واقلبي اللي كن يبراه مبراه

[ابن سمار الحافي]

السلام عليكم ورحمة الله وبركاته

قصيدة لشاعر / خلف بن هذال الحافي العتيبي




واقلبي اللي كن يبراه مبـــــــــــراه ..... وملاطفه تسعه وتسعين عله
له مدة(ن) مستدخل(ن) داه ودواه ..... الداء حصل والدواء ما حصله
لو البكاء يجيب غايب بكيـــــــــــناه ..... مير البكاء لصبي عيني مذله
لا وحليلك يالصـــــــــــــغير حليلاه ..... عليك من خلي وصوف(ن) مدله
عليك من خلي خشيمه ومـــاطاه ..... وفي باقي الاوصاف مانته حلله
خلي جديد اللبس والصوغ يزهــاه ..... ادعج غنج من قابلــه مايمله
ابكي عقب فرقاه واقول عــــــزاه ..... يامن خبر مثلي بكاء حب خله
يابعد دار سهيف الوصف بعـــــداه ..... دونه قنب ذيب(ن) يروجع عوله
خلي نجوم اللي تمره وتطـــــــاه ..... تمر مدهاله وتــــــــــرقب محله
يفز قلبي كل ما وحيت طــــــرياه ..... ايظا ليا حطـــو على النار دله
الله على اللي يقطع الدار ممشاه ..... وارد حفيز ويســري الليل كله
ابا انحر اللي جر قلبي وعنــــــــاه ..... غرو(ن) بغي الجهل قلبي يتله
حبه حل بقلبي ما والله انســــــاه ..... حل بمحل(ن) حل محد(ن) يحله



آملين ان مانقدمه ينال رضى الجميع
تقبلوا تحيات ابن سمار الحافي

[احمد فيحان الحافي]

شكراً على القصيدة الرائعة
ووفقك الله

[بعيد المدى]

ابن سمار الله يعطيك العافيه

[الذابح]

سلمت يالامير..

والله لا يهينكـ,,

وصح الله لسان ابوو فيصل..

وطوول الله عمره,,,


مودتي,,

[ابن سمار الحافي]

شكرا يالزملاء ولا تهونون الف شكر لكم

[فيصل التوم]

يعطيك العافيه على هالنقل,,،،!!

ما تقصر يالذيب...!!!

وصحـ لسانـ ابو فيصل،،،

[ابن سمار الحافي]

مشكورررررررررين على الموررورر