مرني اربع بنات قلت يالله الثبات

[ابن سمار الحافي]

السلام عليكم ورحمة الله وبركاتة
اليكم قصيدة لشاعر الكبير / خلف بن هذال الحافي العتيبي



مرني اربع بنــــــــــــات ..... قلت يالله الثــــــــــــبات
وين بالله رايحـــــــــــات ..... ياعذاب العاشقـــــــــين

قالن نعطيك الصحـــــيح ..... باب يطلع مـــــــنه ريح
روح سده واستـــــــريح ..... كان لك قلب(ن) فطــين

قلت قلبي له مـــــــرام ..... يجذبه صوت الحمــــــام
ياضبا مدري نعـــــــــــام ..... لا تبحيون الكنــــــــــين

قالن اجلس لا تقــــــــوم ..... هات علم وخذ عـــلوم
ويش تبغى من لـــــــزوم ..... دام حنا حاظــــــــرين

قلت من بال(ن) وســــيع ..... ودي اسألكن جمـــيع
الجماله ما تضـــــــــــــيع ..... عند ناس(ن) طيبـــين

قالن لي وش ذا الجـــواب ..... خذ مشاديد العقــــاب
حاسبك يوم الحســـــــاب ..... اثرك عدو(ن) مبــــين

قلت اشهد اني صـــــديق ..... لا تسدون الطـــــريق
وانا عليكم شفـــــــــــيق ..... اشفق من ام الجنين

قالن لي يابن الحــــــــلال ..... كل واحد له ســـؤال
شف بنا احسن جمــــــال ..... عند مثلك مشتقـــين

قلت ابحكم بينـــــــــــكم ..... بس انتم وينــــــــــكم
كلكم يازينـــــــــــــــــكم ..... مير فيكم شخص زين

فيكم مملوح اسمــــــرى ..... غصن(ن) ناعم بالثرى
يذبح ميه مـــــــــــــا درى ..... تميل له كل عــــــين

تقول الســــــــــــمرى انا ..... اسقيك كاس الـــــهنا
يابرهان سعـــــــــــــــدنا ..... كان اجتمعنا ثنـــــــين

فيكم طبيب الــــــــــــبلا ..... يخلف عقول الـــــــملا
حالي وكله حـــــــــــــلا ..... عود عانود(ن) يلـــــين

اخضر وشكله يجــــــــوز ..... وبهيكله عود مــــــوز
على خوانه يفــــــــــــوز ..... يميل بين الـــــــيدين

فيكم شعاع القمــــــــــر ..... اربع طعش بالشـــهر
تسري عليه البشـــــــــر ..... نور(ن) على العالمين

يذبح بنجل العيـــــــــــون ..... رمحه يأثر طعـــــــون
جرحاه ما يسلمــــــــــون ..... اكثر حرى ميتـــــــين

فيكم غزال اليمــــــــــــن ..... أشقر وضامر بطــــن
حبه بقلبي سكـــــــــــن ..... ومعمر(ن)من سنين

العين فيها الغضــــــــــب ..... والخد فيه العـــــــذب
والعنق فيه الـــــــــذهب ..... والصدر به بيضـــــتين

بالصدر ورد وزهــــــــــور ..... ما هو بمثل الصــــــــور
تبيض فيه الطيـــــــــــور ..... ضامر وخلق(ن) حسين

شفق(ن) على موطــنه ..... ويلاه يامســــــــــــكنه
ابصر بعضو(ن) مــــــــنه ..... او خاتم(ن)باليمـــــــين




آملين ان تنال اعجاب الجميع
تقبلوا تحيات ابن سمار الحافي

[ابن الوطن]

يعطيك العافيه

[شباب الحافي]

صح لسان ابوهذال

ابن سمار

الله يعطيك العافيه

[ناصر بن سعود]

صح لسان شاعر الوطن

وسلمت يمناك يابن سمار

بيض الله وجهك

مع كل الود

[ابن سمار الحافي]

ابن الوطن
السكب 911
ناصر بن سعود

الف شكر لكم

[الذابح]

صح لسان شاعرنا شاعر الوطن ابوفيصل الله يطوول بعمره...


وسلمت يابن سمار يالامير,,


والله لا يهينكـ,,


مودتي..

[بعيد المدى]

يعطيك العافيه يا ابن سمار

[ابن سمار الحافي]

شكـــــــــــــــــــرا للجمــــــــــــيع