(اللي يعذل النفس واذاها )

[حامد الروقي]

عامين في نجـدلاروحـه ولاجيـه=مبطي ثميـن التذاكـر ماقطعناهـا

يم الديار اللـي تسـر الهواويـه =وتعالج اجروح روحن غايب ادواها

احرقني الصيف مافالصيف ماويه=تزايد الحـر ليـن النفـس قزاهـا

والمشكله كان لحق الصيف شتويـه=وانا ضروفي حدتني عن ملاقاهـا

والصبر مفقود يالله تغفر السيـــه=مغير اكتب بيوت الشعر واقراهـا

احيان مسحوب واحيانا هجينيه= واحيان على بحورن يطرب غناها

بصبوحة الشعر ولا قيل بمسيه = تطرب لها الناس وتبيح خفاياها

لولا القوافي تخفف بعـض مافيـه=حررت دمع المحاجر بعـد فرقاهـا

الجادل اللي عليها الحـال مبريـه=يردني عن حياض الموت ذكراهـا

افراقها زادنـي كيـه على كيـه=وعلاج نفسي مشاهدهـا ولاماهـا

والرجل لاسجتها ماهـي بمنهيـه=لديارن تضمهـا وتعيـش بحماهـا

وقلبي عليها يتلـه صـادق النيـه=ويتلـه الـود يـم اللـي تمناهـا

والروح في حبهـا لوقلت مبليــه= ياحلو طعـم الغرام وزيـن بلواهـا

والكبد كنك مقطعها بشبريه = والحال لاح العنا والوجد يلحاها

استغفر الله لامـن قلت حوريــه= سبحان ربـي بحسنه يـوم غطاهـا

اخلاقها الأصل ماهي بالصناعيه = خفيفة الـدم يامحـلا سجـايـاهـا

الخد برق لمع في عرض وسميه = على فياض عذية نثرة ماها

والعنق عنق الدمي في وسط محمية = سلطان عبد العزيز اللي تبناها

والعين عين اشقر في كف راعيه = مدربه للحبارا حين يلقاها

ابا اتعب الرجل يم ديار ( .....) = لين الشرايين تروى عقب مضماها

الحب عذري وهي بالحب عذريه= ياليت كل النسـاء سـون سواياهـا

حتى يجي للغلا بالنـاس ماريـه =واسلم من اللي يعذل النفـس واذاهـا

وسلامتكم

[حافي حائل]

صح لسانك حامد الروقي

[عبدالرحمن المتعب]

تسلم ياحامد وصح لسانك

[سجا]

صح لسانك يا الشاعر مبدع

[نايف مطلق بن مصيبيح]

صح السانك

اخوي حامد

ابدع وتميز

لـولا القوافـي تخفـف بعـض مافـيـه

والله يصبرك

تقبل مروري وتحياتي

[الباشا الهلالي]

صح لسانكـ
وماقصرت

[ناصر الحافي]

المشاركة الأصلية كتبت بواسطة حامد الروقي

عامين في نجـدلاروحـه ولاجيـه=مبطي ثميـن التذاكـر ماقطعناهـا
يم الديار اللـي تسـر الهواويـه =وتعالج اجروح روحن غايب ادواها
احرقني الصيف بديـارنٍ خلاويـه=تزايد الحـر ليـن النفـس قزاهـا
والمشكله كان لحق الصيف شتويـه=وانا ضروفي حدتني عن ملاقاهـا
والصبر مفقود يالله تغفر السيـــه=مغير اكتب بيوت الشعر واقراهـا
لولا القوافي تخفف بعـض مافيـه=حررت دمع المحاجر بعـد فرقاهـا
الجادل اللي عليها الحـال مبريـه=يردني عن حياض الموت ذكراهـا
وافراقها زادنـي كيـه على كيـه=وعلاج نفسي مشاهدهـا ولاماهـا
والرجل لاسجتها ماهـي بمنهيـه=لديارن تضمهـا وتعيـش بحماهـا
وقلبي عليها يتلـه صـادق النيـه=ويتلـه الـود يـم اللـي تمناهـا
والروح في حبهـا لوقلت مبليــه= ياحلو طعـم الغرام وزيـن بلواهـا
استغفر الله لامـن قلت حوريــه= سبحان ربـي بحسنه يـوم غطاهـا
اخلاقها الأصل ماهي بالتجاريـه = خفيفة الـدم يامحـلا سجـايـاهـا
والحب عذري وهي بالحب عذريه= ياليت كل النسـاء سـون سواياهـا
حتى يجي للغلا بالنـاس ماريـه =واسلم من اللي يعذل النفـس واذاهـا

صح لسانك واعتلى شانك جزل مايجيب الا جزل


لاتحرمنا جديدك

[حامد الروقي]

الله لايهينكم

ويعطيكم العافيه والله كني اسمع التصفيق الحار الله يطول عماركم وقدرني .

على تقديم المفيد والمتميز . وماانا الا تلميذ بينكم منكم استفيد ومن ارائكم ومشورتكم .




تحياتي

[عبدالرحمن الحمد]

الله عليك يا حامد
صح الله لسانك يا الذيبوبيض الله وجهك
قصيده راائعه بالفعل
ننتظر جديدك

[طالب الحور]

صح لسانكـ حامد الروقي