ن) هي شمراً وشقيل عنا = وأردين الموت يوم العلم شاع
ماجهلنا غير معتوهن تجنا = دافنن حظه على عمره بقاع
مايشوف الرمح والسيف المحنا = من خضاب الدم مايبرد بساع
لعنبو حظ العدو يابنت حنا = عازمين الذيب يوم الذيب جاع
لعنبوحظ العدو يابنت حنا = حاكمين بنجد في كل البقاع
لعنبو حظ العدو يابنت حنا = كم أبو شيخ (ن) لنا رخى وطاع
من نوانا في منامه ما تهنا = تصور الاحلام شمر له وفاع
من جهلنا تايهن عرف (ن ) وضنا = ما قراء التاريخ من أول وراع
الجنازه كيف للاموات غنا = بايع (ن) عمره وطعونه وساع
وأبو خوذه كل بنتاً له تمنا = مايقوس الكيس في كيلو وصاع
شمر(ن) هي شمرأً اخوات بنا = القصير اللي غدو لاخته ذراع
الطنايا شيوخهم يابنت حنا = والله أن الشمس يكفيها الشعاع
ألاصاله والكرم والعز منا = والمروه والشرف مثل الشراع
والقبايل حقها ماعنه أكنا = انعم اكرم كل رجلاً فيه داع
وكل أصيلاً دون اصله ماتونا = وأن تونا بايقن للاصل باع

شعر النايفه

[نايف مطلق بن مصيبيح]

والله ونعم بشمر

قبيله عريقه معروفه في الجزيره العربيه

لها بطولاتها وامجادها

قصيده جزله

صح الله لسانك

[بعيد المدى]

لعنبو حظ العدو يابنت

	حنا عازمين الذيب يوم الذيب جاع النايفة صح لسانك ونعم بكم يا الطنايا وبكرمكم قصيدة شامخة كل الود لك والله يعطيك العافية

[بدر الحافي]

ونعم ونعم
صح لسانك النايفة
وقصيدة نايفة

[الذيب (سرحان)]

صح لسانك اختي النافيه

[سهم عتيبه]

الله الله الله عليك يابنت شمر ونعم والف نعم بشمر فديتهم ...صح لسانك يالنايفه ونتمى طرح المزيد من قصايدك الرائعة
من المتابعين لك
بكيت لأني وفيت

[ناصر بن سعود]

صح لسانك يالنايفة

والنعم بكل من قال انا شمري

قصيدة جزلة

بانتظار القادم

مع كل الود والاحترام لكي

[النايفه]

المشاركة الأصلية كتبت بواسطة ابوراكان

والله ونعم بشمر

قبيله عريقه معروفه في الجزيره العربيه

لها بطولاتها وامجادها

قصيده جزله

صح الله لسانك

هلا والله يابو راكان ونعم بحالك

صح بدنك

مرورك مزخرف بالورد معطر بالعود

تقبل احترامي لك

[النايفه]

المشاركة الأصلية كتبت بواسطة بعيد المدى

لعنبو حظ العدو يابنت

هلا بعيد المدى

صح بدنك

مرورك سبايك ذهب يعطيك العافيه

لك التقدير مني

[النوبل]

والله والف نعم بشمر طنايا وسناعيس

صح لسانك يالنايفه