قصيده جمعت بعض معارك عتيبه

[سلطان المقعار]

هذه قصيدة للشاعر شقير بن عقيل الجذع يذكر فيها بعض من معارك عتيبة

والقصيدة كاملة ولكن قمت بتجزيئها حسب كل معركة




يقول الـى بـدع صـاف المثايـل
معانيـهـا الصحيـحـة جايزتـهـا
نبيـهـا تنتـبـه بـعــض القـبـايـل
كـان أفـعـال أههلـنـا جاهلتـهـا
يشيب القلـب لـو يعلـم ويـدري
لو ان الارض تظهر ما تحتهـا
عرف بافعالنـا شيخـان نمـرى
عتيـبـة فــي المـعـارك قتلتـهـا
على سرد المهار بسيفن املح
يـبـت الجمجـمـة حـــد رقبـتـهـا
عـلـوم مــا نـبـى فـيـهـا مـعـلـم
حـكـى تـاريـخ نـجـد بسالفـتـهـا
توضـح فعـل روق وفعـل برقـا
عتيـبـه والاسـامـي قاسمـتـهـا
وقبيـلـة وحــدة والفـعـل واحــد
هـــوازن والقـبـايـل عارفـتـهـا
حـربـنـا وارتـكـانــا لـلـحـرايـب
عتيبـه مـا سطـة نجـد ملكتـهـا




(الـمـحـدار)



نـزلـنـا نـجــد بـشـلـفـن تــبــارى
ونمرىٍ تدرق الشمس عسمتهـا
كـمـا نــوٍ يـزلـزل بــا لـرواســي
سحابـة ٍ برقهـا مــن صاعقتـهـا
رعدها المـاس والبـراق شلفـى
الــى صـابـت لـهـا جـثـة فـرتـهـا
نـهـار إنــا عـلــى نـجــد حـدرنــا
تــواريــخ الـلـيـالــي ورخـتــهــا
حـدانـا الـوقـت والــدار محمـيـه
قـبـائـل عـــن قـبـائـل حامـيـتـهـا
وطلبـنـا منـهـم الـمـربـاع فـيـهـا
ورفضها الشيخ والقوم رفضتها
ورديــنـــا عـوانـيـهــم عـلـيـهــم
وردات الـبـرى تـعــرف سنـتـهـا
ونشرنـا بـارق الحـرب ومشيـنـا
وفكينـا الحـمـى عــن ماسطتـهـا
ونزلـنـا مـاسـطـة نـجــد وبنـيـنـا
ورواعـيـنـا مراعـيـهـا رعـتـهــا
رعت عشب الربيع وقيضـت بـه
ومواردها علـى الحـول وردتهـا
تــرد قـطـم الـتـوادي فــي ذرانــا
وتشـرب كـل عينـن مـن شفتـهـا
نـردهـا لـــو مـواردهــا مخـيـفـه
لـيـا ماصـبـحـت قـــوم هجـدتـهـا
تـحـاربـنـا الـقـبـائـل ونـحـربـهــا
عتـيـبـه كـــم قـبـيـلـه حـاربـتـهـا
وهـذه مـن شهـود أفـعـال أهلـنـا
وتـضــاف الـتـالـيـات لسبـقـتـهـا




(يوم مريحه)



ويـوم مريحـه والرضـم حنـا
ويا كم من مراضيع أيتمتهـا
عتيبه من عصور الجاهليـه
ليا صالت على قومن خذتهـا
أقولـه وانشـد التاريـخ عـنـا
من أول سالفتها الى اخرتها
وهذه من شهود أفعال أهلنـا
وتضـاف التاليـات لسابقتـهـا




(طــــــــلال)



وتعلم عن طلال وعـن نهـاره
تعـلـمـك اللـيـالـي بحـادثـتـهـا
جمـوع جاتنـا حضـر وبـداوي
وحـنـا جمـعـة تـعـرف فيـتـهـا
وقفنا فـي نحـور القـوم وقفـه
تبـي تفـنـا ترثـهـا مــا نستـهـا
وقفـنـا دونـهـا بالسـيـف حـنـا
وهـي بعقـل تعجـبـك رطنتـهـا
وكسرناهم وخذنا الخيل منهم
وطرحنا شيوخ للحيز وكلتهـا
ومنعنـا الـي يبـا مـنـع وزبـنـا
ومـاقــال الـعـطـاوي بيـنـتـهـا
وهذي من شهود أفعال أهلنا
وتضـاف التالـيـات لسابقتـهـا




(عرجا والأنصر والدفينه)



مثل عرجـا والانصـر والدفينـه
ثـــلاث وكـــم ثـلاثــن ماثلـتـهـا
كلامن صدق ما نبغـى الظلايـم
ولاتـعــتــز قــــــوم بـظـلـمـتـهـا
علـى عرجـا قبائـل مــع قبـائـل
لـكــن حظـوظـهـا ماساعـدتـهـا
تـــريـــده ولله الـــخــــلاق راده
تبـي هـزمـة عتيـبـة وهزمتـهـا
عـلـى الميـعـاد جيـنـا للمـلاقـى
اليـا بعـض الجـمـوع مخليتـهـا
سروا واللـي بقـى معـه التقينـا
صـبـاح وكــل سـاعـه ببركتـهـا
عـلـى قـبــن يعـلـجـن الـحـدايـد
وشـلـفـن مـاتــداوى صايبـتـهـا
نضد بها العـداء يـوم الحرايـب
الـيـا مــدت لـهـا كــف قطعتـهـا
وهـذه مـن شهـود أفعـال أهلنـا
وتـضـاف التـالـيـات لسابقـتـهـا
وعلى الانصر غزو قوم علينـا
وبقت بأسمى الجبال مسميتهـا
غزانـا حاكـم القطـر الشمـالـي
يقـود اسـراب واسـرابٍ قفتـهـا
يـبـي يـاخـذ عدايلـنـا الـولايــف
وحدانا القـوم عنهـا مـا خذتهـا
وخذنا الخيل والجيش الاصايـل
قــلايــع بــالاشــده وخـرجـتـهـا
وراحـت مـرج خيـل القـوم منـا
يكود الى أكـل المـاس فطحتهـا
عليهـا مـن أهـل العنـه شهـاده
تـغـنــى بـالـحــروف مغنـيـتـهـا
وهذي من شهـود أفعـال أهلنـا
وتـضـاف التـالـيـات لسابقـتـهـا
وبعطيـكـم خـبـر يــوم الدفـيـنـه
واعـلـم بالعـلـوم مــن أولـتـهـا
غـزانـا قــوم يبـغـون الطمـايـع
وغيـرنـا النـوايـا الـــى نـوتـهـا
وحداناهم على روس الحتايـف
بـعـد طــال الـنـهـار بمعركـتـهـا
بـحـد الـسـيـف ميـلـنـا علـيـهـم
وعلى الفرسان حامت حايمتها
وسمـي صمـد معـتـق بالدفيـنـه
عتـاق نفـوس ونفـوس قتلتـهـا
فعايـل روق عطبيـن الضرايـب
عــزاة مـــا تـهــاز مجـاورتـهـا
عوايـدهـم يـضـدون الـمـعـادي
حيـاض القـوم كـم مـره كفتـهـا
مثـل هـاك النهـار ومثـل غيـره
نـعــد لـكــل وقـعــه شـاهـدتـهـا
لـيـا مـنـا نويـنـا الـحــرب حـنــا
نعـشـي الجايـعـات بمجحـرتـهـا
من الى يلبسون الجـوخ والـى
يـقــودون الـســرب بمقدمـتـهـا
يكـود الـيـا عـفـى ربــي عفيـنـا
عتيـبـه دايـــم الـعـفـة صفـتـهـا
وهـذه مـن شهـود أفعـال أهلنـا
وتـضـاف التـالـيـات لسابقـتـهـا




(وضــاخ والحـفـر وحـراضـه)



ويوم وضاخ والحفر وحراضـه
دواويــــن الـفـعــول مـدونـتـهـا
عليهـا تشـهـد أبـيـات القصـائـد
ومـوارد شيـوخ قــوم فارقتـهـا
شهـود وضـاخ حسيـان وركايـا
مــا تنـشـد صادرتـهـا واردتـهـا
اخذناها بحد السيف وحد شلفى
وجبعـا تاكـل الــرؤس فشقتـهـا
مضاربهـا الجماجـم مـن يـدانـا
ويا كـم جمجمـة راس نفضتهـا
مأخـذنـاهـا بطـلـبـات ومـبــادي
ولاسـقـنـا الـثـمـن لمعـمـرتـهـا
على وضح النقى مهيب خدعـه
ولاقـــــط حــددانـــا خـادعـتـهــا
عليـهـم جـرهـا زيــزوم نـمـرى
سربـنـا نــزل أهـلـهـا شـددتـهـا
وصـارت مـن يداهـم فـي يـدانـا
نسـتـهـا الـقــوم والا خابـرتـهـا
وهذي من شهـود أفعـال أهلنـا
وتـضـاف التـالـيـات لسابقـتـهـا
ويوم الحفـر زبنـه مـن شهـوده
جمـوع حـزت الـهـوش زبنتـهـا
يـبـون الضـلـع يرفعـهـم عليـنـا
وفــوز المعـركـه لمسيطـرتـهـا
وتسيـطـرنـا وعـديـنــا عـلـيـهـم
وقضينـا الاعـداء مـن عاليتهـا
بسـرد زادهـا مـاس السـراعـه
نخرط المشـط ونطـش سعفتهـا
صلـيـب العـظـم يغـدنـه شظـايـا
قـطـرهـا مـايـخـون معـايـرتـهـا
وخـذنـا عــد مقـرعـة الـتـوادي
لـيـا جــت والسمـايـم سايقتـهـا
تــرد مـــران والـعــد الـهـلالـي
وتقود النصر واطراف هدجتهـا
ومـن هـاك الزمـن لليـوم حـنـا
نسقـي القـود ونـغـرس نخلتـهـا
وهذي من شهـود أفعـال أهلنـا
وتـضـاف التـالـيـات لسابقـتـهـا




(البرك والعصلا)



ويـوم البـرك والعصـلا وغيـره
جبـال الـدار تشـهـد وشجرتـهـا
تعلـمـك المـواقـع بــالا سـامـي
بسـامـيـهـا ومــنــه مسمـيـتـهـا
بأسامي نـاس سمونـا النوامـي
كمـن حضوضهـا مـا نومستهـا
مـداغـيـش يـضــدون الـقـبـائـل
لـكـن لـكــل حـاجــه معجـزتـهـا
وهـذه مـن شهـود أفعـال أهلنـا
وتـضـاف التـالـيـات لسابقـتـهـا
وعلى العصلا نهارن تسمعونه
كـلام شـهـوده الــى حاضرتـهـا
عـدد تسعيـن مـن رؤس قبلانـا
نـعـتـهــا بـالـعـبـايـر نـاعـيـتـهـا
اقـولـه والعـلـوم الـهــا دلايـــل
مـواقــف والـفـعـول مبـررتـهـا
وهـذه مـن شهـود أفعـال أهلنـا
وتـضـاف التـالـيـات لسابقـتـهـا




(يوم الرحــــــى)



وترى يوم الرحى تسعين فارس
تعـشـتـهـا الـسـبــاع وزعـتــهــا
خلاف اشرف بالسيف المصقـل
عدايل شيـوخ نجـد اللـي حمتهـا
غزانـا مـن شمـال الـدار حـاكـم
بـــروكـــات تـــبـــذ مـعــددتــهــا
طنـايـا مــا يـعـرفـون الـتـراجـع
لــكـــن اّلاد بـــرقـــا رجـعـتــهــا
بعـد يـوم تشيـب ابـه الرضـاعـه
تحـوز مـن العـزاه ليـا اعتزتهـا
عـزاة شيـوخ ماضـيـن الفعـايـل
ذرى جـــرد الـرقــاب متيـهـتـهـا
عـوايـدهــم يـفـكــون الـتـوالــي
مـثـل هـــاك الـنـهـار بسالفـتـهـا
وهـذي مـن شهـود أفعـال أهلنـا
وتـضــاف التـالـيـات لسابقـتـهـا




(العويند)


وتـرى يـوم العوينـد كـم فـارس
علـيـه الـرمـل تــذري ذاريـتـهـا
نـوونـا بالهزيـمـه يـــوم جـونــا
ومـنــا نـيــة الـقــوم احرمـتـهـا
وعـود جدعهـم فـي القـاع مـنـا
مثل جدع الخشب من عاصفتها
وهذي مـن شهـود أفعـال أهلنـا
وتـضـاف التـالـيـات لسابقـتـهـا




(المباحيص)



وعلى درب المباحيص التقينا
شـيـوخ الـقـوم طفيـنـا بختـهـا
لعيـن الـي تـنـادي بالاسـامـي
تـثـاري للنـخـاه الـــى نخـتـهـا
أخذنـا حـلـة الـقـوم ودبشـهـم
جـزاءً لفعولـهـا الــى فعلتـهـا
نجازيـهـم بـمـا مــدت يـداهــم
نكيـل الصـاع والنـا راجحتهـا
وهذي من شهود أفعال أهلنـا
وتضـاف التالـيـات لسابقتـهـا




(المجمعة)



ويـوم شيـوخ بالـسـرده تسـمـى
ويـوم المجمعـة فــي مجمعتـهـا
طرحنـا الشيـخ زيـزوم السرايـا
سـنـه وهــوه يــداوي صايبتـهـا
وذبحنا الشيخ بـن عمـه شقيقـه
علـيـه الـقـوم يـاكـثـر حسفـتـهـا
وكسرنا الباب عن قطم التوادي
وكسـرنـا ابــواب قــوم قفلـتـهـا
وهذي مـن شهـود أفعـال أهلنـا
وتـضــاف التـالـيـات لسابقـتـهـا




(الهييشه)



وشمال النير واللي في جنوبه
وتـرى يـوم الهييـشـه ثالثتـهـا
علينا في الهييشه ميل ساعـه
ومنـا نصـف ساعـه عوضتهـا
وذبحنا عشرة مع درب عشره
وخمسة بالحسـاب لمحصيتهـا
علـيـنـا مـيـلـة فـالـعـام مــــرة
وعليهم خمس ميـلات بسنتهـا
وهذي من شهود أفعـال أهلنـا
وتـضـاف التالـيـات لسابقتـهـا




(الحرملية)



غلبنـا يـوم كــون الحرملـيـه
وغلبنـاهـم بـعـشـر ماثلـتـهـا
نـرد شـيـوخ ضيـفـانٍ لأهلـنـا
ونشـرب بالفناجـيـل قهوتـهـا
عليها قـال شاعرهـم قصيـدة
وقلنـا مثلهـا الـلـي خلصتـهـا
وهذي من شهود أفعال أهلنا
وتضـاف التاليـات لسابقتـهـا




(شمال النير)



وشمـال النيـر مـع قـوم التقينـا
جـمــوع قــــدرة الله جمـعـتـهـا
يبون من الحمي الى العرايـس
وعبلـة شرثـه الـي مـن تحتهـا
ويبون من الثنادي الى الذنايب
وعبـلـة سـفـوه الـلـي كانفتـهـا
ويبون من العريق اليا الينوفي
مرابـي ادباشنـا الـلـي رابيتـهـا
وحلفنـا حلـف مايمشـون فيـهـا
وبـاقـلـنـا بــواقـــي سـاكـنـتـهـا
ونـادى شيخنـا ويـن النشـامـى
هــل الـعـادات حــزة واجبـتـهـا
وتعـزوانـا وكـررنـا الـعــزاوي
وثورنـا اشهـب الملـح دخنتـهـا
لكـن مـن الفشـق مـنـا ومنـهـم
بـــرد نـــدر يـخـيـف مخيـلـتـهـا
وعليهـم مــن مباطحـنـا عديـنـا
واخـذنــا كـــل جـبـعـا برقبـتـهـا
وهزمناهم وصار الاسـم باقـي
تـسـمـي بـالـطــراد مسمـيـتـهـا
وهذي من شهـود أفعـال أهلنـا
وتـضـاف التـالـيـات لسابقـتـهـا




(جنوب النير)



وجنوب النير شيخ جر نمرى
عليـهـا فــوق عــد واردتـهــا
وتلاقوا مع فريق من عتيبـة
وولـعــت فالفـتـيـل مولعـتـهـا
مضاربها بـروس شيـوخ ولاّ
بـســرد والأعـنــة قاضبـتـهـا
عليها سجل الشاعـر شهـادة
ذيــاب النـيـر ينعتـهـا نعـتـهـا
قصيـدة شاعـر قـال الحقيـقـة
لمـن يجهـل خبرهـا فسرتـهـا
وهذي من شهود أفعال أهلنا
وتضـاف التاليـات لسابقتـهـا




(جنوب ظلم)



وجنوبي ظلم شيـخ جـر نمـرى
على أذواد من المضمأ أخذتها
عزيب وكل راعـي هـج رجلـي
وراحــوا كــود بـنـت عانقـتـهـا
وقـالـوا عــودي يـابـنـت عـنــا
وقالـت فـزعـة الـبـل خابرتـهـا
قــدم وكــان مالحـقـوا طلـبـهـا
بنـزل حـيـن أصـيـر موازنتـهـا
وبخنقهـا نشرتـه فـي عصـاهـا
وصـاحـت للـفـزوع وفزعـتـهـا
صلاة الظهر وأختـف المصلـي
وعـجـلـت الـصــلاة مصليـتـهـا
وقالـت ياهـل العـادات قـومـوا
ترى البل جاتهـا قـوم وشعتهـا
والياهم سبعة مـن دون ثامـن
أهـل سبـع مـن الخيـل لحقتهـا
عليهـا سجـل الشاعـر شـهـادة
لمـن يجهـل خبـرهـا وضحتـهـا
وهذي من شهود أفعـال أهلنـا
وتـضـاف التالـيـات لسابقـتـهـا




(الصواي)



وعلى الصواي والبكري وساجر
ويــوم ســواج ظـفـره خامستـهـا
نــرد شـيــوخ ونـجـيـب الـقـلايـع
تـسـولـف بالـفـعـول مسولـفـتـهـا
عـلـى الـصـواي ستـيـن منـعـانـا
جـنـوب الشـعـب غــرب مثلثتـهـا
منعناهـم واخذنـا الجـيـش منـهـم
وبــدلــت الــوســوم موسـمـتـهـا
عليـهـا قــال شاعـرهـم قـصـيـدة
تـدونـهــا الـصـحـايـف وكتـبـتـهـا
وهـذي مـن شهـود أفعـال أهلـنـا
وتـضــاف الـتـالـيـات لسابـقـتـهـا




(غــثــاة)



ومنعـنـا يــوم كــون غـثـاة سبـعـة
مــن الشـيـخـان غـيــر مرافقـتـهـا
بـعــد مـاعــودوا وقــالــوا وقـلـنــا
بـسـيـة وجــــه بــتــلا وحسـنـتـهـا
ورضـــوا بـالـكـلام الـــي نـقـولــه
فرضناهـا عـلـى الـقـوم ورضتـهـا
منعـنـا نصفـهـم والنـصـف الآخــر
عــبــاريــد الــمــشــوك شـتـتــهــا
وهـذي مـن شـهـود أفـعـال أهلـنـا
وتــضــاف الـتـالـيـات لسـابـقـتـهـا
وغـيــره كـــم أعـــد وكـــم أخـلــي
تشـيـب ابـهـا القـوافـي ماكملـتـهـا
تـفـرقـهـا الـمـواقــع والاســامـــي
وتــواريــخ الـلـيـالـي مـورخـتـهــا
نـــرد الـصــادرة فــــوق الـمـغـبـة
ونـشــب الـنــار ونـزيــد شعمـتـهـا
عـوايــدنــا الــيـــا دارات رحــانـــا
عـلــى حــبــة مـعـاديـنـا طحـنـتـهـا
وهـذي مـن شـهـود أفـعـال أهلـنـا
وتــضــاف الـتـالـيـات لسـابـقـتـهـا
ولا أقـول انـي احصيـت المـواقـف
طـــويـــل شــرحــهــا لـمـعـددتـهــا
عـلـى الـطــالات أهـلـنـا عـودونــا
على اكـرام الضيـوف اليـا نصتهـا
وعلـى لطـم الحـريـب الـيـا حربـنـا
وعــلــى تـقـديـرهـا لـمـجـاورتـهـا
وعـلـى فــك الـدخـيـل الـيــا زبـنــا
يـديــن عــــداه نـقـصــر طايـلـتـهـا
وهـذي مـن شـهـود أفـعـال أهلـنـا
وتــضــاف الـتـالـيـات لسـابـقـتـهـا
وحسب ماعرف ذكرت اللي قدرته
وتفسيـر القصـص مــن معرفتـهـا
وعـن اللـي ماعرفتـه سامحـونـي
مـــن الـعـريـف نـطـلـب معـذرتـهـا


أعــــداد: سلطــــــان المقعــــار

[ابن مشيب]

صح لسان الشاعر شقير



وتسلم يمناك على هالطرح

[ابن الوطن]

سلطان

يعطيك العافيه

[ابن سمار الحافي]

صح لسان الشاعر شقير الجذع
وبيض الله وجهك اخوي سلطان

[ناصر بن سعود]

صح لسان الشاعر شقير الجذع

لاهنت ياسلطان

مع كل الود

[بعيد المدى]

صح لسان الشاعر شقير الجذع
ولاهنت اخوي سلطان على النقل

[ابن مجلبه]

صح لسان الشاعر الكبير شقـــير

قصيدة شامخة

ان اشهد انكـ كفيت و وفيت يا شقير



سلطــــــــــان

بيض الله وجهكـ

الف شكر لكـ على تقديم هذه القصيدة الشامخــة

تسلم يمينكـ و لا هنـــــــت يا غالي



تحيتي و تقديري لكــــــــــ

[الـتـوم]

صح لسان الشاعر وتسلم يمينك

[شباب الحافي]

صح لسان الشاعر شقير الجذع

لاهنت ياسلطان

[محال]

	فعايـل روق عطبيـن الضرايـب عــزاة مـــا تـهــاز مجـاورتـهـا

كفو مشكور سلطان المقعار على نقل قصيدة شقير الجذع وشاكراً لك على تفريقها كلاً على حسب المعركة