الا ياقلب شين فراق خلانك وخلاني

[ابن سمار الحافي]

السلام عليكم ورحمة الله وبركاته
قصيده لشاعر / خلف بن هذال الحافي



الا ياقلب شين فراق خلانك وخــــــــــــــــــلاني
كوونا ونكبونا نكبة(ن) ما بعدها نكبــــــــــــات

والا وحن قلب حن فرت(ن) حن بالثــــــــــــاني
ضرب عرق النفود وفارق التمرين والراحـــــــات

والا وحت قلبي حت حب(ن) حته الجــــــــــاني
بعد حت الورق يبست سنابيله وعرقه مـــــــات

والا والجتي لجت اضلوع الذيب سرحــــــــــاني
والا ياتل قلبي تلتين وتلتين افــــــــــــــــــــوات

على خل خليل خلني واقفا وخــــــــــــــــــــلاني
ثلاث سنين في صحراء هوه يواصل الغــــــارات

رماني رمية(ن) من بعدها وجعاني وجعـــــاني
ماغير ارعى النجوم السارية واجاذب الونــــــات

ونين العشق معدوم(ن) دواه بكل الاوطـــــاني
ياكود ليا جمع ربي مواليف(ن) على اللـــــذات

وانا اللي كل بادي ليل يسلبني ويسبــــــــاني
حبيب(ن) حبني وانا على حبة وفاتي جـــــات

خياله فالمنام يمرني مقفي وعجـــــــــــلاني
والا ياليل يامطولك مطولك من ســــــــــاعات

سبب حبيب(ن) نافل(ن)خدرات الاعيــــــــاني
كمل كل الوصف ونزهه ربي من الغلطــــــات

عيونه سود وخدوده حمر والعود ريــــــــــــاني
وخشم ومبسم(ن) ناعم وتحته وضح(ن) عذبات

وله عنق زهاه الصوغ من لولو ومرجـــــــــاني
ومجدول(ن)تفرق عن ثمر صدر(ن) كم المبـات

ملكني ما ملكته والهوى غالب وسلطــــــاني
ملك قلبي رجال(ن) قبل يملكهم لهم صلطات

كواني ثم كواني لا جزاه الله بالاحســـــــاني
وزاد الكيتين بخمس واتبعن عشر كيــــــــات

نساك كان انك بعد هالعرف تنســــــــــــاني
واصابك ما يصيب الصابرين بساعة الشــدات


وتقبلوا تحيات ابن سمار الحافي

[ناصر بن سعود]

صح لسان شاعر الوطن

وسلمت يمناك اخي بن سمار

بيض الله وجهك

مع كل الود والاحترام لشخصك

[ابن سمار الحافي]

شكرا لك اخي ناصر بن سعود

[الذابح]

صح لسان ايو فيصل,,

وسلمت يمينكـ يالامير,,


تحيتي وتقديري لكـ,,,


ودي..

[ابن مشيب]

صح لسان ابو هذال


وتسلم يمناك وتحيتى لك

[شباب الحافي]

صح لسان الشاعر/ ابوهذال

ابن سمار

الله يعطيك العافيه

على النقل

[ابن سمار الحافي]

شكرا للجميع على المرور

[فيصل التوم]

صح لسان ابو فيصل
وسلمت يمناك ابن سمار على ما تقدمه

[برق الحيا]

صح لسان الشاعر
يعطيك العافيه

[ابن سمار الحافي]

انا خويك لا عوى الذيب لذيب

الف شكر لك على المتابعه