حبيب العازمي و مستور العصيمي

[سلطان المقعار]

محاورة بين الشاعرين القديرين حـبـيـب الـعـازمـي و مـسـتـور الـعـصـيمـي

المحاورة اقيمت يوم السبـت 16/ 7 / 1429هـ

حبيب العازمي



يامرحبا ترحيبةٍ تنحت من جبال السـراه
الي على الطايف مطله والهوا ما هدهـا
قولوا لمستور العصيمي ينتبه يرفع عصاه
ام الكباير دمعها من عينها فـي خدهـا




مستور العصيمي




دام البقى يالشاعر الي يلحق الشاعر هواه
مديت لك يمناي يمنـاك الكريمـة مدهـا
يالعازمي لا تشتقي بالحب دورنـا رحـاه
وام الكباير خلها عندي وانا العن جدهـا




حبيب العازمي



ياعد يا هداج يالي يروي الحجاج مـاه
الله عطاني قوةٍ عطاك قبلـي ضدهـا
هذا خطا والمخطي المسؤل يتحمل خطاه
انته تلبس لك رجال ثياب ماهي قدهـا




مستور العصيمي




ترا العصيمي لو شرب له بحر ما يقطع ضماه
دوبـك تلفـت ياحبيـب للنجـوم وعـدهـا
الـي يصيـح للعـرب دون الجبـل ولا وراه
ياصاحبي يالعازمي هـات العلـوم و ودهـا




حبيب العازمي




حنا ترانا ما نحسد الرجل يوم الله عطاه
وحقوقنا حامينها ود العدا مـا ودهـا
الي يصيح للعرب صيّح وبذ الله خفـاه
يكد راس الجارية والمشط عيا يكدهـا




مستور العصيمي




الي يخاف الله يزكي المال في وقت الزكاه
بالله قـل الـي بناهـا لا يزيـد يهدهـا
المسلم المغرور ماله لا صيام ولا صلاه
راع العيون الحول في الجيران ليش يلدها




حبيب العازمي




العام بيت الفقر جاه المال من بيـت الغنـاه
واليوم بيت الفقر يازن صاعها فـي مدهـا
كيف المريض الي على الدكتور مشروطٍ دواه
يصحي من الغيبوبـة الـي تاخـذه لابدهـا




مستور العصيمي




المعطي الله ما ترجينا البخيل ولا عطـاه
ونقول يا بيت الكرم عش الضيوف وغدها
ياصاحبي يالعازمي صاحبك عالٍ مستواه
اهرج معي واهرج معك والي تباها بدها

[سلطان الحافي]

الله الله

طاروق

لا اروع

كيف

وهو بين عمالقة القلطه فالخليج العربي

ابو السلااااااااااااااااااااااطين

بيض الله وجهك

يالذيب

مودتي,,,

[شباب الحافي]

صح لسان الشاعرين

سلطان

لاهنت

على النقل

[فيصل التوم]

محاورة رائعه وشعار متميزين
ربي يعطيك العافيه يالمقعار

[غريب ابن سمار]

يعطيك العافيه

[ابن ملحق]

لاهنت ع النقل