خلف بن هذال ومدح قبيلته

[سلطان المقعار]

قصيدة خلف هذال في مدح قبيلة عتيبه
يابنت ياللي تطوي الثـوب الأرداف
شط الحـوار بـدر بكـرٍ يميحـه

في مرتعٍ عشبة تغريـف تغريـاف
وأمـه هجـل ماشملوهـا منيحـه

والعنق عنق مذيرٍ عقب ما شـاف
بـوارديٍ لاقـفٍ لــه بضيـحـه

والعين عين موحشٍ راس مشراف
يملا عيونـه بالفجـوج الفسيحـه

يابنت مانرضى المهونه والاضعاف
لنا على روس المشاريف صيحـه

لاتنشدين عن المنـازل والاسـلاف
يوم اذكر الماضي تهيـج القريحـه

فينا صفات الطيب يابنت واوصاف
ما تنطبق فـي غيرنـا يامليحـه

دخلينا يرقد ورى الوجه ما خـاف
يامن وتحماه السلـوم الصريحـه

ناسم عصاه ولو يبي حج وان طاف
تحت الحمـى ماواحـدٍ يستبيحـه

وانفوسنا دايم عفيفـات وانظـاف
وابدانا مـن كـل علـه صحيحـه

صاحين صافين المشاريب واشراف
ماناكـل المتـرديـة والنطيـحـه

وان ثارت الهيجا لنا وفد واطـراف
وجه الحريـب نقنعـه بالفضيحـه

وصلبين في وقت الشدايد وعـراف
منا المشوره واختيـار النصيحـه

واكرام لو يلحق بنا نقص واخلاف
نملى الصحن ونلحفـه بالذبيحـه

يوم السنين الماضيه حيل واعجاف
ينقل لنا من هبـة الريـح ريحـه

والعيشه اللي تدبل الكبـد تنعـاف
النفس عن مـا تكـره مستريحـه

دنياً تموج ولا رسمنا لها اهـداف
ياما تحتهـا مـن فعلـون قبيحـه

[فيصل التوم]

صح لسان ابو فيصل ويعطيه طولة العمر
وسلمت يالمقعار على هالنقل الرائع

[ابن الوطن]

يعطيك العافيه

[ناصر بن سعود]

صح لسان شاعر الوطن

وسلمت يمناك ياسلطان

بيض الله وجهك

مع كل الود والاحترام

[عبد المعين التوم]

صح لسان ابو هذال
وسلمت يمناك لا عدمناك يالمقعار

[برق الحيا]

صح لسان شاعر الوطن

الله يعطيك العافيه

[ابن سمار الحافي]

اخي سلطان المقعار الف شكر لك
صح لسان شاعر الوطن

[بعيد المدى]

صح لسان ابوهذال
وسلمت يا سلطان على النقل

[ابن مشيب]

صح لسان ابو هذال


وتسلم يمناك وتحيتى لك

[الذابح]

صح لسان شاعرنا شاعر الوطن ابوفيصل الله يطوول بعمره...


وسلمت يابن سمار يالامير,,


والله لا يهينكـ,,


مودتي..