يازين حالي قسم ارباع وانصاف

[ابن سمار الحافي]

السلام عليكم ورحمة الله وبركاته


قصيده لشاعر / خلف بن هذال الحافي العتيبي




يازين حالي قسم ارباع وانصـــــــــاف ..... لا والله الا قلـــــقل الهم حــــــــــــــالي
القلب صابه من سبايبك خفـــــــــخاف ..... وارخصت دمعـــي عقب ماهوب غالي
عليك قلبي تالي اللــــــيل ينــــــــــــلاف ..... لف الحبال ليا طــواها المحـــــــــــالي
عليك قلبي بالحشا يرجف رجــــــــــاف ..... رجف الصــــــــــواقع في ثقيل الخيالي
منول(ن) بالحب لك امر ولاخــــــــــاف ..... واليوم افزز واســــتحي من خــــــيالي
واهني حي(ن) ما تولع ولا شــــــــــاف ..... ولا ســــــاهر النجم الشهــــور وليالي
وانا وليفي ما حكم لي بالانصــــــــــاف ..... وانا على جمعاه اخاطر مــــــــــــبالي
اشري محبة صاحبي زين الاوصــــــاف ..... لو طيرو سعر الذهب والـــــــــــــريالي
العين عين اللي بدا راس مشـــــــــــراف ..... عين الوحش والعنق عنق الغـــــــزالي
والجسم غصن(ن) بين الاغصان غرياف ..... يلعب ليا هبت عليه الشمـــــــــــــــــالي
ابو ثمان(ن) وضــــــح(ن) بيض ورهاف ..... طعم العسل فيهن تسلسل وســـــــــالي
اتلف حياتي عـــــــــــــاضه الله بالاتلاف ..... يوم ارتكيت لحكمته ما رتكــــــــــــالي
ضالم وجدد مشــــــــــــــــــيه قدام بخلاف ..... وبعث جروح(ن) مرمسات(ن) بــــوالي
اثر تصاديده ماهي بغض وعـــــــــــــــياف ..... قصده تغـــــــلي والتغـــــــــــــلي دلالـــي




آملين ان مانقدمه ينال رضا الجميع
وتقبلوا تحيات ابن سمار الحافي

[الذابح]

صح لسان شاعرنا شاعر الوطن ابوفيصل الله يطوول بعمره...


وسلمت يابن سمار يالامير,,


والله لا يهينكـ,,


مودتي..

[ابن مجلبه]

عليك قلبي تالي اللــــــيل ينــــــــــــلاف ..... لف الحبال ليا طــواها المحـــــــــــالي


صح لســـــــان ابو هذال


ابن سماااار

بيض الله وجهكـ يالغالي

الف شكر لكـ على ما قدمــــــــت

لا هنــــــــــــــــــــــــــــــــــت


تحيتي و تقديري لكــــــــ

[ابن سمار الحافي]

الف شكر للجميع

تحياتي لكم

[بعيد المدى]

صح لسان ابو هذال
ابن سمار الله يعطيك العافيه

[ابن سمار الحافي]

بعيد المدى تحياتي لك