ياذيب لا تجذب علي الذيابه

[ابن سمار الحافي]

السلام عليكم ورحمة الله وبركاته
قصيدة لشاعر الكبير شاعر الوطن الشاعر / خلف بن هذال الحافي العتيبي

ياذيب لا تجذب علي الذيـــــــــابه ..... حول وانا ببدي على الرجم ياذيب
ياذيب انا لي وقفة(ن)ونقــــــلابه ..... رجلي مضريها برؤس المراقيب
والذيب خاوى من عصور الصحابه..... له خوة(ن)تصدق مع اهل المواجيب
بديت انا في راس رجم(ن)عوابه .....ولي دمع(ن)غرق الكف والجــــيب
عليك يامن ساقني في عــذابه ..... سوق الركاب مكسرات المطاليب
ركايب(ن)ركابهن صار مـــــــابه ..... رحمة ولا ياوي لشيب المحاديب
اثر جلاوي من ديار القـــــــرابه ..... مونس ومجفي عقب ما كان بيطيب
ثم شب من بين القرابه حـــــرابه..... حرابة(ن) يجبر بها العظم ويعيب
اثر الهوى صعب(ن)على من مشابه ..... يركي على كبد المهاوي لواهيب
ياكم كم وكم ليل(ن) ســـــــرابه ..... ياطا على الديبان ما يعلم الغيب
ياقف على المجمول ويطق بابه ..... ويقول هذي من كبار العوانيب
الحب بلوى من بغاه ابتـــــــلابه ..... حب العذارى يالنشاما مهو عيب
العيب من سود كتابه وجـــــابه ..... يوم الرجال يبيضون المكاتيب
هذاك خايب خيب الله شبــــــابه ..... ماهب كفو(ن) للبني الرعابيب
اليوم قلبي ما يفيد الـــــــــدواء به..... دواه عنـــــــدي ما تسر الاطابيب
طبه طبيبه شوف جالي عــذابه ..... كامل حسين اوصاف مابه عذاريب
هافي حشا باب الردى ما سعابه..... ارمي بضني في هوى البال ويصيب
اديب ما في سنته مثــــل ادابـــــه ..... يدق في كبود العذارى مناسيب
حت الجنيه يغالطه في جــــوابه ..... هين علي وهو على غيري صعيب

وتقبلوا تحيات ابن سمار الحافي

[نايف بن مزيد]

يعطيــكـ العــافيــه...على النقــل..........

وصـــح لســان شــاعــر الوطــن....

[عادل الرقاص]

يعطيك الله العافيه اخوووي
وصح الله لساااان

	ابووووووهذاااااااااااااااااال

ويطول بعمره

[ناصر بن سعود]

صح لسان شاعر الوطن

وسلمت يمناك اخي بن سمار

بيض الله وجهك

مع كل الود والاحترام لشخصك

[شباب الحافي]

صح لسان ابوهذال

ابن سمار

الله يعطيك العافيه

على نقل القصيدة

[ابن سمار الحافي]

الف شكر للجميع على المتابعه

[برق الحيا]

صح لسان ابوهذال
يعطيك العافيه

[ابن مشيب]

صح لسان ابو هذال


وتسلم يمناك وتحيتى لك

[الناصح 999]

يعطيك العافيه

[ابن سمار الحافي]

شكرا للجميع والله يعطيكم العافيه