القلب في نار المحبه فداوي

[ابن سمار الحافي]

السلام عليكم ورحمة الله وبركاته

قصيده لشاعر / خلف بن هذال الحافي العتيبي




القلب في نار المحبه فـــــــــداوي ..... اما احترق والا انقطع فيه معلــــــــوق
قلب(ن) كواه من المظانين كاوي ..... بين الظلوع اللي على القلب من فوق
وانا اشهد ان الحب بلوى البـلاوي ..... كم واحد(ن) قلبه من الحب محـروق
يازين ماتعـــــــطف وترحم وتاوي ..... فيمن فقد عقله بعد هزه الشـــــوق
ماله مجيب ولا طبــــيب(ن) يداوي ..... مستوحش(ن) كنه مقفل بصنــــدوق
من عقب حي(ن) راح كنه خلاوي ..... ما كن يمشي وسط الاسواق مخلوق
يازين والله ماتفيد الشكــــــــــاوي ..... الرابح اللي ماله اليوم معشـــــوق
لو المنواي تنفع اهل المنــــــــاوي ..... ما صار في قلبي حزازات وفلوق
اليوم صرت من التفرق شقــــــاوي ..... حالي قضى واللي بقا دم وعروق
وليا ذكرتك ياعيون النـــــــــــــداوي ..... اخذت لي مع هجعت الناس طاروق
على فراق الشمل ماني بقـــــــــاوي ..... غصب(ن) علي وكل مطرود ملحوق
لابد بعد البعد جمع الاشــــــــــتاوي ..... يصفي غرام اللي لهم بالحب ذوق
وارعى الحيا حيث اني حيــــــــاوي ..... واخاف كرسي الحشا يلحقه عوق
ياعود ريحان(ن) على الحوض راوي ..... يزرق عليه من ازرق الجم زاروق
وان هزه النسناس ريحه عـــــداوي ..... واللي عليه ابواب ماهو بمسروق
والرمش فوق محيجر العين ظـاوي ..... ليل(ن) سرى في جانبه رعد وبروق




آملين ان ما نقدمه ينال رضا الجميع
تقبلوا تحيات ابن سمار الحافي

[الذابح]

سلمت يالامير..

والله لا يهينكـ,,

وصح الله لسان ابوو فيصل..

وطوول الله عمره,,,


مودتي,,

[ابن سمار الحافي]

اخوي الذابح ولا تهون وشكرا لك

[لافي]

مشكور علىىى النقل

[برق الحيا]

صح لسان الشاعر

[بعيد المدى]

صح لسان ابوهذال
ابن سمار يعطيك العافيه

[طارق ابن سمار]

صح لسان ابو هذال


ذيب يابن سمار

[عزام]

صح لسانك يابو هذال

[ابن سمار الحافي]

مشكورررررررررررررررررررررين

[العمدة]

للقصيد مع ابو هذال طعم ولون

تحياتي لك يابن سمار